Hebru 12:11 - Tedim Bible

¹¹ Thuhilhna i thuak lai takin lungdamna-in kingaihsun loin dah nading bang kisa thei hi. Ahih hangin thulhilhna a thuak mite in a nung ciangin nopsakna ahi dikna gah a ngah uh hi.

Tedim Bible Revision 2017

¹¹ Thuhilhna tawh gim hong kipiak ciangin nuam kisa het loin na kisa mahmah sam a, ahi zongin tua thuhilhna a mang zote in thuman nuntakna hangin nopsakna thaman a nung ngah uh hi.

Hebru 12:11 Iomraidhean Croise

Piancilna 21:11

Ama' tapa’ hangin Abraham’ tungah thu nuam het lo hi.

Late 118:18

Topa in nasia takin kei hong thuhilh a, ahih hangin kei hong sisak lo hi.

Late 119:165

Nangma thu a deihte in lungnopna lianpi ngah uh a, bangmah in amaute tuksak zo lo hi.

Paunak 15:10

A gamta khial mite, nakpi takin kithuhilh a, kithuhilhna a mang nuam lote in sihna thuak ding hi.

Paunak 19:18

Thu hong man’ theih lai-in na ta thuhilh in; na hilh kei leh a siat nading a deih na hi hi.

Isaiah 19:22

Topa in Izipt mite pulnatna tawh vat ding a, ahi zongin damsak ding hi; Topa’ lamah amaute kihei kik ding uh a, amah in amaute’ thuumna donin amaute damsak ding hi.

Isaiah 32:17

Tua ciangin thumanna hangin nopna om ding a, thumanna hangin daihna leh lungmuan’ tawntungna om ding hi.

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

2 KORIN NIHNA 4:17

Bang hang hiam na cih uh leh, kote maitangah a kilangte in tawlkhat bek kip a,

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

Hebru 12:10

Bang hang hiam na cih uh leh, tua pate in a kilawm ci-in amaute ut bangin tawlkhat bek hong hilh uh hi. Pasian in a hih leh, ama siangthonate eite in i zop nadingin eite noptuamna ding ngaihsunin hong hilh hi.

Hebru 5:14

Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.

1 PETER MASA 1:6

Mei tawh a kize-et hangin a kisia thei kham sangin, note upna hong ze-etna un a pha zaw ahih maninah Zeisu Khazih hong kilat ciangin a phat nading, vangliat nading, minthan’ nading a suah nadingun, ze-etna apawlpawl thuak nading a om leh, note in tu-in tawlkhat na thuak uh a, na dah uh hangin a tungah ka gelhsa thupha ngaihsunin na lungdam mahmah un.

2 PETER NIHNA 2:14

Amaute in mi’ zi tungah mawh nop lunggulhna tawh a dim uh a, a kham thei lo mittang nei mi ahi uh hi. A kip lo mite a zol thei uh hi; huaiham luatna-ah a siam thei lungsim nei-in, hamsiatna’ tate ahi uh hi.