Hebru 13:16 - Tedim Bible

¹⁶ Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Tedim Bible Revision 2017

¹⁶ Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Hebru 13:16 Iomraidhean Croise

Late 37:3

Topa muang in la gamtat hoih in; gam nuamah teeng in la thumanin om in.

Late 51:19

tua ciangin, biakpiakna man, meihal biakna leh meihal biakpiakna bup-ah na lungkim ding hi; tua ciangin na biakna tau tungah bawngtalte hong kipia ding hi.

Luka 18:22

Zeisu in tua a zak ciangin, “Na khat na sam lai hi. Na neihsa teng zuak in la, mizawngte kiangah na hawmsak in. Tua hi leh, vantungah sum na nei ding hi.Tua khit ciangin ka nung hong zui in,” a ci hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 9:36

Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.

ROM (Romans) 12:13

Misiangthote a sapna bangun na hawm un. Zindo na hahkat un.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Galati 6:6

Pasian’ Thu a sin mi in a hilhpa tungah a hoihna a om khempeuh hawmsawn ta hen.

Efesa 4:28

Nidang lai-a guta mi in gu nawn loin, sapna neite a hop zawh, a piak zawh nadingin ama khut tawh nasepna a hoih hahkatin sem ta hen.

Filippi 4:14

Ahih hangin gimna ka thuak lai takin note in kei tawh kizopna hangin a pha-in na bawl zo uh hi.

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

2 THESALONIKA NIHNA 3:13

Ute naute aw, no na hih uh leh, thakiam loin ahoih nate na gamta un.

Filemon 1:6

Upna na zopna a vanglian-in, Khazih Zeisu sungah eite’ aa ahi, ahoih na a om khempeuhte midangte in a theih nadingun thu ka ngen hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.