Hebru 13:17 - Tedim Bible

¹⁷ No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Tedim Bible Revision 2017

¹⁷ Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amauteʼ thu mang le-uhcin a nasepna uh ah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note adingin zong phattuamna a om tuan hi lo hi.

Hebru 13:17 Iomraidhean Croise

Piancilna 16:9

Topa’ vantungmi in ama kiangah, “Na tonu' kiangah ciahkik in la, ama' tungah ki-ap in,” ci hi.

Paikhiatna 32:31

Tua ahih ciangin Topa' kiangah Moses pai kikin, “Ala, hih mite in khialhna lianpi khat bawl khin uh hi; amaute in amau’ adingin kham pasiante bawl khin uh hi.

Paunak 5:13

Kei hong hilh siate’ thu ka mang nuam kei a, amau’ hong hilhnate ka don kei kha hi.

Isaiah 62:6

Jerusalem aw, na kulhte tungah galvilte ka koih khin hi; sun tawntung leh zan tawntungin amaute tawlnga ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitungah phatna-in a bawl kik matengin amaute tawlnga lo ding uh hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Ezekiel 33:2

“Ezekiel aw, gam khatpeuh ah gal ka tun’sak ciangin a thu piang teng na mipihte tungah gen in. Tua gal tun’ nading gammite in amaute lak panin gal vil dingin mi khat seh uh hi.

Luka 16:2

A topa in sumkempa sam a, ‘Nang thu ka zak teng bangci thu ahi hiam? Na sumkep ciamtehna lai hong pia in. Bang hang hiam na cih leh, sumkep na nasem nawn kei ding hi,’ a ci hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

ROM (Romans) 14:12

Tua ahih ciangin eite khempeuh in eima thu tekah Pasian’ thudotna i thuak ding hi.

1 KORIN MASA 16:16

tua bang mite’ ukna ahi zongin, nasepna ah a hahkat mi khempeuh a ukna uh ahi zongin na man’ nadingun ka hong thuum hi.

Efesa 5:21

Khazih zahtakna hangin khat leh khat nuai-ah na pumpi uh na kiniamsak un.

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Filippi 2:16

Tua ahih leh, kei in a mawkna-in tai ka hi kei a, a mawkna-in nasemin hahkat ka hi kei hi ci-in Khazih’ Ni ciangin lungdam kisathei-in ka om ding hi.

Filippi 2:29

Tua ahih ciangin Topa sungah lungdamna tawh amah na tungsak un la, tua bang mite na zahtak un.

Filippi 3:18

Bang hang hiam na cih uh leh, nidang lai-in tam veipi kong genkhol a, tu-in zong khitui luangin ka hong gen mah bangin, Khazih’ singlamteh galin do-in a gamta mi tampi a om hi.

Filippi 4:1

Tua ahih ciangin ka lungnopna leh ka kisaktheihna lukhu, ka it ka ngaih ahi ute naute aw, tua bangin Topa sungah kipin om un, ka itte aw!

2 THESALONIKA NIHNA 3:14

Hih lai sungah ka gelh uh thupiaknate mi khat peuhmah in a ngaih kei leh, tua mi na ciamteh un; a maizum nadingin amah tawh na kipawl kei un.

1 TIMOTI MASA 5:17

Pawlpi a pha takpi-a ukte, a man takpi ci leeng Pasian’ thu gen a, thuhilhin a hahkatte in, a zah nih zahtakna ngah ding a kilawm na ciamteh in.

Hebru 13:24

Note hong uk mite khempeuh leh misiangthote khempeuh na hopih un. Itali mite in note hong hopih uh hi.

Hebru 13:7

Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

Jeim 4:7

Tua ahih ciangin Pasian’ ukna na mang un. Dawimangpa na kham un; na kham uh leh, note kiang pan a taikhia ding hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

1 SAMUEL MASA 8:19

Ahih hangin mite in Samuel’ thu ngai nuam lo uh hi; amaute in, “Hi lo! kote tungah kumpi khat ka nei ding uh hi;