Hebru 11:37 - Tedim Bible

³⁷ Suang tawh denna, sing-atna tawh at tanna, ze-etna, namsau tawh thahna a thuak uh hi. Nakpi-in zawngkhalin, bawlsiatna thuakin, tuuvun keelvun silhin a kawivak uh hi.

Tedim Bible Revision 2017

³⁷ Suang tawh a kidenglum, sing-at tawh a kiphelkham, namsau tawh a kisatlum a om hi. Tuu vun peuh, keel vun peuh silh zo bekin, cimawhin zawng uh a, gimna le bawlsiatna a thuak uh hi.

Hebru 11:37 Iomraidhean Croise

2 SAMUEL NIHNA 12:31

Amah in a sunga om mite paikhiatpihin sing-atnate leh tuzumte leh heite tawh na a sem dingin koih a, leisek sekna-ah amaute nasem sak hi; tua bangin Ammon mite’ khuapi khempeuh ah hih hi. Tua ciangin David leh mi khempeuh Jerusalem ah ciah uh hi.

1 KUMPI MASATE 18:13

Jezebel in Topa’ kamsangte a thah lai-in Topa’ kamsangte mi zakhat, sawmnga sawmnga-in leihawm sungah seelin, amaute an leh tui tawh ka vaakna thu ka topa tungah hong kigen nai lo ahi hiam?

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

1 KUMPI MASATE 19:1

Ahab in Jezebel kiangah Elijah’ hih khempeuh, leh namsau tawh kamsangte khempeuh a thah khitna thu gen hi.

1 KUMPI MASATE 19:10

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 19:13

Elijah in a zak ciangin a puan tawh a mai tuamin paikhia a, leihawm lutna ah ding hi. En in, ama kiangah aw khat hong ging a, “Elijah, hih lai-ah bang hih na hi hiam?” a ci hi.

1 KUMPI MASATE 19:14

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 19:19

Tua ahih ciangin tua lai panin amah paikhia a, ama mai-ah bawngtal kap sawm-le-nih tawh lo a kho Shafat’ tapa Elisha mu a, amah a sawm-le-nihna tawh na om hi. Elijah in ama gei nawkin ama tungah a puan lawn hi.

1 KUMPI MASATE 21:10

ama mai-ah mi ginalo nih koihin ama lang khatah mawhna zongsak in, ‘Nang in Pasian leh kumpipa na samsia hi,’ cisak un. Tua ciangin amah la khia un la, denglum un,” a ci hi.

2 KUMPI NIHNATE 1:8

Amaute in amah dawngin, “Amah in samul puan khat silh a, a kawngah savun kawnggak gak hi,” a ci uh hi. Tua ciangin amah in, “Amah in Tishbe mi Elijah ahi hi,” a ci hi.

2 KUMPI NIHNATE 2:13

Tua ciangin amah in ama tung panin a kiakhia Elijah’ puan tawm a, kilehin Jordan gunpang ah ding hi.

2 KUMPI NIHNATE 2:8

Tua ciangin Elijah in a puantualpi suahin zial a, tua tawh a tui sat hi; lei keu tungah amaute gel a pai theih matengin a pang khat leh a pang lang khatah a tui kikhen hi.

1 KHANG TANGTHU MASATE 20:3

Tua ciangin amah in tua sunga om mite pai khiatpihin sing-atnate leh tuzumte leh heite tawh na a sem dingin koih hi; tua bangin Ammon mite’ khuapite khempeuh ah David in hih hi. Tua ciangin David leh mi khempeuh Jerusalem ah ciah uh hi.

2 KHANG TANGTHU NIHNATE 24:21

Ahih hangin amaute in amah sawmsim uh a, kumpipa’ thupiakna tawh amaute in Topa’ inn tual-ah suang tawh amah denglum uh hi.

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Jeremiah 26:23

amau in zong Izipt gam panin Uriah manin Jehoiakim kumpipa’ kiangah a puak uh hi. Amah in tua pa namsau tawh that-in a luanghawm mi mawkmawkte’ kivuina munah a paai hi.

Zekhariah 13:4

Tua ni hong tun’ ciangin, kamsangte in a mangmuh theihna uh kisialhpih ngam loin, kamsangte bangin zong puansilh ngam loin, kamsang zong kineih ngam lo ding uh hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Mattiu 21:35

Tua lo khawh lawhte in a nasemte a mat khit uh ciangin, khat sat, khat that, khat suang tawh a deeng uh hi.

Mattiu 3:4

Johan in kalaoh mul kigan puan silh a, savun kawnggakin a kawng a gak hi. Kauphe leh gampa lak khuaizu in a kivak hi.

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Sawltak 14:19

Ahih hangin Antiok khua leh Ikonium khua panin Judah mite hong pai uh a, mihonte a hansuah khit uh ciangin Paul suang tawh a deng uh a, a si khin ta hi ci-in khua nawlah a kaikhia uh hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

2 KORIN NIHNA 12:10

Tua ahih ciangin Khazih hangin thanemna, kosiatna, zawn’khalna, bawlsiatna, a haksa gimna ka thuak ciangin ka nuam hi. Bang hang hiam na cih uh leh, ka thanem ciangin ka thahat hi.

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.