Hebru 10:37 - Tedim Bible

³⁷ “Bang hang hiam na cih uh leh, A hong pai dingpa in khawl loin, Tawlno khat khit ciangin a hong tung ding hi.

Tedim Bible Revision 2017

³⁷ Bang hang hiam cih leh Lai Siangtho sungah, “A sawt loin, a hong pai ding pa hong tung dinga, hong zekai nawn lo ding hi.

Hebru 10:37 Iomraidhean Croise

Isaiah 26:20

Ka mite aw, hong pai-in na inn sung uhah tum un la, na kongte uh khak un; hehna a dam matengin tawlkhat sung bu un.

Isaiah 60:22

A ngek pen mipa in minam khat suak ding a, a neu pente in minam lianpi suak ding hi; keimah in Topa ka hi hi; a hun ciangin keimah in thakhatin hih thu ka tungsak ding hi.

Mattiu 11:3

“Nangmah in a hong pai dingpa taktak na hi hiam? Ahih kei leh, midang khat ka lamen lai ding uh hiam?” ci-in a dong sak hi.

Luka 18:8

Ke’n kong cih-inah, amaute ading thu a khensak mengmeng ding hi. Ahih hangin Mihing Tapa hong kum ciangin leitungah upna a mu ding hiam?” a ci hi.

Filippi 4:5

Mi khempeuh mai-ah na lungsim nemna uh na lak un. Topa hong tun’na a nai zo hi.

Hebru 10:25

Mi kimkhatte’ ngeina bangin khat leh khat kikhopna thu pelh loin, khat leh khat kihansuah ni. A Ni hong nai zo ahih thu na thei uh ahih ciangin na hahkat zaw un.

2 PETER NIHNA 3:8

Ahih hangin ka itte aw, Pasian ading ni khat in kum tul khat bang ahi zongin, kum tul khat in ni khat bang ahi zongin, hih thu khat na mangngilh kei un.

2 PETER NIHNA 3:9

Mi kim khat in zekai-a a ciamteh theih uh bangin Pasian in a thuciamna-ah a zekai kei hi. Kuamah kisia loin, mi khempeuhte in kisikkikna a ngah nadingun deihin, amah in note hong thuak hi.

Mangmuhna 22:20

Hih thute teci a pang Topa in, “A man takin a manlangin ka hong pai ding hi,” ci-in thu hong pia hi. Amen. Topa Zeisu aw, hong pai ta in!