Hebru 11:12 - Tedim Bible

¹² Tua ahih ciangin mi si tawh a kibang dektak, mi khat bek ahi Abraham panin a kisim ciangin aksi zah ahi zongin, tuipi gei-ah a kisim zo lo sehnelte zah ahi zongin tampite a suak uh hi.

Tedim Bible Revision 2017

¹² A cimang khinin a kingaihsun hih mi khatʼ suanlekhakte pen van a aksi zah leh tuipi gei-a sehnel zahin a tam hi.

Hebru 11:12 Iomraidhean Croise

Piancilna 15:5

Amah in a pua lamah paipih a, “Vantung lam enin aksite sim in, na sim zo hiam?” ci hi. Tua ciangin amah in, “Na suan-le-khakte tua mah bang ding hi,” ci hi.

Piancilna 22:17

nang thupha kong pia taktak ding hi, na suan-le-khakte van-a aksite leh tuipi gei-a sehnel bangin tampi ka phasak ding hi. Na suan-le-khakte in amau’ galte’ khuapite luah ding uh a,

Piancilna 26:4

Na suan-le-khakte van-a aksi bangin tampi ka phasak ding a, na suan-le-khakte' tungah hih leitang khempeuh ka pia ding hi; na suan-le-khakte thupha ka piak bangin leitung minam khempeuh in thupha a ngah nadingun hong ngen ding uh hi:

Piancilna 32:12

Ahih hangin nangmah in, ‘Nang' tungah hoihna kong bawl ding a, a honpi a kisim thei loin na suan-le-khakte tuipi sehnel zahin ka bawl ding hi,’ na ci hi,” ci hi.

2 SAMUEL NIHNA 17:11

Ahih hangin keima ngaihsutna in, Dan panin Bersheba ciang dong, tuipi gei-a sehnel bangin a tam Israelte khempeuh nang kiangah khawmin galdo dingin nangmah mah na pai ding hi.

1 KUMPI MASATE 4:20

Judah leh Israelte tuipi gei-a sehnel bangin tam uh hi; amaute in ne-in dawnin lungdam uh hi.

1 KHANG TANGTHU MASATE 27:23

Israel mite vantung aksi zahin a tamin a bawl nading Topa in thuciam khin ahih manin David in kum sawmnih nuaisiah a pha mite sim lo hi.

Nehemiah 9:23

Nangmah in amau’ suan leh khakte van-a aksi zahin sim zawh lohin na tamsak a, a pu a pate un a luah dingin piak dingin na ciamsa gamah amaute na paipih hi.

Paikhiatna 32:13

Amaute' tungah nangmahmah kiciamin amaute' tungah, ‘Na suan-le-khakte uh vantung aksi bangin tamsakin, keimah in ka ciamsa hih leitang khempeuh na suan-le-khakte uh' tungah ka pia ding a, amaute in luah tawntung ding uh hi,’ na cihna na nasemte Abraham, Isaak leh Israel phawk in,” a ci hi.

Isaiah 10:22

Na mi Israelte pen tuipi sehnel zah bang ahih hangin, amaute a om lai tawm khat bek hong ciahkik ding hi. Thuman mahmahna tawh siatna thu kikhen ahi hi.

Isaiah 48:19

na suan leh khakte sehnel zah pha-in, na tu leh tate sehnel vui zah pha ding hi; keima mai-ah amaute’ min kiphiat khia lo, kisusia ngei lo ding hi,” a ci hi.

Jeremiah 33:22

Vana aksite kisim zo loin, tuipi-a sehnelte a kiteh zawh loh bangin keimah in ka nasempa David’ suan-le-khakte ahi zongin, siampi Levi’ minamte ahi zongin ka pungsak den ding hi,” a ci hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Habakkuk 1:9

A susia gawp dingin hong kuankhia uh a, a sukkhak ding uh mi khempeuh lau mahmah uh hi. A gal matte uh tam mahmah a, sehnel zahin kisim zo lo hi.

ROM (Romans) 9:27

Isaiah in Israel thu panin, “Israel mipawlte in tuipi sehnel zahin a tam hangin a kimkhat bek in gupna a ngah ding uh hi.

Thu-hilhkikna 1:10

Topa na Pasian un note tampi hong khang sak zo hi, en un, note in tu hunin vantung aksite zah-in tampi na pha uh hi.

Thu-hilhkikna 28:62

Note vantung aksite bangin a tam na hihna sung uhah tawmno bek na pha ding uh hi; bang hang hiam cih leh Topa na Pasian uh thu na mang kei uh hi.

Joshua 11:4

Tua ciangin amaute tampi a pha a galkap honpite tawh a tam mahmah sakolte leh leengte tawh, tuipi gei-a om sehnel bangin tampi tak hong kuan khia uh hi.

Mangmuhna 20:8

leitung kiu li-ah a om Gog leh Magog ahi uh mipawlte galdona phualah kikhawmsak dingin, kheem dingin pusuaksak ding hi. Tua mipawlte a kisim ciangin tuipi gei sehnel zah a pha uh hi.

Thukhente 7:12

Midian mite leh Amalek mite leh Nisuahna lam mite khempeuh kauphe bangin tamin kuam dungah om uh hi; a kalaohte uh sim zawh hilo a, a tamna pen tuipi gei-a om sehnel zah bang ahi hi.

1 SAMUEL MASA 12:5

Tua ciangin amah in amaute kiangah, “Note in kei tungah bangmah na muh lohna thu uh Topa in note’ lang khatah teci hi a, ama sathau nilhpa zong tu ni-in teci ahi hi,” a ci hi. Tua ciangin amaute in, “Amah in teci ahi hi,” a ci uh hi.