Hebru 12:9 - Tedim Bible

⁹ Lam khat panin, pumpi tawh kipawl pate’ khut tungah eite in hilhna i thuak ciangin, amau i zahtak hi. Tua tham loin, khalam-a i Pa’ ukna thuakin nungta zaw ding hilo i hi hiam?

Tedim Bible Revision 2017

⁹ Tua banah, i leitung pate in gim hong pia a, zong i zahtak lai hi. Tua ahihleh kha thu tawh kisai ah i Paʼ thu mang pha zaw-in i nuntak ding kisam hi.

Hebru 12:9 Iomraidhean Croise

JOB (Job) 12:10

Ama pian’saksate’ nuntakna a ukpa in Pasian ahi hi; mihing khempeuhte’ nuntakna ama khut sungah om hi.

Paikhiatna 20:12

“Topa na Pasian in nang hong piak leitang tungah na khan’ a sau theihna dingin na nu leh pa zahtak in.

Paunak 30:17

A pa a simmawh mipa, a nu’ thu a mang nuam lo mipa, va-ak in a mittang khel khiatsakin, musanete in a sa ne ding uh hi.

Thuhilh-sia 12:7

I pumpi, lei suak kik ding a, i nuntakna a hong pia Pasian’ kiangah, i kha ciahkik ta ding hi.

Isaiah 38:16

Topa aw, nang adingin kong nungta ding a, nang ading bek bekin nong nungta sak ding hi. Ka ci hong damsak kik in la, hong nungtasak in!

Isaiah 42:5

Vantungte piangsakin a zal, leitung phah-in a tung pan-a hong paikhia nate a piangsak, leitung a, om mite tungah husan’na pia-in, leitung a, a paite khempeuh husan’na a guan Topa Pasian in hih bangin ci hi;

Isaiah 45:10

A pa kiangah, ‘Nang in kua piangsak na hi hiam?’ a cipa hita leh, a nu kiangah, ‘Nang in nausuak dingin kua gimpih na hi hiam?’ a cipa in gimna ngah ta hen.”

Isaiah 57:16

Ka mite tungah nuntakna hu ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Siampi Laibu 19:3

Note a kuamah peuh in na nu leh na pa uh zahtakin, note in ka sabbath-te na tang ding uh hi; keimah in Topa na Pasian uh ka hi hi.

Zekhariah 12:1

Vanpi zalin, leitung piangsak a, mihingte tungah nuntakna a pia Topa in Israel mite tawh kisai-in thu gen a,

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Gamlak-vakna 16:22

Amaute boksuk uh a, “Pasian, mi khempeuhte tungah nuntakna a pia Pasian aw, mi khat khial ding a, mihon khempeuhte tungah nang heh ding na hi hiam?” a ci uh hi.

Gamlak-vakna 27:16

-

Luka 18:2

“Khuapi khat sungah Pasian kihta lo, mi zahtak lo thukhen mangpa khat a om hi.

Luka 18:4

Ahih hangin thukhen mangpa in thu khensak loin sawtpi a om hi. Tua nung ciangin amah in, ‘Keimah in Pasian kihta loin mite ka zahtak loh hangin,

Johan 3:6

Ci-le-sa ah a piang mi in ci-le-sa ahi hi. Kha Siangtho ah a piang mi in kha ahi hi.

Sawltak 2:30

Amah in kamsangpa hi a, ama suan sung pan mi khat ama tokhom tungah a tusak ding hi ci-in Pasian in a kiciam hi cih theikhol ahih ciangin Khazih’ thawhkikna thu a gen hi. Bang hang hiam na cih uh leh, tua Zeisu pen sihna gam sungah kinusia lo a, a sa in zong muatna a thuak kei hi.

ROM (Romans) 9:3

Bang hang hiam na cih uh leh, ci leh sa lamsang ah ka pawl ahi ka u ka naute tang ding Khazih tawh kikhenin hamsiatna thuak dingin lungsim ka nei hi.

ROM (Romans) 9:5

amau ading a pute a pate tawh kizoma piang mi zong ahi uh hi. Khazih in zong ci leh sa lamsang ah tua mite pawl ahi hi. Tua Khazih in zong na khempeuh uk a, thupha a ngah tawntung Pasian ahi hi. Amen.

Thu-hilhkikna 27:16

“A nu ahi a, a pa ahi zongin a zahtak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Jeim 4:10

Topa mai-ah na kiniamkhiat un. Tua bang na hih uh leh, amah in note hong pahtawi ding hi.

Jeim 4:7

Tua ahih ciangin Pasian’ ukna na mang un. Dawimangpa na kham un; na kham uh leh, note kiang pan a taikhia ding hi.

1 PETER MASA 5:6

Tua ahih ciangin a hun a cin’ ciangin Pasian in note hong pahtawi nadingin, ama khut vanglian nuai-ah na kiniamsak un.

Mangmuhna 22:6

Tua lai takin vantungmi in, “Hih thute a dikin a man hi. Kamsangte’ khate a uk Topa Pasian in a sawt loin a piang ding nate a silate hilh dingin a vantungmi khat a sawl hi.