Hebru 10:7 - Tedim Bible

⁷ Tua lai takin keimah in, Lai Siangtho sungah keimah ngaihsunin a kigelh mah bangin, ‘Na deihna bangin sem dingin hong pai ka hi hi, Pasian aw,’ a ci hi.

Tedim Bible Revision 2017

⁷ Tua ahih manin, ‘Thukham laibu sungah keima thu a kigelh bang teekteek mahin keima hih ding nong deih bang teekteek mah ahih dingin ka hong pai hi, Pasian aw,’ ka ci hi,” a ci hi.

Hebru 10:7 Iomraidhean Croise

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Ezra 6:2

Ahi zongin Babilon khua sungah na om lo a, Media gam sung kumpi khuapi Ekbatana-ah laizial khat kimu a, tua sungah hih anuai-a bangin a kiciamteh kimu hi:

Paunak 8:31

leitungah ka lungdam a, mihingte lakah nuam ka sa hi.

Isaiah 50:5

Topa Pasian in ka bil hong honsak a, amah ka lehdo kei a, ka nungngat kei hi.

Jeremiah 36:2

“Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

Ezekiel 2:9

Tua ciangin kei lamah khut khat hong kizan a, tua khut in laizial tawn khat a tawi ka mu hi.

Ezekiel 3:1

Tua ciangin amah in kei kiangah, “Ezekiel aw, nang tungah ka hong piak hih laizial ne in. Tua ciangin va pai in la, Israel mite kiangah thu va gen in,” hong ci hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

Johan 6:38

Bang hang hiam na cih uh leh, keima deih bangin gamta dingin vantung pan hong kumsuk ka hi kei hi; kei hong sawlpa’ deihna bang gamta dingin hong kumsuk ka hi hi.