Hebru 13:2 - Tedim Bible

² Zinte do nading na mangngilh kei un. Bang hang hiam na cih uh leh, mi kimkhat in zin a do laitakun vantungmite ahih lam thei loin zin a do kha uh hi.

Tedim Bible Revision 2017

² Khual mite hoihtakin zin na do ding uh na phawk un. Mi pawl khat in vantung mite zin do ahih lam a phawk lopi-in a do na hi gige uh hi.

Hebru 13:2 Iomraidhean Croise

Piancilna 18:1

Abraham a puanbuk kongkhak-ah sun nisat laitak, tu-in a om lai takin Mamre tawsawte' gei-ah ama' tungah Topa kilang hi.

Piancilna 19:1

Vantungmi nihte Sodom-ah nitakin hong tung uh hi; Sodom khua kulh kongpi-ah Lot na tu hi. Lot in amaute a muh ciangin, amaute dawn dingin ding a, lei lakah a mai ngatin kunin,

2 KUMPI NIHNATE 4:8

Ni khat Elisha Shunem ah paisuak a, tua lai-ah a hau numei khat tengin tua nu in anne dingin amah sam hi. Tua ahih ciangin amah in tua lam a nawk peuhpeuh ciangin anne dingin tua lai-ah baang hi.

JOB (Job) 31:19

Mi a cimawh, puansilh ding a lei zo lo, a zawng lua ka muh ciangin,

JOB (Job) 31:32

Ka inn-ah khualzinte ka tungsak a, kongzing lakah ka lumsak ngei kei hi.

Isaiah 58:7

Na an uh a gilkialte tawh ne khawmin, inn nei lo mi zawngte a buk nading vaihawm sakin; tangguak-a om mi na muh uh ciangin puansilhsak a, na mi pihte uh kiang panin bu lo ding hilo na hi uh hiam?

Siampi Laibu 19:34

Note lakah a hong peem khual mite tual sung mi mah bangin na ngaihsun ding uh a, nomau mah bangin amah na it ding uh hi; bang hang hiam cih leh note in Izipt gam sungah khualmi na hi ngei uh hi: keimah in Topa na Pasian uh ka hi hi.

Mattiu 25:35

Bang hang hiam na cih uh leh, ka gilkial lai takin nong vaak uh hi. Ka dangtak lai takin tui nong pia uh hi. Khualzin ka hih lai takin zin nong do uh hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Mattiu 25:43

Zin ka hih lai takin nong do kei uh hi. Puan nei loin ka om lai takin puan nong silhsak kei uh hi. Ka cinat laitak ahi zongin, thong sungah ka om laitak ahi zongin nong veh kei uh hi,’ a ci ding hi.

Sawltak 16:15

Amah in a innkuanpihte tawh a kibaptaiz khit ciangin, “Keimah in Topa sungah thu-um mi khat ka hihna nong up uh leh, keima innah hong tung un la, tam un,” ci-in thuumin, hong kho hi.

ROM (Romans) 12:13

Misiangthote a sapna bangun na hawm un. Zindo na hahkat un.

ROM (Romans) 16:23

Kei ahi zongin, pawlpi khempeuh ahi zongin, zin hong do thei Gaias in note hong hopih hi. Khuapi dangka keem Erastas leh i sanggampa Kuartas-te in note hong hopih uh hi. (

1 TIMOTI MASA 3:2

Tua ahih ciangin thuhilhpa in mawhsak nading tawh a kipelh mi, zi khat bek a nei mi, a lungsim kip mi, a khuaval lo mi, a kilawm a kituak-a gamta mi, zindo siam mi, thuhilh siam mi ahi ding hi.

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

Titu 1:8

Zindo a siam thei mi, a hoih lam a deih mi, khuaval zulhtat lo mi, a dik mi, a siangtho mi, a pumpi a kikeem zo mi ahi ding hi.

1 PETER MASA 4:9

Phun loin khat leh khat zin na kido un.

3 JOHAN THUMNA 1:5

Ka it mi aw, nangmah in ute naute tungah ahi zongin, zinte tungah ahi zongin na bawlna khempeuh, dikna tawh kipawlin a bawl na hi hi.