Hebru 11:1 - Tedim Bible

¹ Upna in lametnate telcianna hi a, a kimu nai lo nate theihtelna ahi hi.

Tedim Bible Revision 2017

¹ Upna nei i cih ciangin i muh theih nai loh i lamette ngah takpi ding, ci-in muanna lungsim neihna ahi hi.

Hebru 11:1 Iomraidhean Croise

Late 27:13

A hingte gam sungah Topa’ hoihna mu dingin ka ki-um hi.

Late 42:11

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phatkik na ding hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

1 KORIN MASA 13:13

Tu-in upna, lawpna, itna hih thute thum a om uh hi. A thumte sungpan itna thu a lianbel hi.

2 KORIN NIHNA 11:17

Hih bang ka genna in Topa’ thupiak bangin gen ka hi kei hi, mihai bangin, lau loin, kisathei-in ka gen hi.

2 KORIN NIHNA 4:18

a kilang lo nate a kip tawntung ahih ciangin a kilang nate en lo ciamteh loin, a kilang lo nate ka en ka ciamteh uh ciangin tawlkhat bek ka thuak uh gimna a zangin a tawntung a gik minthan’ nading a piangsak hi.

2 KORIN NIHNA 5:17

Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.

2 KORIN NIHNA 5:7

Kote in mit’ muhna tawh hi loin, upna tawh ka nungta uh hi.

2 KORIN NIHNA 9:4

Tua bang a hih kei leh, Makedonia mi kimkhat in kei tawh hong pai khawmin note a kholsa-a na om loh uh hong mu le-uh note’ zum ding gen loh, lau lo-a kong muan’na sa uhah kote in ka maizum ding uh hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Titu 1:1

Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Hebru 10:39

Eite i hih leh, kisiatna tung dingin a nungkin mite lakah i om kei hi; gupkhiatna a ngah upna a nei mite lakah i om hi.

Hebru 11:13

Tua a kigensa mi khempeuhte in thuciamna tawh kipawl noptuamna ngah kha loin, gamlapi pan galet-in hopihin, amaute leitungah gamdang mi zinte ahih man-unah upna sungah a si uh hi.

Hebru 11:27

Kumpipa’ hehna lau loin upna tawh Izipt gam a taisan hi. Bang hang hiam na cih uh leh, mittang tawh kimu thei lo Pasian a mu zo bangin a lung kip hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.