Hebru 11:36 - Tedim Bible

³⁶ Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

Tedim Bible Revision 2017

³⁶ Mi pawl khat in simmawhna, satna, sikkol bulhna le thongkiatna zong a thuak uh hi.

Hebru 11:36 Iomraidhean Croise

Piancilna 39:20

Josef' topa in amah manin, kumpipa’ thongkiate a kikhumna thong sungah amah koih a, tua thong sungah amah om hi.

1 KUMPI MASATE 22:24

Tua ciangin Khena-anah’ tapa Zedekiah a nai-ah hong pai-in Mikaiah a paang bengin, “Nang tungah thu a gen dingin keima tung panin Topa’ Kha hong bangci pai hiam?” a ci hi.

1 KUMPI MASATE 22:27

tua ciangin, ‘Kumpipa in hih bangin ci hi, “Hih mipa thong sungah koih un la, lungnuamin kei kong ciahkik matengin an leh tui tawmno cik bek tawh vaak un,” ci hi,” va ci un,” a ci hi.

2 KUMPI NIHNATE 2:23

Amah tua lai panin Beth-el-ah paito hi; lampi ah amah a paitoh lai takin khuapi panin naupang neu pawl khat hong paikhia-in amah zahko uh a, “Paito in, nang lukolhpa! Paito in, nang lukolhpa!” a ci uh hi.

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.

2 KHANG TANGTHU NIHNATE 18:26

tua ciangin, ‘Hih bangin kumpipa in ci hi; Hih mipa thong sungah koih un la, lungnuam takin kong ciahkik mateng an leh tui tawmno bek tawh vaak un, ci hi,’ ci un,” a ci hi.

2 KHANG TANGTHU NIHNATE 30:10

Tua ahih ciangin laitaite Efraim leh Manasseh gam sung khuapi khat pan khuapi khat, leh Zebulun ciang dong pai uh hi; ahih hangin amaute in amaute nuihsanin zahpih uh a, na simmawh bawl uh hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Jeremiah 20:2

Tua ciangin Pashhur in kamsangpa Jeremiah sat a, Topa’ biakinn Benjamin Kongpi sak nungah kol a bulh hi.

Jeremiah 20:7

Topa aw, kei nong khem a, khemna ka thuak takpi hi. Kei sangin nang na hatzaw a, keimah nong zo hi. Ni simin mite’ nuihsat lel ka hi a, Mi khempeuh in hong zahko uh hi.

Jeremiah 29:26

‘Topa in siampi Jehoiada taangin nangmah siampi-in hong koih khin zo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk kamsang bang a, a gamta mihaite thongkia sakin kol na bulh ding hi.

Jeremiah 32:8

Tua ciangin Topa’ hong cihna mah bangin thong sungah ka inn lak sanggampa hong pai takpi-a hong hopihin, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding leh a tankhia ding nangmah na hi hi. Nang’ adingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.

Jeremiah 36:6

nang na pai in la, an tan’ ni ciangin Topa’ biakinn sunga om mi khempeuhte’ zak dingin kong sit hih laizial sunga na gelh Topa’ kammalte na sim ding hi. Amau’ khuapite pana hong paikhia Judah mi khempeuhte’ zakin zong na sim ding hi.

Jeremiah 38:28

Tua hi a, Jerusalem khua a kilak ciang dong Jeremiah zong thong huang sung mahah a om lai hi.

Jeremiah 39:15

Jeremiah thong huang sungah kikalh cipa a om laitak-in Topa in hopih a:

Daniel 11:33

Pilna a nei mite in a pilna uh midang tampite a hilh ding uh hi. Ahih hangin tawl khat sung mi pawlkhat in gal sunga sihna leh meikuang sunga thahna a thuak ding uh hi. Mi kim khatte in lawkgawpna leh thongkiatna thuak ding uh hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 21:35

Tua lo khawh lawhte in a nasemte a mat khit uh ciangin, khat sat, khat that, khat suang tawh a deeng uh hi.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Mattiu 27:26

Pilat in amaute kiangah Barabbas khah a, Zeisu ahih leh, a satsak khit ciangin singlamteh tungah thah dingin a pia hi.

Marka 10:34

Tua mite in zong amah zahkoin, cil tawh phihin, satin, a that ding uh hi. Ni thum khit ciangin a thokik ding hi,” ci-in ama tungah a tung ding thute a nungzuite kiangah a gen hi.

Luka 18:32

Bang hang hiam na cih uh leh, Gentailte khut tungah kipia ding a, zahkona, bawlsiatna leh cilphihna a thuak ding hi.

Luka 23:11

Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.

Luka 23:36

Galkapte zong pai uh a, tuithuk pia-in,

Sawltak 21:33

Tua ciangin galkap mangpa in va nai a, Paul a mat khit ciangin sikkhau nih tawh hen ding thu a piak khit ciangin, “Hih mi kua mi ahi hiam? Bang hih khial ahi hiam?” ci-in a dong hi.

Sawltak 24:27

Kum nih a cin’ ciangin Porsias Festas in Feliks za a laih hi. Tua Feliks in Judah mite lungdamsak nuamin Paul thong sungah a omsak lai hi.

Sawltak 4:3

Amaute a mat khit uh ciangin nitak ahih maninah, a zingsang dongin thong sungah a khum uh hi.

Sawltak 5:18

Amaute in sawltakte a mat khit uh ciangin thong sungah a khum uh hi.

Sawltak 5:40

Ama kam a ngai uh a, sawltakte a sap khit uh ciangin a sat uh a, Zeisu’ min tawh thuhilh lo dingin a khamcip uh a, a khah uh hi.

Sawltak 8:3

Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

2 TIMOTI NIHNA 1:16

Topa in Onesiforas’ innkuanpihte tungah hehpihna tungsak ta hen. Bang hang hiam cih leh, amah in kei tam veipi hong thakhauh sak hi. Keima sikkhau hangin zong zum loin,

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Thukhente 16:25

A lungsim uh a nop ciangin amaute in, “Eite’ adingin a kimawl theih nadingin Samson sam un,” a ci uh hi. Tua ahih ciangin amaute in, thong panin Samson sam khia-in amau’ mai-ah mawlpih uh hi. Khuampite kikalah amah ding sak uh hi;