Hebru 11:35 - Tedim Bible

³⁵ Numeite in sihna pan thokikin amau misite a ngah kik uh hi. Kimkhat in a phazaw thawhkikna a ngah nadingun suahtakna sang loin nakpi satna a thuak uh hi.

Tedim Bible Revision 2017

³⁵ Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawl khatte in a hoih zaw nuntakna ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Hebru 11:35 Iomraidhean Croise

Mattiu 22:30

Thawhkik ni ciangin kipina, kiteen’na om lo ding hi. Amaute in vantungmite tawh kibang ding uh hi.

Marka 12:25

Bang hang hiam na cih uh leh, sihna pan a thawhkik uh ciangin kipi-in a kiteengsak kei ding uh hi. Amaute in vantungmite tawh kibangin a om ding uh hi.

Luka 14:14

Amaute in nang hong thukkik nading bangmah nei lo uh ahih ciangin, thupha na ngah ding hi. Bang hang hiam na cih uh leh, midikte’ thawhkik ni ciangin nang hong kithukkik ding hi,” a ci hi.

Luka 20:36

Amaute cikmah hunin a si thei kei ding uh hi. Bang hang hiam na cih uh leh, amaute in vantungmite tawh kibangin, thawhkikna’ tate ahih manunah Pasian’ tate ahi ding uh hi.

Johan 5:29

A pha-a gamtate in nuntakna ngah dingin hong thokik ding uh a; a sia-a gamtate in thukhenna thuak dingin hong thokik ding uh hi.”

Sawltak 22:29

Tua ciangin thu dong dinga akisa mite in Paul kiang panin a paikhia pah uh hi. Amah Rom mi ahih thei a, amah khau tawh hen zo ahih ciangin galkap mangpa a lau mahmah hi.

Sawltak 23:6

Upa kimkhat Farisai-te, kimkhat Saddusi-te ahih uh Paul in a theih ciangin, “Ute naute aw, Farisai mi ka hi hi. Farisai’ ta ka hi hi. Mi sisate hong thokik ding hi ci-in ka lamet hangin thu dotna ka thuak hi,” ci-in upate kiangah a ko hi.

Sawltak 24:15

Midik leh midik lote khempeuh in sihna pan a thokik ding hi ci-in amaute’ lamet bangin Pasian suangin ka om hi.

Sawltak 4:19

Piter leh Johan in, “Topa’ thu sangin note’ thu ngaih ding Pasian mai-ah a kilawm zaw hiam, kilawm lo zaw hiam cih note in thu na khen ta un.

Sawltak 9:41

Ama mit hak a, Piter a muh ciangin tho-in, a tu hi. Piter in a khut lenin a din’sak khit ciangin misiangthote leh meigongte sam a, Dorkas a nungta-in a lak hi.

1 KORIN MASA 15:54

Hih muat theihna in muat theih lohna silh a, hih sih theihna in sih theih lohna a silh ciangin, “Zawhna sungah sihna kivalh tum zo hi” ci-a Lai Siangtho sungah a kigelhsa thu in a tangtung ding hi.