Hebru 11:8 - Tedim Bible

⁸ Abraham in a luah nading a cih gamah a paikhiat nading Pasian in a sap ciangin amah in koi lamah pai ding cih thei lo napi-in, upna tawh thungai-in a paikhia hi.

Tedim Bible Revision 2017

⁸ Pasian in ama tungah piak dingin a ciam leitang ah Abraham a pai dingin a sap lai-in Abraham in Pasianʼ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

Hebru 11:8 Iomraidhean Croise

Piancilna 11:31

Terah in ama' tapa Abram leh Haran’ tapa Lot, ama' tupa leh a tapa Abram’ zi ahi a monu Sarai la-in, Kanaan gamsungah pai dingin Khaldea gam Ur khua panin amaute paikhia khawm uh hi; ahih hangin amaute Haran a tun’ uh ciangin tua munah teng uh hi.

Piancilna 12:5

Abram in ama’ zi Sarai, a sanggampa’ tapa Lot, amau’ kaihkhopsa neihsa khempeuh leh Haran-a amau’ neih mi khempeuh sam a, Kanaan gamah pai dingin amaute dingkhia uh hi. Amaute Kanaan gam a tun’ uh ciangin,

Piancilna 12:7

Tua ciangin Abram’ tungah Topa kilang a, “Na suan-le-khakte' tungah hih leitang ka pia ding hi,” ci hi. Tua ahih ciangin amah in ama' tunga kilang Topa adingin biakna tau khat bawl hi.

Piancilna 15:5

Amah in a pua lamah paipih a, “Vantung lam enin aksite sim in, na sim zo hiam?” ci hi. Tua ciangin amah in, “Na suan-le-khakte tua mah bang ding hi,” ci hi.

Piancilna 17:8

Nangma' tung leh nang’ khit cianga na suan-le-khakte’ tungah tawlkhat na omna Kanaan leitang khempeuh na neih tawntung dingun kong pia ding hi; keimah in amaute’ Pasian ka hi ding hi,” ci hi.

Piancilna 20:13

Pasian in ka pa’ inn panin hong paikhiatsak ciangin ama' kiangah, ‘Hih in kei tunga nong hih ding na migitna ahi hi: I paina peuhpeuh-ah kei pen, ka sanggampa hi,’ hong ci-in, ka ci hi,” ci hi.

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Piancilna 26:3

Hih leitang-ah tawl khat om in, nang tawh kong omkhawm ding a, thupha kong pia ding hi; bang hang hiam cih leh nang leh na suan-le-khakte' tungah hih leitangte kong pia ding a, na pa Abraham’ tungah ka thuciam ka tungsak ding hi.

Isaiah 41:2

A nasem dingin dikna tawh samin, nisuahna pan-a mipa kua in hanthawn ahi hiam? Amah in ama khut sungah minamte piakhia ahih manin, amah in kumpite tuancil hi; amah in a namsau tawh amaute leivui bangin bawl a, ama thal tawh nahpa leeng bang sak hi.

Isaiah 51:2

Na pa uh Abraham leh note’ pian’na Sarah ngaihsun dih un; bang hang hiam cih leh khat bek ahih lai takin amah ka sam a, amah thupha pia-in tampi ka phasak hi.

Ezekiel 36:24

Gam khempeuh leh minam khempeuhte lak panin note hong kaikhawm kikin na gam uhah kong tun’pih kik ding hi.

Gamlak-vakna 10:30

Ahih hangin amah in, “Kong zui kei ding hi; ka leitang leh ka behte kiangah ka pai ding hi,” a ci hi.

Mattiu 2:21

Tua ciangin amah tho a, naupang leh a nu sam a, Israel gamah a tung kik hi.

ROM (Romans) 10:16

Ahih hangin mite khempeuh in Lungdamna Thu a ngai kei uh hi. Bang hang hiam na cih uh leh, kamsangpa Isaiah in, “Topa aw, kote thuhilhna kua in um ahi hiam?” a ci hi.

ROM (Romans) 6:17

Note in mawhna sila na hih ngei uh hangin, tu-in na ngahsa uh thuhilhna, deihna lungtang tawh na ngai uh ahih ciangin Pasian’ hehpihna ka phat hi.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

Thu-hilhkikna 9:5

Na thumanna hang uh ahi a, na lungsim manna hang uh tawh ahi zongin amau’ leitang luah ding na hi kei uh hi; Topa na Pasian un na mai panun amaute a hawlkhiatna in hih minamte’ gitlohna hang leh Topa in na pu na pate uh Abraham, Isaak leh Jakob tungah a thuciamna kammal a kipsak theih nading ahi hi.

Hebru 11:33

Tua mite in upna tawh gamte a zo uh hi, thuman thu a khen uh hi, thuciamna a ngah uh hi, humpinelkai’ kam a khak uh hi,

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Joshua 24:3

Tua ciangin Gungal panin na pa uh Abraham la-in Kanaan gam khempeuhah ka paipih a, a suan-le-khakte tampi ka pha sak hi. Ama tungah Isaak ka pia hi;

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

1 PETER MASA 3:1

Tua mah bangin zite aw, na pasalte’ ukna uh na mang un. Tua ahih ciangin Pasian thu a ngai lo pasal kim khat a om uh leh, tuate in kihtakna tawh kipawl na gamtatna siangtho uh a muh uh ciangin, Pasian’ thu hang hi lo, amau zite gamtatna pha hangin amaute kingah ding uh hi.

1 PETER MASA 4:17

Bang hang hiam na cih uh leh, Pasian’ innkuante a masa belin thukhen nading hun a tung zo hi. Eite a masa-in thu hong khen leh, Pasian’ Lungdamna Thu a mang lo mite bang suak ding ahi hiam?