Hebru 12:2 - Tedim Bible

² eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Tedim Bible Revision 2017

² Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Hebru 12:2 Iomraidhean Croise

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

Late 138:8

Topa in kei adinga a ngaihsutna tung sak ding hi; Topa aw, na itna kip kho tawntung hi. Na sepsa na maban hong tun in.

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Gamlak-vakna 21:9

Tua ahih ciangin Moses in sumngo gul khat bawl a, khuam khat tungah khai hi; gul in mi khatpeuh a tuk leh amah in sumngo gul enin hing pah hi.

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Marka 14:36

“Abba, Pa aw, na khempeuh na bawl thei hi. Hih hai kei tawh kipelhsak in; ahih hangin keima deihna bang hi kei hen, nangma deihna bang hi ta hen,” a ci hi.

Marka 15:28

Lai Siangtho sungah, “Thupalsat mite tawh amah a kisimkhawm hi,” a cihna thu tua lai takin a tangtung hi.

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Marka 9:12

Zeisu in, “Elijah hong pai masa takpi ding a, na khempeuh a bawl kik ding hi. Mihing Tapa in zong gimna tampi leh nialna a thuak ding ci-in Lai Siangtho sungah kigelh zo hilo ahi hiam?

Marka 9:24

Naupang’ pa in thakhatin kiko a, “Ke’n ka um hi. Ka up lohna hong huh in,” ci-in a ngen hi.

Luka 17:5

Sawltakte in, “Komau’ upna khangsak ta in,” ci-in Topa kiangah a gen uh hi.

Luka 23:11

Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.

Luka 24:26

Zeisu in hih bang teng thuakin minthan’na a ngah nading thu om lo ahi hiam?” a cih khit ciangin,

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Johan 12:24

Ke’n aman takpi kong cih-inah, buhhum khat in lei tungah kia-a a sih kei leh, amah bek a om ding hi. Ahih hangin a sih leh, tampi a gah thei ding hi.

Johan 12:32

Keimah leitung pan hong kikhai ciangin mi khempeuh keima kiangah ka kai ding hi,” a ci hi.

Johan 13:3

Pa in na khempeuh ama khut tungah a apna thu ahi zongin, amah in Pasian kiang pan a hong paina thu ahi zongin, Pasian kiangah a paikik nading ahi zongin a theih ciangin,

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

Johan 8:56

Na pa uh Abraham in keima ni a mu nuam hi. A mu-a a lungdam mahmah hi,” a ci hi.

Sawltak 2:36

Tua ahih ciangin note in singlamteh tungah na thah uh Zeisu pen Pasian in Topa leh Khazih a suaksak hi ci-in Israel mi khempeuh in a man takpi thei ta uh hen,” a ci hi.

Sawltak 3:15

nuntakna hong pia Mangpa na that tazen uh hi! Ahih hangin Pasian in amah a thawhkiksak thu kote in teci ka hi uh hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

1 KORIN MASA 1:18

Bang hang hiam na cih uh leh, siatna a thuakte’ ading singlamteh thu in haina thu ahi hi. Gupna a ngah eite ading tua thu in Pasian’ vangliatna ahi hi.

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

Efesa 2:16

Khazih in singlamteh hangin kilemlohna thatin, tua mi pawl nihte pawl khat bek suak sakin Pasian tawh hong kilem sak nading ahi hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Filippi 1:6

Tua bang ka phatna-ah note tungah a pha nasep hong panpa in Zeisu Khazih’ Ni dongin a kicingin hong bawlin, hong zosak ding hi ci-in ka lungkim hi.

Filippi 3:20

Eite in i hih leh, vantung gam tawh kipawl mi i hi hi. Tua gam panin Honpa ahi Topa Zeisu Khazih hong paisuk kik ding hi ci-in eite in ngakin, lamenin i om hi.

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

Hebru 1:13

Tua tham loin: “Na galte khempeuh na khe nuai-ah Ka koih matengin, Ka ziat lamah na tu in,” ci a, kua vantungmi khatvei beek thupia ngei ahi hiam?

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 10:14

Bang hang hiam na cih uh leh, siangthona a ngah mite, khatvei biakna tawh kicin’ tawntungna a ngahsak hi.

Hebru 11:36

Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

Hebru 12:3

Thakiamna lungkiatna a om loh nadingin mawhna a nei mite kiangah tua zah khamna a thuak Topa ngaihsun un.

Hebru 13:13

Tua ahih ciangin eite in Topa tawh kosiatna thuakin giahbuk pualam ama kiangah nai ni.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Hebru 7:19

Ahih hangin tua sang a phazaw lametna thu hong piangsak hi. Tua lametna tawh eite in Pasian i nai thei hi.

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

Jeim 2:1

Ka u ka naute aw, a minthang Topa ahi i Topa Zeisu Khazih upna thu-ah mi maitang zahtak tuam nei kei un.

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

Juda 1:21

nuntak tawntungna ngah nadingin i Topa Zeisu Khazih’ hehpihna na ngak lai takun, Pasian’ itna sungah na pumpi uh kemin om un.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in: