Hebru 11:16 - Tedim Bible

¹⁶ Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

Tedim Bible Revision 2017

¹⁶ Ahi zongin amauteʼ lunggulh pen leitung sangin a hoih zaw vantung gam ahi hi. Pasian in amaute adingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Hebru 11:16 Iomraidhean Croise

Piancilna 26:24

Tua zan mahin ama' tungah Topa kilang a, “Keimah in na pa Abraham’ Pasian ka hi hi; lau kei in, bang hang hiam cih leh ka nasempa Abraham’ huhau-in nang tawh kong om a, nang leh na suan-le-khakte thupha hong pia-in kong pungsak ding hi,” ci hi.

Piancilna 28:13

En in, tua tung san-ah Topa ding a, “Keimah in na pa Abraham’ Pasian leh Isaak’ Pasian, Topa ka hi hi; nang leh na suan-le-khakte' tungah tu-a na lupna leitang kong pia ding hi;

Paikhiatna 3:15

Pasian in zong Moses' kiangah, “'Hih thu Israel mihingte' tungah gen in, "Topa, na pate’ Pasian, Abraham’ Pasian, Isaak’ Pasian, leh Jokob’ Pasian in note' kiangah kei hong sawl hi," ci in: hih in keima' min hi tawntung a, tua ahih manin keimah in khang tawntunga phawk ding ka hi hi.

Paikhiatna 3:6

Tua ciangin amah in, “Keimah in na pa’ Pasian, Abraham’ Pasian, Isaak’ Pasian, leh Jakob’ Pasian ka hi hi,” ci hi. Moses in ama' maitang hum hi, bang hang hiam cih leh Pasian a et ding amah lau hi.

Paikhiatna 4:5

“Amaute in a up theih nadingun Topa, amaute’ Pasian, Abraham’ Pasian, Isaak’ Pasian leh Jakob’ Pasian in nang' tungah hong kilang khin zo hi,” ci hi.

Jeremiah 31:1

“Topa in kong cih-inah, tua hun ciangin keimah in Israel mi khempeuhte’ Pasian ka hi ding a, amaute in ka mite ahi ding uh hi.”

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Marka 12:26

A sisate thawhkikna ding thu panin Pasian in, ‘Kei in Abraham Pasian, Isaak’ Pasian, Jakob’ Pasian ka hi hi,’ ci-in Moses in a gelh Lai Siangtho sunga sawlbawk meikuang thu sim ngeilo na hi uh hiam?

Marka 8:38

Mi paktat leh gilo hih khang mite lakah, kei ahi zongin, ka thu ahi zongin a daisak peuhmah Mihing Tapa in zong a Pa minthan’na leh a siangtho vantungmite tawh hong paikhawm uh ciangin, tua mite a daisak ding hi.”

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Luka 20:37

Moses in sawlkawm lakah Topa a hopih lai-in ‘Abraham’ Pasian, Isaak’ Pasian, Jakob’ Pasian aw, a cih ciangin misite kithokiksak ding hi cih a lak ahi hi.

Johan 14:2

Ka Pa’ inn sungah omna tampi a om hi. A om kei leh, no kiangah kong gen zo ding hi. Note om nading mun bawlkhol dingin ka pai ding hi.

Sawltak 7:32

A en cian dinga a naih ciangin, ‘Keimah in na pute na pate’ Pasian, Abraham’ Pasian, Isaak’ Pasian, Jakob’ Pasian ka hi hi,’ ci-in Topa’ aw a za hi. Tua lai takin Moses liingin a en ngam kei hi.

Filippi 3:20

Eite in i hih leh, vantung gam tawh kipawl mi i hi hi. Tua gam panin Honpa ahi Topa Zeisu Khazih hong paisuk kik ding hi ci-in eite in ngakin, lamenin i om hi.

2 TIMOTI NIHNA 4:18

Topa in thu hoih lo khempeuh pan hong honkhia a, ama vantung dongin hong kha ding hi. Tua Topa in a tawntungin minthan’na ngah ta hen. Amen.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Hebru 11:10

Bang hang hiam na cih uh leh, a luah ding Pasian’ lamsa, bulpi kip a nei khuapi a lamen hi.

Hebru 11:14

Tua bang a mang mite in, amau ading gam zongin a om uh ci-in a lak uh hi.

Hebru 11:40

Bang hang hiam na cih uh leh, tua mite eite tawh loin, kicin’na a tum loh nadingun Pasian in eite ading a phazaw na a ciamteh hi.

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Hebru 13:14

Bang hang hiam na cih uh leh, eite in hih lai takah a kip ding khuapi i nei kei hi: tunung ciangin a hong piang ding khuapi i zong hi.

Hebru 2:11

A siangthosak theipa leh siangthona a ngah mite in innkuan khat pan a piang uh hi. Tua ahih ciangin Zeisu in amaute, “Ute naute aw,” ci-in sap ding a maizumpih kei hi.

Mangmuhna 21:2

Tua lai takin Jerusalem khua thak ahi Khuapi Siangtho in a pasal ading a kizeemsa-in a om, a kipi mo bangin kiging kholin Pasian kiang vantung pan hong kiasuk ka mu hi.