Hebru 13:15 - Tedim Bible

¹⁵ Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Tedim Bible Revision 2017

¹⁵ Tua ahih manin Jesu tungtawnin amah i biakna-in i kam tawh ama min pulakin Pasian phat tawntung ni.

Hebru 13:15 Iomraidhean Croise

2 KHANG TANGTHU NIHNATE 29:31

Tua ciangin Hezekiah in, “Tu-in Topa tungah nomau mah na ki-ap khin uh hi; a nai-ah hong pai un la, Topa’ biakinn ah biak piaknate leh lungdam piaknate hong paipih un,” a ci hi. Tua ciangin a kikhawmte in biak piaknate leh lungdam piaknate hong paipih uh hi; tua ciangin a lungsim ah piak nopna lungsim a nei khempeuh in meihal biaknate hong paipih uh hi.

2 KHANG TANGTHU NIHNATE 33:16

Amah in Topa’ biakna tau zong koih kikin tua tungah thunuam-a biakna leh lungdam kohna pia hi; tua ciangin amah in Israel Pasian, Topa’ na a sep nadingun Judahte thu pia hi.

2 KHANG TANGTHU NIHNATE 7:6

Siampite amau’ panmun uhah ding uh hi; Levi mite zong, Kumpi David in Topa tungah lungdam koh nadingin a bawl Topa’ tungah la sak nading lasaknate tawh ding uh hi—bang hang hiam cih leh ama itna kip tawntung hi—David in amau’ nasepna tawh phatnate a bawl ciangin tua bangin hih uh hi; amaute tawh a kigalsai-ah siampite in peengkulte tum uh hi; tua ciangin Israel khempeuh ding uh hi.

Ezra 3:11

tua ciangin amaute in Topa phatna leh lungdam kohna a kidawngin sa uh a, “Topa tungah lungdam koh ding hoih hi, bang hang hiam cih leh Israelte hong itna kip tawntung hi,” a ci uh hi. Topa’ inn bulpi kiphut khin ahih manin mi khempeuh in nakpi takin Topa phat uh hi.

Nehemiah 12:40

Tua hi a, lungdamna a ko hih pawl nihte, Pasian’ innah ding uh a, uliante kimkhat leh kei ka omkhawm uh hi.

Nehemiah 12:43

Pasian in nakpi takin amaute lungdamsak ahih manin amaute in tua ni-in biak piakna lian tampi pia-in lungdam uh hi; numei naupangte zong lungdam uh hi. Tua hi a, Jerusalem khua sungah lungdamna awging gamlapi pek pan nangawnin kiza hi.

Late 118:19

Topa tungah lungdamna ko-in ka lut theih nadingin thumanna kongpite kei hong hon in.

Late 119:108

Topa aw, phat-a kong biaknate hong sang in la, nangma biakna ngeina kipte kei hong hilh in.

Late 18:49

Topa aw, hih thu hangin minam dangte lakah nang kong phat ding a, na min phatna la ka sa ding hi.

Late 50:14

Lungdam biakpiakna Pasian’ tungah pia un la, Sang Penpa tungah na thuciamnate uh bawl un;

Late 50:23

Biakpiak nadingin lungdam piakna hong paipih mi in kei hong pahtawi ahi hi; Ka thu a mang mite khempeuh ka honkhia ding hi,”

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Jeremiah 33:18

Levi minam lak panin zong meihal biaknate, an tawh biakna leh kithoihnate a hih tawntung dingin ka mai-a ding ding siampi kitasam ngei lo ding hi,” a ci hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Siampi Laibu 7:12

Amah in lungdam kohna-in a piak leh, silngo sawh loh sathau tawh a kihel moh, silngo sawhloh mohpheng sathau tawh a kizut, an nel moh sathau lim tak-a kihelte lungdam biakna tawh piakhawm ding hi.

Gamlak-vakna 7:62

shekel sawm a gik kham pakan khat, paknamtui a dim tawh;

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

Luka 10:21

Tua lai takin Zeisu in Kha Siangtho tawh lungdam a, “Vantung leh leitung a uk ka Pa aw, nangmah in hih thute mipilte leh misiamte kiangah im-inah, naupangte tungah lak na hih ciangin, na hehpihna ka phat hi. Ahi mah hi ka Pa aw, tua bangin na deih hi.

Johan 10:9

Keimah in kongpi ka hi hi. Mi khat in kei tung tawnin a lut leh, gal tawh kipelh ding a, sungtum pusuakin an nek ding lonona mun a mu ding hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

ROM (Romans) 12:1

Tua ahih ciangin ute naute aw, a hing biakna, a siangtho leh Pasian’ deihna tawh kituakin, na pumpi uh Pasian kiangah na piak nadingun Pasian’ hehpihna tawh kong thuum hi. Bang hang hiam na cih uh leh, tua bang hihna in a kilawm biakna nasepna ahi hi.

ROM (Romans) 6:19

Na lungsim uh nem lai ahih ciangin, leitung ngeina bangin thu kong hilh hi. Note in na pum tung uh nate, kihhuaina leh kheltatna’ sila-ah na om sak uh mah bangin, tu-in na pum tung uh nate a kisian’thosak nadingun dikna’ sila-ah na omsak un.

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.