Hebru 11:6 - Tedim Bible

⁶ Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Tedim Bible Revision 2017

⁶ Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Hebru 11:6 Iomraidhean Croise

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

JOB (Job) 21:14

Migilote in Pasian nawlkhin uh a, Pasian in amau’ nuntak nadingin a deihsaknate thei nuam lo uh hi.

Late 106:24

Amaute in gamnuam simmawh uh a, ama thuciamna um lo uh hi.

Late 119:10

Ka lungsim khempeuh tawh nang kong zong hi; na thupiaknate panin kei hong pialsak kei in!

Late 58:11

Mite in, “Thuman mi’ ading noptuamna om taktak a, leitunga thukhen Pasian khat om taktak hi,” ci ding uh hi.

Late 73:28

Ahih hangin kei adingin Pasian kianga om ding hoih hi; na nasepnate khempeuh ka gen theih nadingin Topa ka Pasian kong bel hi.

Late 78:22

Bang hang hiam cih leh amaute in Pasian um lo uh a, ama hotkhiat vangliatna muang lo uh hi.

Late 78:32

Hih nalamdangte khempeuh om napi-in amaute khial lai veve uh a, ama nalamdangte hangin amaute in um tuan lo uh hi.

Paunak 11:18

Migilote in a man nei taktak bangmah ngah lo a, thuman-a gamtate in pel loin thaman hoih ngah hi.

Paunak 8:17

Kei hong itte ka it a, kei hong zong peuhmahte in hong mu uh hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Isaiah 7:9

Efraim’ lutang in Samaria hi a, Samaria’ lutang in Remaliat’ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi hiam? Amaute lakah ka hihsa limte khempeuh om napi-in, amaute in bang tanvei kei hong um lo ding ahi hiam?

Gamlak-vakna 20:12

Topa in Moses leh Aaron kiangah, “Israel mite mai-ah kei hong um lo hong siangthosak lo na hih uh ciangin amaute ka piaksa leitangah hih mihonte na tun’pih kei ding uh hi,” a ci hi.

Mattiu 11:26

A hi mah hi, ka Pa aw, tua bangin na deih hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Mattiu 6:5

“Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Marka 16:17

Thu um mite tungah hih na lamdang a piang ding hi: Keima min tawh dawite a hawlkhia ding uh a, kamthakin a pau ding uh hi;

Luka 12:31

Ama Gam na zong masa un. Na zon’ uh leh tua nate khempeuh zong hong kipia thuah ding hi.”

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 8:24

Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

ROM (Romans) 10:14

Ahih hangin a thu-um lo mite in bang a ci thunget ding uh hiam? A thu a zak ngei loh uh Topa bang ci a um thei ding uh hiam? A hilh mi om kei leh, bang ci a za thei ding uh hiam?

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Hebru 4:2

Bang hang hiam na cih uh leh, eite in Lungdamna Thu tuate mah bangin i za zo hi. Ahih hangin amau a zak uh thu in a za mite lakah upna tawh a kigawm lo ahih ciangin, phattuamna a om kei hi.

Hebru 4:6

Tua ahih ciangin mi kimkhat a tum theih ding uh hangin, Lungdamna Thu nidang lai-inah a za mite in a up loh manunah a tum thei kei uh a,

Hebru 7:19

Ahih hangin tua sang a phazaw lametna thu hong piangsak hi. Tua lametna tawh eite in Pasian i nai thei hi.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

2 PETER NIHNA 1:10

Tua ahih ciangin ute naute aw, note hong sapna leh hong teelna kipsak nadingin, nakpi-in hahkat zaw un. Tua bang na hih uh leh, na puk ngei kei ding uh hi.

2 PETER NIHNA 1:5

Ahi hi. Tua thu hangin note in upna tungah hoihna, hoihna tungah lungpilna,

2 PETER NIHNA 3:14

Tua ahih ciangin ka itte aw, note in hih nate lamenin na om uh ahih ciangin, ama mai-ah mawhsakna om lo, ninna tawh kinuh loin nuam takin na om nadingun na hahkat un.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Ruth 2:12

Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.