Hebru 11:27 - Tedim Bible

²⁷ Kumpipa’ hehna lau loin upna tawh Izipt gam a taisan hi. Bang hang hiam na cih uh leh, mittang tawh kimu thei lo Pasian a mu zo bangin a lung kip hi.

Tedim Bible Revision 2017

²⁷ Moses pen kumpipaʼ heh ding lau het loin Egypt gam panin paikhia a, a kimu thei lo Pasian a mu bang keekin a nungkik het lohna zong a upna hang mah ahi hi.

Hebru 11:27 Iomraidhean Croise

Late 16:8

Topa ka mai-ngat tawntung a, amah in ka taklam-ah om ahih manin ka kiling kei ding hi.

Paikhiatna 11:8

Hih nangma'nasemte khempeuh keima' kiangah hong paisukin, keima' kiangah hong kunsuk ding uh a, ‘Nang leh nangmah hong zui mi khempeuh paikhia un,’ hong ci ding uh hi. Tua khit ciangin kei ka paikhia ding hi,” a ci hi. Faro' kiang panin amah heh mahmahin paikhia hi.

Paikhiatna 12:11

Hih bang zia-in na ne ding uh hi: na kawng uh gakin, na khedapte uh na khe uh-ah bulhin, na ciangkhut uh na khut uh-ah na tawi ding uh hi; na nawh nek ding uh hi. Tua in Topa’ Pasian pawi ahi hi.

Paikhiatna 12:50

Tua bangin Israel mite khempeuh in hih uh hi; Topa in Moses leh Aaron a thupiak bangin amaute in hih uh hi.

Paikhiatna 4:19

Midian gam sungah Topa in Moses' kiangah, “Izipt-ah paikik in; bang hang hiam cih leh nangma' nuntakna hong that nuam mite khempeuh si khin ta uh hi,” ci hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 24:13

A bei dongin a kipte in gupna a ngah ding uh hi.

Marka 13:13

Keima min hangin mi khempeuh in note hong mudah ding uh hi. A tawp dongin a thuak zote in gupna a ngah ding uh hi.”

Marka 4:17

Amaute sungah zung kha lo uh ahih ciangin, tawlkhat kikal bek a kip uh hi. A thu hangah gimna ahi zongin, bawlsiatna ahi zongin a thuak uh ciangin thakhatin a puk uh hi.

Sawltak 2:25

David in tua mi a genkholhna in: ‘Kei in Topa Pasian ka maitang ah a om ka mu tawntung hi, Bang hang hiam i cih leh, ka kikhin theih loh nadingin ka ziat lamah a om hi.

1 KORIN MASA 13:7

na khempeuh a thuak thei hi, na khempeuh a um thei hi, na khempeuh a thuak keeikaai hi.

2 KORIN NIHNA 4:18

a kilang lo nate a kip tawntung ahih ciangin a kilang nate en lo ciamteh loin, a kilang lo nate ka en ka ciamteh uh ciangin tawlkhat bek ka thuak uh gimna a zangin a tawntung a gik minthan’ nading a piangsak hi.

Kolose 1:15

Tua Tapa in mittang a, kimu thei lo Pasian’ lim hi a, a om khempeuhte mai-ah zong ta Upa ahi hi.

1 TIMOTI MASA 1:17

A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.

Hebru 10:32

Note khuavak sungah na tun’ khit uh ciangin mite mai-ah kisiatna, bawlsiatna thuakin, tua bang a thuakte tawh kipawl khat na hi uh ahi zongin, gimna lian mahmahte dona, nidang lai-a na thuak uh na ngaihsun un.

Hebru 11:1

Upna in lametnate telcianna hi a, a kimu nai lo nate theihtelna ahi hi.

Hebru 11:13

Tua a kigensa mi khempeuhte in thuciamna tawh kipawl noptuamna ngah kha loin, gamlapi pan galet-in hopihin, amaute leitungah gamdang mi zinte ahih man-unah upna sungah a si uh hi.

Hebru 6:15

Tua mah bangin Abraham in thuakin a ngak khit ciangin a thuciamna bangin a ngah hi.

Jeim 5:11

En un, a thuak zo mite in thupha a ngah mite a hi uh ci-in i gen hi. Job’ thuakna thu na za zo uh hi. Pasian in ama thu a zawh khit ciangin a hehpih theih mahmahna thu zong na thei zo uh hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.