Hebru 12:22 - Tedim Bible

^22-24 Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Tedim Bible Revision 2017

²² Ahi zongin note pen Zion Mual, a nungta Pasianʼ khuapi, vantung Jerusalem, sim zawh loh vantung mite a omna,

Hebru 12:22 Iomraidhean Croise

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Late 42:2

A nungta Pasian kong deih hi. Cik ciangin keimah hong pai-in Pasian’ maitang en ding ka hi hiam?

Late 48:2

Kumpi lianpa’ khuapi, lei lulam-a om ama mual siangtho hoih-a a sang mahmah Zaphon in Zion Mual hi a, leitung khempeuh’ lungdamna ahi hi.

Late 68:17

Leng muan’huai tulsawm kop nih, a tul a tul tawh, Sinai mual panin siangtho munah Topa hong pai hi.

Late 84:2

Ke’n ka lunggulh mahmah hi, hi taktak hi, Topa’ huang sung ka lunggulh mahmah a, ka lungsim leh ka pumpi in a nungta Pasian tungah lungdamin la a sa hi.

Late 87:3

Pasian’ khuapi aw, nangma minthan’na teng hong kigen hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Isaiah 24:23

Tua ciangin khapi mial ding a, ni taang nawn lo ding hi; bang hang hiam cih leh Vanglianpen Topa in Zion Mual tung leh Jerusalem khua sungah uk ding a, ama upate’ mai-ah ama minthan’na kilangsak ding hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi: Tua suang tungah, ‘Hih a um mi in lungkhamna tuak lo ding hi,” ci-in kigelh hi.

Isaiah 51:11

Topa tatsa mi a kithehthangte hong ciahkik ding a, lasakna tawh Zion ah hong pai ding uh hi; amaute, lungdam tawntung ding uh a, amaute in lungdamna leh kipakna ngahin dahna leh khuisatna nei nawn lo ding uh hi.

Isaiah 51:16

Vantungte zalin, lei bulpi ka phut a, Zion kiangah, ‘Nang in keima mi na hi hi. Na kam ah ka thu kong koih khin a, ka khut lim tawh nang kong hu hi,’ ka ci hi,

Isaiah 59:20

Topa in ama mite tungah, “Note a hupa Jerusalem ah kong pia ding a, mawhna panin a kihei khia mi peuhmah kong honkhia ding hi.

Isaiah 60:14

Nangmah hong nengniamte’ tate nangma mai-ah kunsa-in hong pai ding uh a, nangmah hong simmawh mi khempeuh na khe mai-ah hong bok ding uh hi; amaute in nang pen Topa’ Khuapi, Israelte’ Siangtho Pa’ Zion, hong ci ding uh hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Jeremiah 17:25

na kumpite uh leh na uliante un David’ neih bang kumpi vangliatna a nei ding uh hi. Amaute in Judah mite leh Jerusalem khua mite tawh sakol leeng leh sakolte’ tungah tuangin hih khua kongpite-ah hong lut ding uh a, hih khuapi-ah zong mi a teeng tawntung ding hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Daniel 7:10

tua sung panin meikuang gunpi a hong luangkhia hi. Ama nasem ding mihing tulza om a, a mai-ah mihing tul zasawm a ding uh hi. Thukhen nading hun kipana laibute a kiphen hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Joel 2:32

Tua ciangin Topa’ min tawh thu a ngen khempeuh in, gupkhiatna ngah ding uh hi. Topa’ gensa mah bangin, Zion Mual leh Jerusalem khua sungah a suakta mi om ding uh hi. Topa in a sap mite suakta ding uh hi.

Mattiu 16:16

Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Mattiu 5:35

Leitung in Pasian’ khe ngakna ahih ciangin leitung tawh na kiciam kei un. Jerusalem khuapi in a lian Kumpipa’ khua ahih ciangin Jerusalem khuapi tawh na kiciam kei un.

ROM (Romans) 11:26

Tua ahih ciangin Lai Siangtho sungah a kigelh mah bangin Israel mite khempeuh in gupna a ngah ding uh hi. Tua a kigelhna in: “Zion Mual tungah Gumpa hong pai ding a, Pasian zahtak lohna Jakob’ suante lak pan a lakhia ding hi.

ROM (Romans) 9:26

Note in, ‘Keima mite na hi kei uh hi,’ a cihna munah, ‘A nungta Pasian’ tapate kicihna a ngah ding uh hi,” ci-in a gen bang ahi hi.

Galati 4:26

Ahih hangin tung lamah a om Jerusalem khua ahih leh, eite nu ahi, sila numei hi lo numei ahi hi.

Efesa 2:19

Tua ahih ciangin note in tu-a kipanin mi pawl dangte ahi zongin, khual mite ahi zongin, na hi nawn kei uh a, Pasian’ mite tawh gammi khat na hi uh hi; Pasian’ innkuanpihte zong na hi uh hi.

Thu-hilhkikna 33:2

Amah in, “Sinai panin Topa hong pai a, Seir panin eite ading hong suakkhia hi; Paran Mual panin hong taangkhia a, a taklam khutah meikuang tawi-in, misiangtho tul sawmte kiang panin hong pai hi.

Thu-hilhkikna 5:26

Bang hang hiam cih leh a si thei mihing khempeuh sung panin eite’ zak bangin mei sung panin a nungta Pasian a paukhiatna awging za-in, a nungta lai kua om ahi hiam?

Filippi 3:20

Eite in i hih leh, vantung gam tawh kipawl mi i hi hi. Tua gam panin Honpa ahi Topa Zeisu Khazih hong paisuk kik ding hi ci-in eite in ngakin, lamenin i om hi.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

2 TIMOTI NIHNA 4:18

Topa in thu hoih lo khempeuh pan hong honkhia a, ama vantung dongin hong kha ding hi. Tua Topa in a tawntungin minthan’na ngah ta hen. Amen.

Hebru 10:31

A nungta Pasian khut sungah puk nading thu in a lauhuai taktak thu ahi hi.

Hebru 11:10

Bang hang hiam na cih uh leh, a luah ding Pasian’ lamsa, bulpi kip a nei khuapi a lamen hi.

Hebru 11:16

Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

Hebru 13:14

Bang hang hiam na cih uh leh, eite in hih lai takah a kip ding khuapi i nei kei hi: tunung ciangin a hong piang ding khuapi i zong hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Joshua 3:10

Joshua in, “A nungta Pasian note lakah a omna hih thu tawh na thei ding uh hi, amah in pel loin note mai panin Kanaan mite, Hit mite, Hiv mite, Perez mite, Girgash mite, Amor mite, leh Jebus mite hawlkhia ding hi.

Juda 1:14

Adam pan akipan khang sagihna mi Enok in kamsangpa thu a gen-inah, “Topa in mi khempeuh thukhenin,

Mangmuhna 14:1

Tua lai takin ka et leh, Zion Mual tungah ding-in a om Tuuno-a kipan amau taltang tung uhah Tuuno’ min tawh, ama Pa’ min tawh kigelha a om mi sangkhat-thenli-tulli amah tawh a om ka mu hi.

Mangmuhna 21:10

Kha Siangtho tawh kei a sang mual lian dawnah hong paipih a, Pasian kiang vantung pan Pasian’ vangliatna pua-in hong kiasuk Jerusalem Khuapi Siangtho hong lak hi.

Mangmuhna 21:2

Tua lai takin Jerusalem khua thak ahi Khuapi Siangtho in a pasal ading a kizeemsa-in a om, a kipi mo bangin kiging kholin Pasian kiang vantung pan hong kiasuk ka mu hi.

Mangmuhna 22:19

Tua genkholhna thu tawh kipawl hih laibu sungah a om thute kua mi hi taleh, a paihkhiat leh zong laibu sungah a kigelh nuntakna kung leh Khuapi Siangtho pan tua mi’ ngah ding khempeuh Pasian in a lakkhiatsak ding hi.

Mangmuhna 3:12

A zo mi ka Pasian’ biakinnpi khuampi ka suaksak ding hi. Tunung ciangin tua mun panin pua lamah cikmah hunin a paikhia nawn kei ding hi. Tua mi tungah ka Pasian’ min ahi zongin, ka Pasian kiang vantung panin hong kumsuk ding Jerusalem khua thak ahi, ka Pasian’ khuapi min ahi zongin, keima min thak ahi zongin ka gelh ding hi.

Mangmuhna 7:2

Tua lai takin a nungta Pasian’ ciamtehna a tawi vantungmi khat in, nisuahna lam pan hong kahto ka mu hi. Tua mi in leitung leh tuipi gimna a bawl thei vantungmi lite kiangah,