Hebru 11:34 - Tedim Bible

³⁴ meikuang a mitsak uh hi, namsau mai-ah a suakta uh hi, thanemna pan a thahat uh hi, galdona-ah a hang uh hi, gamdang galkapte a taisak uh hi.

Tedim Bible Revision 2017

³⁴ meikuangpi mitsak thei-in, sih nading panin suakta uh a, gina lo napi-in thahat uh a, gal sungah thahatin gamdang galkapte a zo gawp uh hi.

Hebru 11:34 Iomraidhean Croise

1 KUMPI MASATE 19:1

Ahab in Jezebel kiangah Elijah’ hih khempeuh, leh namsau tawh kamsangte khempeuh a thah khitna thu gen hi.

1 KUMPI MASATE 19:3

Tua ciangin amah lau a, ding-in a suahtak nadingin pai a, Judahte’ khua Be-ersheba tungin tua lai-ah a nasempa nusia hi.

2 KUMPI NIHNATE 6:1

Tu-in kamsangte khat in Elisha kiangah, “Thei in, nangma ukna nuai-a ka ten’na mun uh kote’ adingin neu lua hi.

2 KUMPI NIHNATE 6:32

Elisha a inn sungah tu a, upate amah tawh tukhawm uh hi. Tu-in kumpipa in ama omna panin mi khat sawlkhia hi; ahih hangin kamtaipa a tun’ ma-in Elisha in upate kiangah, “Hih mi thatpa in ka lutang a tankhia dingin hong sawlna na mu uh hiam? En un, kamtaipa hong tun’ ciangin kong khak un la, ama lang khatah khauh takin kongkhak lencip un. Ama nungah a topa’ kheging hong kiza hilo ahi hiam?” a ci hi.

JOB (Job) 42:10

Job in a lawm thumte’ ading thu a ngetsak khit ciangin, Topa in Job citheisak kik a, ni danga a neih ngei zah nihin neihsa lamsa guan hi.

JOB (Job) 5:20

Kialpi sungin na sih nading pan hong honkhia ding a, gal sungah namsau panin hong suakta sak ding hi.

Late 124:7

Thangsiahte thangzak panin vasa a suahtak bangin eite i suakta hi; thangkhau kibottat a, eite i suakta khin ta hi.

Late 144:10

Kumpite tungah gualzawhna a piapa, na nasempa David a honkhiapa na hi hi.

Late 6:8

Siatna bawlte khempeuh aw, ka kiang panin kihemkhia un; bang hang hiam cih leh Topa in ka kahna aw a za zo hi.

Late 66:12

Nangmah in ka galte uh nong tuancilsak a, tui leh mei lauhuainate ka thuak uh hi; ahih hangin nangmah in a tanzauna munah nong paipih hi.

Paikhiatna 18:4

a dang khat’ min in Eliezer ahi hi (bang hang hiam cih leh amah in, “Ka pa’ Pasian in keimah hong huhpa hi a, Faro’ namsau panin kei hong honkhia hi,” ci hi.)

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Jeremiah 26:24

Ahih hangin Shafan’ tapa Ahikam in Jeremiah hu ahih manin mite’ khut sungah kipia loin thahna a thuak kei hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

1 PETER MASA 4:12

Ka itte aw, note hong ze-et nadingin na thuak uh mei tawh kisit, bawlsiatna in note tungah lamdangsak huaina ahi ci-in ngaihsun kei un, na lungmang kei un.

Thukhente 15:8

Amah in amaute dawm loin tampi that hi; tua ciangin amah paisukin Etam suanghawm sungah om hi.

1 SAMUEL MASA 18:11

Saul in a teipi-in David nihvei khawh hi; bang hang hiam cih leh, “Kawm tawh David ka khawhcip ding hi,” ci-in ngaihsun hi. Ahih hangin David in a nihvei mahin pelh thei hi.

1 SAMUEL MASA 19:10

Saul in a teipi-in kawm tawh David khawhcip dingin khawh hi; ahih hangin amah in Saul pelh a, amah in kawm tungah a teipi khawh hi. Tua ciangin David tai-in suakta hi.

1 SAMUEL MASA 20:1

Tua ciangin Ramah khua sung Naioth veeng panin David tai-in, Jonathan kiangah hong tungin ama mai-ah, “Bang hih ka hi hiam? Ka mawhna bang ahi hiam? Amah in kei thah dingin hong zon’ nadingin na pa mai-ah ka khialhna bang ahi hiam?” a ci hi.