Hebru 12:7 - Tedim Bible

⁷ Note in thu hong hilh nading thuak un. Tate tungah kibawl bangin Pasian in note hong bawl hi. Bang hang hiam na cih uh leh, a pa in a hilh loh ta kua mi ahi hiam?

Tedim Bible Revision 2017

⁷ Pasianʼ hong thuhilhna na thuak ding mah uh ahi hi. Pasian in note ta-in hong ngaihsun ahih manin a thuak na hi uh hi. Pateʼ thuhilhna le taiina a thuak lo ta kuamah om lo hi.

Hebru 12:7 Iomraidhean Croise

2 SAMUEL NIHNA 7:14

Keimah in ama pa ka hi ding a, amah in keima tapa hi ding hi. Amah in mawhna a bawl ciangin, keimah in mite’ ciangduai tawh, mi’ tapate satna tawh amah ka thuhilh ding hi;

1 KUMPI MASATE 1:6

Ama pa David in, “Bang hangin tua bangin gamta na hi hiam?” ci-a dotna tawh khatvei beek amah tai ngei lo hi. Amah in a mel hoih mahmah mi khat zong ahi hi; amah in Absalom zom-a a suak ahi hi.

Paunak 13:24

A ta a tai nuam lote in a mudah hi a, a ta a itte in lim takin thuhilhin tai hi.

Paunak 19:18

Thu hong man’ theih lai-in na ta thuhilh in; na hilh kei leh a siat nading a deih na hi hi.

Paunak 22:15

Naupangte a hai gamtat a ngeina hi a, deihsak-a satna in mihoih suaksak thei hi.

Paunak 29:15

Ciangduai leh taina in pilna guan’ a, a kikhahkhong ta in a nu maizum sak hi.

Paunak 29:17

Na ta thuhilhin tai lecin, ama hangin na kipak ding a, na lung hong kimsak ding hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

1 KORIN MASA 11:32

Thukhenna i thuak ciangin leitungmite tawh mawhsakna i thuakkhawm loh nadingin Topa’ hilhna a thuak i hi hi.

Thu-hilhkikna 8:5

Tua ahih manin mi khatin a tapa a khal bangin Topa na Pasian un note hong khalna thu na lungsim uhah thei un.

1 SAMUEL MASA 2:29

Tua ahih ciangin bang hangin keimah biaknate leh ka thupiak ahi keimah hong kipiaknate thusim loin, keima mi Israelte’ piak a limci pen teng-in note kithausakna tawh kei sangin na tapate pahtawi zaw na hi hiam?’ a ci hi.

1 SAMUEL MASA 2:34

Na tapa nihte, Hofni leh Finehas tungah hong tung ding hih thu in nang adingin lim hi ding hi: amaute gel a ni kikhatin si ding uh hi.

1 SAMUEL MASA 3:13

A tapate in Pasian min daisak a, amah in a tate kham lo ahih manin, ama theih a mawhna hangin ama innkuan daan a pia tawntung ding ka hihna ama kiangah ka gen hi.