Hebru 12:18 - Tedim Bible

^18-19 Tua longal note in khut tawh a kilawng kha thei mei kang mualah ahi zongin, a vom meiipi-ah ahi zongin, khuamial ah ahi zongin, huihpi nungah ahi zongin, peengkul tumna aw-ah ahi zongin, kam awging ah ahi zongin a tung na hi kei uh hi. Tua aw a za mite in thu a piakkik loh nadingin a thuum uh hi.

Tedim Bible Revision 2017

¹⁸ Israel mite in a tuah sa bangin note in Sinai Mual tunga meikuang, khuamial le lungzinna, huihpi,

Hebru 12:18 Iomraidhean Croise

Paikhiatna 20:18

Tu-in mite khempeuh in vangingte, khuaphialepte, peengkul aw leh mual meikhu thu a theihtel uh ciangin, mite lau-in liing uh hi; amaute a gamla-ah ding uh a,

Paikhiatna 24:17

Tu-in Topa; minthan’na a maipuakzia in, Israel mite’ muhna-ah mualvum dawn-ah a kangtum thei meikuang tawh kibang hi.

ROM (Romans) 6:14

Bang hang hiam na cih uh leh, thukham nuai-ah om loin, hehpihna nuai-ah na om uh ahih ciangin na mawhna un note hong uk lo ding hi.

ROM (Romans) 8:15

Note in kihtak kikkik nading sila’ lungsim na ngah kei uh hi. “Abba, Pa aw,” i cih mah bangin ta suahna lungsim na ngah uh hi.

2 KORIN NIHNA 3:7

Tua tham loin, a mang thei vangliatna ahi Moses’ maitangah a kilang vangliatna hangin Israel mite in a maitang a tel et ngam loh dongin, suangpeek tungah laimalin kigelh sihna tawh kipawl nasepna in vangliatna tawh a dim leh,

2 KORIN NIHNA 3:9

Bang hang hiam na cih uh leh, mawhna thutanna nasepna in vangliatna a neih leh, tua tham loin dikna nasepna in vangliatna a neizaw ding hi.

Thu-hilhkikna 4:11

Mei in mual kang-in van laizang dong banto-in, khuamial leh meii leh khuaziing in a tuamcip lai takin note a nai-ah hong pai-in mual bul-ah na ding uh hi.

Thu-hilhkikna 5:5

Note tungah Topa’ thu a gen dingin Topa leh note kikalah ka din’ hun lai takin, mei sung panin tua mual-ah Topa in kimai tuahin note hong hopih hi; mei hangin note lau na hih manun mual tungah na paito kei uh hi. Amah in:

2 TIMOTI NIHNA 1:7

Bang hang hiam cih leh, Pasian in eite launa lungsim hong pia ahi kei hi; vangliatna, itna leh ei-le-ei ki-uk zawhna Kha hong pia zo hi.