Hebru 12:28 - Tedim Bible

²⁸ Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Tedim Bible Revision 2017

²⁸ Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

Hebru 12:28 Iomraidhean Croise

Late 19:14

Topa, ka suangpi leh keimah hong tankhiapa aw, ka kammal leh ka lungsim ngaihsutnate nangma muhna-ah san’huai suak sak ta in!

Late 2:11

Launa tawh Topa’ na sem un la, liin’na tawh lungdamin, a khe nam un; tua hi kei leh amah sinso-in, lam kal-ah na sia-mang ding uh hi; bang hang hiam cih leh ama hehna kitawhkuang pak hi. Amah a bel khempeuh mi nuamsate ahi hi.

Paunak 28:24

A nu leh a pa’ neihsa lak sak a, “Khialhna hi kei” a cipa in, guta mah hi veve hi.

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Luka 1:33

amah in Jakob’ suante a tawntungin uk ding a, ama gam in a bei ngei kei ding hi,” a ci hi.

ROM (Romans) 11:20

Hi ta hen. Upna lungsim nei lo ahih ciangun amaute a kitan uh a, nangmah in na upna hang bekin na kip hi. Na kisathei kei in, na kihta in.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

Efesa 5:10

Topa lungdam sakna in bang ahi hiam ci-in kanin,

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Hebru 10:19

Tua ahih ciangin ute naute aw, Zeisu’ pumpi ahi dalna puan tawh, tua Topa in eite ading a hon’ nuntakna lampi thakah eite in Mun Siangtho Bel sungah Zeisu’ sisan suangin i tum nading launa om lo a,

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

Hebru 4:16

Tua ahih ciangin eite in hehpihna leh a kilawm hunah hong huhna thupha ngah nadingin, lau lohna lungsim tawh hehpihna’ tokhom kiangah nai ni.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

1 PETER MASA 2:20

Mawhna na bawl manunah daan na thuak uh ciangin lungnemin na thuak uh leh, bang phattuamna a om hiam? A pha na bawl uh a, gimna na thuak uh ciangin lungnemin na thuak uh leh, Pasian mai-ah phatna na ngah ding uh hi.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

Mangmuhna 1:6

ama Pa Pasian mai-ah eite kumpi za-ah ahi zongin, siampi za-ah ahi zongin hong koih Topa tungah minthan’na leh vangliatna om tawntung ta hen! Amen.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Mangmuhna 5:10

Ko’ Pasian mai-ah kumpi za-ah ahi zongin, siampi za-ah ahi zongin na koih hi; tuate in leitung ukin a om ding uh hi,” ci-in la thak a sa uh hi.