Hebru 13:11 - Tedim Bible

¹¹ Bang hang hiam na cih uh leh, siampi ukpa in mawh maisakna ding biakna gan si, a siangtho mun sungah a tumpih khit ciangin, biakna gan pumpi giahbuk pua lamah mei in a hal hi.

Tedim Bible Revision 2017

¹¹ Jew Siampi Lianpen pa in mawhna hangin biak nadingin Siangtho Pen Munah a ganhing sisan paipih a, ahi zongin a ganhing pumpi pen giahphual pua lamah kihal tum hi.

Hebru 13:11 Iomraidhean Croise

Paikhiatna 29:14

Ahih hangin bawngtal sa leh a vun leh a ekte, giahphual pua lam-ah mei tawh na hal ding hi; tua in khialhna hanga biakna ahi hi.

Ezekiel 43:21

Mawhna hangin biakna-in a kipia bawngtal pen la-in biakinn huang pualam, a mun hong kigenna sanah a hal ding na hi hi.

Siampi Laibu 16:27

Siangtho munah kilemna bawl nadingin hong kipaipih si a kilakna khialhna hanga biakna bawngtal leh khialhna hanga biakna keel pen giahphual pua lamah kipuakhia ding hi; amau vun leh a sa leh a ekte mei tawh kihal ding hi.

Siampi Laibu 6:11

Tua ciangin amah in a puante suahin puan dang silh ding a, gialphual pua lam a siangtho mun khatah vutte puakhia ding hi.

Siampi Laibu 6:30

Ahih hangin siangtho munah kilemna bawl nadingin kikhopna buk sungah a kipaipih si a kilak khiatna khialhna hanga biakna sa kine lo ding hi: tua pen mei tawh kihal ding hi.

Siampi Laibu 9:11

A sa leh a vunte amah in giahphual pua lamah mei tawh hal hi.

Siampi Laibu 9:9

Aaron’ tapate in ama tungah a sisan pia uh a, amah in a sisan sungah a khutme diahin biakna tau kite nuh a, biakna tau bulah a sisan sung khia hi;

Gamlak-vakna 19:3

Siampi Eleazar kiangah na pia ding uh a, giahphual pua lamah kipaipihin ama mai-ah kigo ding hi;

Gamlak-vakna 19:7

Tua ciangin siampipa in ama puante sawpin tui sungah kipumsil ding a, tua khit ciangin giahphual ah hong pai ding hi; a nitak mateng siampipa a nin hi ding hi.