Hebru 11:7 - Tedim Bible

⁷ Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Tedim Bible Revision 2017

⁷ Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Hebru 11:7 Iomraidhean Croise

Piancilna 19:14

Tua ahih ciangin Lot paikhia-in a tanute a ten’pih ding a mak dingte' kiangah, “Tho un, hih mun panin paikhia un; bang hang hiam cih leh Topa in khuapi a susia ding hi ta hi,” ci hi. Ahih hangin amah a mak dingte tungah a ciamnui bang lel hi.

Piancilna 6:13

Pasian in Noah’ kiangah, “Mi khempeuh beisak ding ka khentat zo hi; bang hang hiam cih leh amau’ hangin leitung in ngongtatna tawh kidim hi; en in, leitung tawh amaute ka susia khawm ding hi.

Piancilna 6:22

Noah in tua mah bangin hih hi; amah in Pasian’ thupiak khempeuh hih hi.

Piancilna 6:9

Hihte in Noah’ suan-le-khakte tangthu ahi hi. Noah in a thuman mi khat hi a, ama' khang-ah paubang lo hi; Noah in Pasian tawh lam paikhawm hi.

Piancilna 7:23

Mihing, ganhing, a bokvakte leh huih lak vasate, lei maitang tunga om nuntakna a nei peuhmah amah in phiatkhia hi; leitung panin amaute kiphiatkhia hi. Noah leh amah tawh teembaw sunga a om teng bek suakta hi.

Piancilna 7:5

Noah in Topa’ thupiak khempeuh hih hi.

Piancilna 8:16

“Nang leh na zi, na tapate leh na tapate’ zite teembaw sung panin paikhia un,

2 KUMPI NIHNATE 4:5

Tua ahih ciangin ama kiang panin tua numei paikhia-in amah leh a tapate kong kikhaknelh hi; amah in a sun’ lai takin amaute in ama kiangah a beelte paipih uh hi.

JOB (Job) 35:8

Na khialhna hangin na mipihte bek in thuak a, na gamtat hoihna hangin na mipihte bek in phattuamna ngah hi.

Paunak 22:3

Mipilte in a lauhuai thu mu thei-in pelh uh a, mi mawkmawkte in phu suakin thuak uh hi.

Paunak 27:12

Mipilte in a lauhuai thu mu thei-in pelh uh a, mi mawkmawkte in phu suakin thuak uh hi.

Ezekiel 14:14

Noah, Daniel leh Job, hih mihing thumte nangawn, amaute’ lakah a om hi leh, amaute’ hoihna in amau’ nuntakna ciat bek mah suaktak zo ding uh hi. Topa Pasian in ci hi.

Ezekiel 14:20

tua sungah Noah, Daniel, leh Jobte a om ahi zongin, amaute’ hoihna in amau’ nuntakna ciat bek a hut zawh cih loh, amaute’ tate nangawn hu zo het lo ding hi, ci-in a nungta Topa Pasian ka kiciam hi.

Ezekiel 33:5

Amah in patau kohna za napi-in don lo ahih manin, ama sisan luanna in ama khialhna hang ahi hi. Thudon hi leh amah a suakta ding ahi hi.

Mattiu 2:12

Tua nung ciangin Herod kumpipa kiangah a pai nawn loh nadingun a mang sung uhah thu kipiakna bangin, amaute khua-ah ciah dingin lampi dang a tawn uh hi.

Mattiu 24:15

“Tua ahih ciangin kamsangpa Daniel a hilh ngei bangin, a kisia thei kihhuaina in a siangtho munah ding-a a om note in na muh uh ciangin, (Lai Siangtho a sim theite in thei ta hen.)

Mattiu 24:25

En un, tua thu kong genkhol zo hi.

Mattiu 24:38

Tuiciin a tun’ ma-inah, Noah teembaw sungah a lut ni dongin mite in an ne, tui dawnin, kipi, kiteengsakin a om uh hi.

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Luka 17:26

Noah khan’ lai bangin Mihing Tapa’ ni ciangin zong a hong piang ding hi.

ROM (Romans) 1:17

“Midikte in thu-upna tawh a nungta ding hi,” ci-in Lai Siangtho sungah a kigelh mah bangin, thu-up nadingin thu-upna tawh Pasian’ dikna a kilang zo hi.

ROM (Romans) 10:6

Ahih hangin upna tawh kipawl dikna in: “Vantungah kua in a kahto ding hiam?

ROM (Romans) 3:22

Kilamdan’na neukha beek a om kei hi.

ROM (Romans) 4:11

Vun atna a thuak nai loh hangin upna dikna bangin kiciamteh nading i pa Abraham in tua mite’ pa a suah na’ng ahi zongin,

ROM (Romans) 4:13

Bang hang hiam na cih uh leh, leitung a luahsak nading Abraham ahi zongin, a suante ahi zongin, a thuciamna a ngahna in thukham tawh a ngah kei uh hi; upna tawh kipawl dikna hangin a ngah uh hi.

ROM (Romans) 9:30

Tua bang ahih leh, bang i ci gen ding hiam? Dikna a delh lo Gentailte in tua-upna tawh kipawl dikna a cihnopna ahi dikna a tung uh hi.

Galati 5:5

Bang hang hiam na cih uh leh, kote in upna tawh dikna ngah ding ci-in lamenin Kha Siangtho tung tawnin ngakin ka om uh hi.

Filippi 3:9

Topa hangin na khempeuh ka taan zo a, sihna pan thawhkikna thu ka ngah theih nadingin Topa’ thuak sihna sungah tumin, tua Topa ahi zongin, ama thawhkikna’ vangliatna ahi zongin, ama gimthuakna zomin thuakna ahi zongin theih tel nadingin, thukham hanga ka ngah keima dikna om loin, Khazih upna hanga ka ngah upna hangin Pasian hong piak dikna muan’na tawh Khazih a meetin ngahin, tua Topa ah kip-a ka om zawh nadingin nadangte khempeuh eek hi ci-in ka ngaihsun hi.

Hebru 11:1

Upna in lametnate telcianna hi a, a kimu nai lo nate theihtelna ahi hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Hebru 8:5

Moses in buk lam dingin a kisak ciangin, “Mual tungah nang kong lahsa lim bangin na khempeuh na bawl nading na ciamteh in, ci-in thupiakna a ngah bangin, tua siampite in vantung nate a lim leh liim tawh kipawl na a sem uh hi.

1 PETER MASA 3:20

Tua khate in nidang lai-inah Noah a khan’ lai-in tawmkhat ahi, mi giatte tui tawh a gup nading teembaw a bawl lai takun, Pasian in thuakin a ngak lai takin, thu a ngai lo khate ahi uh hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

2 PETER NIHNA 2:5

Tang lai leitung zong pammaihsa loin, dikna thu a hilh Noah leh mi sagihte keem a, Pasian bia lote leitungah tuicin a tumsak hi.

2 PETER NIHNA 3:6

tua thu tawh tua lai takin a om leitung, tui tawh tumin a kisiatna thu ahi zongin tua mite in a ciamteh nuam kei uh hi.