Hebru 12:26 - Tedim Bible

²⁶ Tua lai takin a thu piakkholhna aw in leitung a liingsak hi. Tu-in ahih leh, “Khatvei keimah in lei tham loin, van nangawn ka liingsak kik ding hi,” cih kamciamna a om hi.

Tedim Bible Revision 2017

²⁶ Tua hun lai-in thu a gen ciangin leitung kiliing a, ahi zongin tu-in amah in thu hong ciam a, “Leitung bek liingsak loin vantung tawh zong khatvei ka liingsak lai ding hi,” hong ci hi.

Hebru 12:26 Iomraidhean Croise

Paikhiatna 19:18

Sinai Mual meikhu in tuamcip hi, bang hang hiam cih leh Topa in mei sungah tua mual tungah kum hi; a khu in meiphualpikhu bangin kahto a, a mual buppi nakpi takin liing hi.

Isaiah 13:13

Tua ahih ciangin ama sinso ni-in Vanglianpen Topa’ hehna hangin vantung lau-in ka liingsak ding a, ama omna panin leitung kisingkhia ding hi.

Isaiah 2:19

Leitung liingsak gawp dingin Topa a thawh ciangin, amah kihtakna leh alian ama minthan’na panin, suanghawm sung leh leihawm sungah mite bu ding uh hi.

Isaiah 66:22

Ka bawl ding vantung thak leh leitung thak pen ahih leh keima mai-ah kip ding hi; tua mah bangin na suan na khakte uh leh na min uh kip ding hi, Topa in ci hi.

Joel 3:16

Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

Habakkuk 3:10

Mualliante in nang hong muh ciangin liing uh a, van panin guah tampi hong zu hi. Lei nuai-a om tuite ging zuazua a, a tuihualte in sangpipi banto hi.

Haggai 2:21

“Vanpi leh leipi a lokgawp ding ka hihna thu, Judah gam ukpa Zerubbabel kiangah gen in.

Haggai 2:22

Kumpi gam khempeuh lumletin a vangliatna uh a beisak ding ka hi hi. Leengte leh leeng hawlte ka lawnthal ding a, sakol leengte leh a tung tuangte puk ding uh a, amaute khat leh khat kithat lum ding uh hi.

Hebru 12:27

“Khatvei,” a cihna kam a khiatna in, a liing lo nate a kip nadingin a liing nate, a pian’sak nate a paaikhia ding hi a cihnopna hi.

Thukhente 5:4

“Topa aw, Seir panin na paikhiat ciang, Edom gam panin na paikhiat ciang, leitung liing hi. Vantung panin guahzu hi, hi hi, meiite in tui hong khia hi.