Hebru 11:33 - Tedim Bible

³³ Tua mite in upna tawh gamte a zo uh hi, thuman thu a khen uh hi, thuciamna a ngah uh hi, humpinelkai’ kam a khak uh hi,

Tedim Bible Revision 2017

³³ Hih mite khempeuh in zong a upna uh hang mah tawh kumpi gam tuamtuamte zo-in, thumanin a gamtat manun Pasianʼ thuciam a ngah uh hi. Upna hang mah tawh humpinelkai kamte hucip uh a,

Hebru 11:33 Iomraidhean Croise

2 SAMUEL NIHNA 10:12

Kihangsak in, i mite ading leh i Pasian’ khuapite adingin kipasalsak ni; Topa in hoih a sak bangin hong hih ta hen” a ci hi.

2 SAMUEL NIHNA 8:15

Tua ahih ciangin David in Israelte khempeuh uk hi; David in a mite khempeuh tungah thutang leh thuman zang hi.

1 KUMPI MASATE 13:28

Tua ciangin amah pai a, lampi ah a luanghawm kipaai-in la leh humpinelkai a luanghawm gei-ah a ding mu hi. Humpinelkai in a luanghawm ne lo a, la zong balnen lo hi.

Late 144:10

Kumpite tungah gualzawhna a piapa, na nasempa David a honkhiapa na hi hi.

Late 91:13

Nangmah in humpinelkai leh gul gu nei tung na tawn ding a, na khe nuai-ah humpinelkai khang lai leh gulpi na tuancil ding hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Galati 3:16

Thuciamna Abraham leh a suan a khakte tungah a koih zo hi. “A suan a khakte,” ci-in mi tampite ngaihsunin thu a pia kei hi. “Nangma suan mi khat bek,” ci-in ngaihsunin thu a pia hi. Tua mi khat in Khazih ahi hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Hebru 10:36

Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

Hebru 11:17

Abraham in ze-etna a thuak ciangin upna tawh Isaak biakna-ah a pia hi. “Isaak tung bekah na suan na khak kici ding hi,” ci-a thupiak kholhna akipan thuciamnate lungdamin a sang mi hi-in, khat bek a neih tapa a pia hi.

Jeim 2:18

Ahi hi, khat in, “Nangmah in upna na nei hi. Kei ka hih leh, gamtatna hoih ka nei hi: hong ci ding hi. Gamtatna hoih om lo na upna hong lak in. Keimah in ka hih leh, ka gamtatna tawh ka upna ka hong lak ding hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Thukhente 4:1

Ehud a sih khit ciangin Israel mite in Topa’ muhna-ah a sia gamta kik uh hi.

1 SAMUEL MASA 12:4

Amaute in, “Nangmah in kote nong khem kei a, zong nong nengniam kei a, mi khatpeuh tung panin zong bangmah na la kei hi,” a ci uh hi.