Hebru 12:29 - Tedim Bible

²⁹ Bang hang hiam na cih leh, i Pasian in a kangtum thei mei ahi hi.

Tedim Bible Revision 2017

²⁹ Bang hang hiam cih leh eiteʼ Pasian pen a kaang tum thei meikuang tawh a kibang ahi hi.

Hebru 12:29 Iomraidhean Croise

2 SAMUEL NIHNA 22:9

A nakvang panin meikhu pusuak a, a kam panin a kangtum mei pusuak hi; ama tung pan mei-am san kuangkhia hi.

Late 50:3

Pasian hong pai hi, amah dai om lo hi, ama mai-ah mei husia om a, a kimkotah huihpi om hi.

Late 97:3

Ama mai-ah mei pai a, a kimkot-a om ama langpangte kangtum hi.

Paikhiatna 15:7

Nangma' vangliatna tawh nangmah in na langte na lawnthal hi; nang in na hehna na khah khia a, tua in amaute buhkung bangin kangtum hi.

Paikhiatna 24:17

Tu-in Topa; minthan’na a maipuakzia in, Israel mite’ muhna-ah mualvum dawn-ah a kangtum thei meikuang tawh kibang hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Isaiah 66:15

Bang hang hiam cih leh en un, heh mahmahna tawh ama sin sona leh meikuang tawh daan a pia dingin meikuang sungah Topa hong pai ding a, huihpi bangin a leengte hong pai ding hi.

Jeremiah 25:37

A lauhuai mahmah Topa’ hehna hangin a nop mahmah a gam uh kisiagawp hi.

Ezekiel 38:19

Tua ni ciangin ka heh luatna tawh Israel gamah nakpi takin ziin’ liing hen, ka ci ding hi.

Daniel 7:9

Ka et lai takin kumpi tokhomte a hong kikoih hi. A nungta tawntung mi Pa khat in tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom in meikuang lengpei tungah kinga-in meikuang zuazua a;

Gamlak-vakna 11:1

Mi honte in amau’ tuahsiatna thu hangin Topa’ zakin phun uh hi; Topa in tua thu a zak ciangin ama hehna so a, amaute lakah Topa’ mei kuangin, giahphual nawl kimkhat kangtum hi.

Gamlak-vakna 16:35

Topa kiang panin mei hong paikhia a, paknamtui a pia mi zanih leh sawmngate kangtum hi.

2 KORIN NIHNA 5:11

Tua ahih leh, Topa kihtakna kote in thei-in midangte ka zol lai takun Pasian mai-ah ka kilang uh hi. Note lungsim mai-ah zong ka kilang uh hi ci-in ka um uh hi.

Thu-hilhkikna 4:24

Bang hang hiam cih leh Topa na Pasian un hong kangtum thei mei tawh kibang a, a haza Pasian ahi hi.

Thu-hilhkikna 9:3

Tua ahih ciangin, a kangtum thei mei bangin note mai-ah a paipa in Topa na Pasian uh ahihna tu ni-in thei un; amah in note mai-ah amaute susia-in, amaute zo ding hi; tua ahih ciangin Topa in note tungah hong ciamsa bangin amaute hawlkhia-in manlangin na siamang sak ding uh hi.

Hebru 10:27

daantatna thuak ding cih kihtakhuai a piang ding thu leh thu nial mite a siasak ding hehna meikuang bek a om lai hi.

Hebru 10:31

A nungta Pasian khut sungah puk nading thu in a lauhuai taktak thu ahi hi.

2 PETER NIHNA 3:7

Tu-in a om van leh lei in Pasian bia lo mite kisiatna thukhen ni ading, tua thu hangin mei khul nadingin a kikoih khol zo hi.