Hebru 13:1 - Tedim Bible

¹ Ute naute ki-itna kip ta hen.

Tedim Bible Revision 2017

¹ Khris sungah unau bangin na ki-itna uh na zomsuak un.

Hebru 13:1 Iomraidhean Croise

Late 133:1

En un, sanggam bangin mite pumkhat suakin a tutkhawm ciangin bangzahin hoihin nuam ahi hiam!

Johan 15:17

Hih in keima thupiakna ahi hi; Khat leh khat na ki-it un.”

Sawltak 2:1

Pentekost pawikham ni a tun’ ciangin amaute khempeuh mun khatah a omkhawm uh hi.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Efesa 4:3

kilem a, kipawlin, kikhopna hangin note in Kha Siangtho hanga na ngah uh pum khat bek ahihna na zuih nadingun na hahkat un.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

Hebru 10:24

Tua tham loin, itna lungsim neih nading ahi zongin, a pha-a gamtat nadingin kihansuah nading ahi zongin, khat leh khat kidomto ni.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

1 PETER MASA 2:17

Mikhempeuh zahtak un. Ute naute na it un. Pasian na kihta un. Kumpipa na zahtak un.

1 PETER MASA 3:8

A tawpkhakna kam in, note khempeuh lungsim kikhatin om un, hehpihna lungsim nei un. Unau bangin na ki-it un, na kidahpih un, lungniamkhiatna na nei un.

1 PETER MASA 4:8

Hihna khempeuh tham loin, note in khat leh khat nakpi-in na ki-it un. Bang hang hiam na cih uh leh, ki-itna in mawhna tampi a seel hi.

2 PETER NIHNA 1:7

Pasian biakna lamah nopsakna tungah ki-unau itna, ki-unau itna tungah ki-itna hahkat mahmahin na koih thuap un.

1 JOHAN MASA 3:23

Ama thupiakna in a Tapa Zeisu Khazih’ min eite in umin, ama hong piaksa thu bangin khat leh khat ki-it nading ahi hi.

1 JOHAN MASA 4:20

Mi khat peuhmah in, “Pasian ka it hi,” ci napi-in a u a nau a it kei leh, tua mi in thuzuau gen mi ahi hi. Bang hang hiam na cih uh leh, a muh theih a u a nau a it kei leh, a muh theih loh Pasian bang ci a it zo ding hiam?

Mangmuhna 2:4

Ahih hangin nang tungah gen ding thu ka nei hi. Bang thu ahi hiam na cih leh, a masa bel a, na neih itna na paihkhiat thu ahi hi.