Hebru 12:3 - Tedim Bible

³ Thakiamna lungkiatna a om loh nadingin mawhna a nei mite kiangah tua zah khamna a thuak Topa ngaihsun un.

Tedim Bible Revision 2017

³ Tua zahta-in mawhnei miteʼ langbawlna a thuaknate ngaihsun unla, note lungkia loin khauh takin om un.

Hebru 12:3 Iomraidhean Croise

Paunak 24:10

Haksakna na tuah ciangin na lung a kiat leh, a gina lo mi na hi hi.

Isaiah 50:4

Thugenna tawh a lunggim mite tha a pia thei kammal ka theih nadingin, Topa Pasian in ka gen ding thu hong hilh khin hi. Ama hong hilhnate a ngai dingin zingsang simin hong phong hi.

Mattiu 11:19

Mihing Tapa in an ne, tui dawnin hong pai a, amaute in, ‘Hih pa in an hai, zu haipa hi. Siahdongte leh mi gilote tawh zawlin a kiman hi,’ a ci uh hi. Ahih hangin lungpilna in a tate tung panin diksakna a ngah hi,” a ci hi.

Mattiu 12:24

Farisaite in a zak uh ciangin, “Hih pa in Beelzebub suangin dawite a hawlkhia hi,” a ci uh hi.

Mattiu 15:2

“Tanglai upate’ ngeina, na nungzuite in bang hangin palsat ahi uh hiam? Khut sil loin an a ne uh hi,” ci-in a ko uh hi.

Mattiu 21:23

Zeisu biakna innpi-ah lut a, thu a hilh lai takin siampi liante leh upate a kiangah pai uh a, “Hih nate bang thuneihna tawh bawl na hi hiam? Hih thu kua in hong pia ahi hiam?” ci-in a dot uh ciangin,

Mattiu 21:46

Amau in Zeisu mat dingin a zon’ uh hangin mihonpi a kihta uh hi. Bang hang hiam i cih leh, mi khempeuh in Topa in Pasian’ kamsangpa hi a ci uh hi.

Mattiu 22:15

Tua laitakin Farisaite paikhia uh a, “Bangci leeng Zeisu kam tawh i siah zo ding hiam” ci-in a kikup khit uh ciangin,

Luka 14:1

Nipi ni khatvei Zeisu in Farisaite upa khat’ inn sungah an ne dinga a lut ciangin, amaute in amah a en uh hi.

Luka 15:2

Farisaite leh laitheite in , “Hihpa in migilote ngai a, amau tawh an a nekhawm hi,’ ci-in a ko uh hi.

Luka 16:14

Dangka a deihgawh Farisaite in hih thu khempeuh a zak uh ciangin Zeisu a zahko uh hi.

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

Luka 5:21

Laitheite leh Farisaite in, “Pasian tungah a pau a khial hih mi kua mi ahi hiam? Pasian longal kua in mawhna maisak zo hiam?” ci-in a ngaihsun uh hi.

Johan 10:20

Amau lakah mi tampite in, “Amah dawilawm nei mihai ahi hi; ama thu bang hangin ngai na hi uh hiam?” a ci uh hi.

Johan 18:22

Tua bangin a dawn’ ciangin, a kianga ding nasemte khat in, “Tua bangin siampi ukpa na dawngkik hiam?” ci-in a khut tawh Zeisu a beeng hi.

Johan 5:16

Tua thu Sabbath ni-in bawl ahih ciangin, Judah mite in Zeisu bawlsia-in thah theih nading thu a zong uh hi.

Johan 7:12

Mihonpite in ama hangin thu tampi kikum uh hi. Mi kimkhat in, “Amah mipha ahi hi,” ci uh a, mi kimkhat in, “Mipha ahi kei hi, mihonpite a kheempa ahi hi,” a ci uh hi.

Johan 8:13

Tua ahih ciangin Farisaite in, “Nang ading nangma’n teci na pang hi. Na teci pan’na aman kei hi,” a ci uh hi.

Johan 8:52

Judah mite in, “Nang dawilawm nei na hi ci-in tu-in ka thei uh hi. Abraham akipan kamsangte a si khin zo uh hi. Nang in, ‘Mi khatpeuh in keima thu a ngaih leh, sihna a thuak kei ding hi,’ na ci hi.

Johan 8:59

Tua ahih ciangin amaute in Zeisu suang tawh deeng dingin suang tawm uh a, ahih hangin Zeisu bu-in biakna innpi sung pan a paikhia hi.

Johan 9:40

Ama kiangah a om Farisaite kimkhat in tua thu a zak uh ciangin, “Ko zong mittaw ka hi uh hiam?” ci-in a dong uh hi.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

2 KORIN NIHNA 4:1

Tua ahih ciangin komau in tua nasepna za ka ngah uh ahih ciangin, a hong hehpihna thupha ka ngah uh mah bangin thanem lungkiatna ka nei kei uh hi.

2 KORIN NIHNA 4:16

Tua ahih ciangin thanem lungkia loin ka om uh hi. Kote uh pum pua lamah a om mi in a kisiatsiat hangin ka pum sung uhah a om mi in ni khat nung ni khat kibawl thakna a ngah hi.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

Thu-hilhkikna 20:3

amaute kiangah, ‘Israelte aw, za un, tu ni-in na langte uh a do dingin na nai uh hi: na lungsim uh lausak kei un; lau kei un, liing kei un, amaute kihta kei un;

2 THESALONIKA NIHNA 3:13

Ute naute aw, no na hih uh leh, thakiam loin ahoih nate na gamta un.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 12:5

Tua tham loin: “Ka tapa aw, Topa’ thuhilhna ciamteh loin om kei in, na mawhna hong teldot ciangin lungkia kei in.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

1 PETER MASA 2:23

Kosiatna a thuak lai takin a kosia kik kei hi, gimna a thuak lai takin lau nadingin tawngkik loin, thuman a khenpa’ khut sungah ama pumpi a pia hi.

Mangmuhna 2:3

nang in thuakzawhna nei-in ka min hangin zong, gim lo cim loin na thuak thu ahi zongin ka thei hi.

1 SAMUEL MASA 12:24

Topa zahtak bek un la, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsaksate ngaihsun un.