Hebru 13:5 - Tedim Bible

⁵ Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

Tedim Bible Revision 2017

⁵ Sum deih luatna tawh na kipelh nadingun na nuntakna uh ah kikem unla, na neihzah uh tawh lungkim un. Pasian in, “Note ka hong nusia ngei kei dinga, ka hong tamasak ngei kei ding hi,” hong ci hi.

Hebru 13:5 Iomraidhean Croise

Piancilna 28:15

En in, keimah in nang tawh omin na paina peuhah kong kem ding a, hih leitangah nang kong paipih kik ding hi; bang hang hiam cih leh nang' tunga kong gensa thute ka hih khit matengin nang kong nusia kei ding hi,” ci hi.

Piancilna 30:31

Amah in, “Nang bang hong pia ding ka hi hiam?” ci hi. Jakob in, “Bangmah nong pia kei ding hi; hih bangin nong hih nak leh na tuuhonte vak kikin ka kem ding hi:

Piancilna 31:5

amaute' kiangah, “Na pa un nidang bangin maipha tawh kei hong don lohna ka mu hi. Ahih hangin ka pa’ Pasian in kei tawh om hi.

1 KUMPI MASATE 6:13

Tua ciangin na lam inn sung Israel mite lakah ka teeng ding a, keima mi Israel ka nusia kei ding hi,” a ci hi.

1 KUMPI MASATE 8:57

I pu i pate tawh a om mah bangin Topa i Pasian eite tawh hong om hen; eite hong nusia-in, hong taisan kei hen;

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang in la, sem in. Lau kei in, lungkia kei in; bang hang hiam cih leh Topa Pasian, kei’ Pasian nangawn nang tawh om hi. Topa’ inn sung nasepna khempeuh a nasepna khempeuh a kizawh matengin amah in nang hong tamasak lo, hong nusia lo ding hi.

Late 10:3

Bang hang hiam cih leh migilo in a lungsim deihna kiphatsak pih a, ngah nading a huaihampa in, Topa phuisam-in taisan hi.

Late 119:36

Nangma thuhilhnate’ lamah ka lungsim awnsak in la, ngah nading lamah awn sak kei in!

Late 37:25

Thuman mi a kinusiacip hita leh, a tate an ngen tawm-a kivaak hita leh, ka neu lai-a kipan tu-a ka teek dong ka mu ngei nai kei hi.

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Paikhiatna 2:21

Tua mipa tawh a om khop dingMoses lungkim a, amah in Moses' tungah a tanu Zipporah pia hi.

Paikhiatna 20:17

“Na vengte’ inn na deihgawh kei ding hi; na vengte’ zi hita leh, ama' nasempa hita leh, ama' nasem nu hita leh, ama' bawngtal hita leh, ama' la hita leh, na vengte aa ahi na khat peuhpeuh na deihgawh kei ding hi,” a ci hi.

Paunak 23:4

Hauh nop man bekin sum’ sila suak kei in la, a man loin gamta kha kei in.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Isaiah 41:17

Keima mite in tui duhin tui zong uh a, a dang uh a taak ciangin, amau’ hong thungetna ka pia ding a, Israelte’ Pasian ahi keimah in amaute ka nusia kei ding hi.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

Mattiu 6:19

“Na sum na paite uh kekseu thei, nget in ne thei leh, gutate in luh a, a guktheihna hih leitungah na khol kei un.

Mattiu 6:25

Tua ahih leh ‘Bang ka ne, bang ka dawn ding hiam?’ ci-in na nuntak nading uh lunghimawh kei un, ‘Bang ka silh ding hiam?’ ci-in na pumpi ading lunghimawh kei un. An sangin nuntakna a lianzaw hi. Puan sangin pumtak lianzaw hilo ahi hiam?”

Mattiu 6:34

Tua ahih ciangin, zing ciang ading na lunghimawh kei un. Zing ciang in ama ading a lunghimawh ding hi. Tuni a, om lungkhamna in tuni ading a kicing hi.”

Marka 7:22

mi’ sum gukna, mi thahna, mi’ zi tungah mawhna, huaihamna, gitlohna, mi kheemna, kihhuai deihna, een’na,

Luka 3:14

Galkapte in zong, “Kote in zong bang ci hih ding ka hi uh hiam?” ci-in a dot uh ciangin Johan in, “Note in kuama kiangah zawhthawhna tawh la kei un la, midangte zuau thu tawh na mawhsak kei un. Na khasum ngah zah uh tawh lungkim un,” ci-in a gen hi.

Luka 8:14

Ling lakah a kiate in, thu a zak khit uh ciangin amau deihna bang zui-in, lunghihmawhna, sum hauhna leh leitung lungdamnate in dep gawp a, gah a gah lote ahi uh hi.

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

1 KORIN MASA 5:11

Unau kici numei tawh a mawhte, huaiham-a duhhopte, milim a biate, hangsana kosiate, zukhamte, zawhthawh bawl-a a sutte, tua bang a hihte tawh kikhawl lo tham loin an nangawn na nekhawm kei un, ci-in ka gelh hi.

1 KORIN MASA 6:10

sum gutate, huaiham duhhopte, zukham theite, hangsan kosiate, zawhthawh bawla sum sutte in Pasian’ Gam a luah kei ding uh hi.

2 KORIN NIHNA 4:9

delhin hong kibawlsiat hangin hong nusia kei hi, puksakna ka thuak uh hangin kisiatna ka thuak kei uh hi.

Efesa 5:3

Numei tawh khialhna, lunggulh kihhuaina, apawl pawl huaihamnate, misiangthote in tan’ ding a kilawm ahih maninah kampau nangawnin kizom kei un.

Efesa 5:5

Bang hang hiam na cih uh leh, numei tawh a khial mi ahi zongin, mi kihhuai mi ahi zongin, milim bia mi ahi huaiham mi khat beek in Khazih leh Pasian’ Gam sungah luahna a ngah kei ding hi ci-in na thei uh hi.

Thu-hilhkikna 31:6

Thahat un la, hang un, lau kei un la, amaute kihta kei un: bang hang hiam cih leh note tawh hong paipa in Topa na Pasian uh ahi hi; note hong cimawhsak lo ding a, hong nusia lo ding hi,” a ci hi.

Thu-hilhkikna 31:8

Na mai-ah a paipa in Topa ahi hi; amah in nang tawh hong om ding a, nang hong cimawhsak loin, zong hong nusia lo ding hi; lau kei in la, lungkia kei in,” a ci hi.

Thu-hilhkikna 4:31

bang hang hiam cih leh Topa na Pasian un hehpihna a nei Pasian ahi hi; amah in note hong tamasak lo ding hi, hong susia lo ding hi, na pate uh tawh a thuciamna mangngilh lo ding hi.

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

1 TIMOTI MASA 3:3

Tua pa in zu ne loin, midang a sat a vua mi hi loin, a lungduai mi, thusia lamah a kiseel hat lo mi, sum a duh lo mi ahi ding hi.

Joshua 1:5

Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

Joshua 7:21

Shinar panin vankila lakah puan hoih khat, leh ngun shekel zanih a gik, leh shekel sawmnga a gik kham tawn khat ka muh ciangin, tuate ka iplah a, ka la hi; en in, tuate ka puanbuk sung lei lakah a ngunte a nuai-ah omin kiseel hi,” a ci hi.

2 PETER NIHNA 2:14

Amaute in mi’ zi tungah mawh nop lunggulhna tawh a dim uh a, a kham thei lo mittang nei mi ahi uh hi. A kip lo mite a zol thei uh hi; huaiham luatna-ah a siam thei lungsim nei-in, hamsiatna’ tate ahi uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Juda 1:11

Amaute in gimna a thuak ding uh hi. Bang hang hiam na cih uh leh, amaute in Kain’ lampi zui-in thaman ngah dingin Balaam’ mawhna a manlangin zui-in a delh uh a, Korah’ lehdona bangin a kisia uh hi.

1 SAMUEL MASA 10:7

Hih limte nang tungah hong tun’ ciangin na tuah peuhpeuh na hih ding hi; bang hang hiam cih leh nang tawh Pasian hong om hi.

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim sak hi.