Hebru 11:10 - Tedim Bible

¹⁰ Bang hang hiam na cih uh leh, a luah ding Pasian’ lamsa, bulpi kip a nei khuapi a lamen hi.

Tedim Bible Revision 2017

¹⁰ Pasian in geelin a lam, bulkip a nei khuapi, Abraham in a ngakna-in tua bangin a om ahi hi.

Hebru 11:10 Iomraidhean Croise

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Johan 14:2

Ka Pa’ inn sungah omna tampi a om hi. A om kei leh, no kiangah kong gen zo ding hi. Note om nading mun bawlkhol dingin ka pai ding hi.

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.

Filippi 3:20

Eite in i hih leh, vantung gam tawh kipawl mi i hi hi. Tua gam panin Honpa ahi Topa Zeisu Khazih hong paisuk kik ding hi ci-in eite in ngakin, lamenin i om hi.

Hebru 11:16

Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Hebru 13:14

Bang hang hiam na cih uh leh, eite in hih lai takah a kip ding khuapi i nei kei hi: tunung ciangin a hong piang ding khuapi i zong hi.

Hebru 3:4

Inn khempeuh mi khat peuhmah in a lam hi. Na khempeuh a piangsakpa in Pasian ahi hi.

Mangmuhna 21:2

Tua lai takin Jerusalem khua thak ahi Khuapi Siangtho in a pasal ading a kizeemsa-in a om, a kipi mo bangin kiging kholin Pasian kiang vantung pan hong kiasuk ka mu hi.