Hebru 13:12 - Tedim Bible

¹² Tua mah bangin Zeisu in ama sisan tawh mite a siangthosak nadingin khuapi kongkhak pua lamah sihna a thuak hi.

Tedim Bible Revision 2017

¹² Tua mah bangin Jesu in zong ama sisan tawh miteʼ mawhna a siansak theih nadingin khuapi pua lamah a si hi.

Hebru 13:12 Iomraidhean Croise

Siampi Laibu 24:23

Tua ahih ciangin Moses in Israel mite tungah thu gen hi; amaute in a samsia mipa giahphual pua lamah paipih uh a, suang tawh a deng uh hi. Topa in Moses a thupiak bangin Israel mite in hih uh hi.

Gamlak-vakna 15:36

Mi honte khempeuh in giahphual pua-ah amah paipih uh a, Topa in Moses a thupiak bangin suang tawh amah deng lum uh hi.

Luka 4:29

Amaute ding-in Zeisu khua nawlah a hawlkhiat khit uh ciangin, khua omna mual dawn kui-ah bungbu sawnkhiat dingin a paipih uh hi.

Johan 17:19

Amaute zong thutak tawh a kisian’thosak nadingun, keimah ka kisiangthosak hi.”

Johan 19:34

Ahih hangin galkap khat in a pang teipi tawh sun a, si leh tui thakhatin a luangkhia hi.

Sawltak 7:58

khua nawlah a hawlkhiat khit uh ciangin suang tawh a deeng uh hi. Teci a pangte in a puan uh Saul kici tangvalpa khat khe kiangah a koih uh hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Efesa 5:26

Tua pawlpi in siangtho-in mawhsakna om lo ahih ciangin,

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Hebru 2:11

A siangthosak theipa leh siangthona a ngah mite in innkuan khat pan a piang uh hi. Tua ahih ciangin Zeisu in amaute, “Ute naute aw,” ci-in sap ding a maizumpih kei hi.

Joshua 7:24

Tua ciangin Joshua leh amah tawh a om Israelte khempeuh in Zerah tapa Akhan, leh a ngun leh a puan leh a kham tawn, leh a tanute leh a tapate, leh a bawngtalte leh a late leh a tuute, leh a puanbuk, leh a neih khempeuh la uh hi; amaute in Akhor Kuam ciangah tuate paipih uh hi.

Mangmuhna 14:20

Tua leenggah in khua pua lam phualah kicil hi. Tua phual sungpan a pusuak sisan in tai zanih dongin sakol kamkaih banin a luang hi.