Hebru 10:36 - Tedim Bible

³⁶ Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

Tedim Bible Revision 2017

³⁶ Pasianʼ deihna bangin gamta-in, ama thuciam na ngah theih nadingun lungduai-in thuak zawhna na kisam uh hi.

Hebru 10:36 Iomraidhean Croise

Late 37:7

Topa mai-ah khawl dide in la, lungduai-in ngak in; a hihna a daupai-pa tung leh siatna a bawlpa tungah nangmah kilungso tawmsak kei in!

Late 40:1

Topa lamenin ka ngak ngiungeu a, amah keima lam hong nga-in ka kikona aw hong za hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 12:50

Bang hang hiam na cih uh leh, vantungah a om ka Pa’ deihna bangin a gamtate in, ka sanggampa, ka sanggamnu, ka nu ahi uh hi,” a ci hi.

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Mattiu 24:13

A bei dongin a kipte in gupna a ngah ding uh hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Marka 3:35

Bang hang hiam na cih uh leh, vantung khua-ah a om ka Pa’ deihna bang a gamtate in ka sanggampa, ka sanggamnu, ka nute ahi uh hi,” a ci hi.

Luka 21:19

Lung kipna tawh nuntakna na ngah ding uh hi.”

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Sawltak 13:22

Tua pa a khinkhiat khit ciangin David kumpipa a koih hi. ‘Ka deih bangin a sem ding, ka lungsim tawh kituak mi, Jessi’ tapa David ka mu zo hi,’ ci-in amah ading teci a pang hi.

Sawltak 13:36

David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

ROM (Romans) 12:12

Lawpin lungdam un. Gimna hong tun’ ciangin thuak un. Thungen tawntung un.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

ROM (Romans) 8:25

I muh loh nate i lamet leh, tuate lungnemna tawh ngakin i om hi.

1 KORIN MASA 13:7

na khempeuh a thuak thei hi, na khempeuh a um thei hi, na khempeuh a thuak keeikaai hi.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

Efesa 6:6

Mite lungnemsak mi bangin amaute mai bekah mang hi loin, Khazih’ sila bangin lungkimin Pasian’ deihna bangin mite’ nasem bang bek hi loin, Topa’ nasem bangin itna lungsim tawh na sem un.

Kolose 1:11

thahatna tawh dimin ahi zongin Topa tawh a kilawmin gamta-in, na khempeuh ah a hong theihsak nadingin Pasian tawh kipawl theihna leh pilna apawlpawl tawh, ama deihna khempeuh na tel nadingun thu ka ngen uh hi.

Kolose 3:24

Bang hang hiam na cih uh leh, Topa Khazih’ nasem na hih uh ciangin luahna ahi thaman tua Topa’ khut tung pan na ngah ding uh hi ci-in na thei un.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Hebru 11:39

Tua mite khempeuh in upna tawh teci pan’na a ngah uh hangin kamciamna thu a ngah kei uh hi.

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Hebru 6:15

Tua mah bangin Abraham in thuakin a ngak khit ciangin a thuciamna bangin a ngah hi.

Hebru 6:17

Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

Hebru 9:15

Tua ahih ciangin thuciamna masa hun lai takin mawhna a tatkhiat nadingin, sihna thuakna om zo ahih ciangin a sap mite in a luah tawntungna tawh kipawl thuciamna ngah nading, tua Topa in thuciamna thak khamna a suak hi.

1 JOHAN MASA 2:17

Leitung leh leitung deihgawhnate in a mangthang ding ahi uh hi. Pasian’ deihna bang a gamta mi ahih leh, a kip tawntung ding hi.

Mangmuhna 13:10

A kiman dingte a kiman ding hi. Mi khatpeuh in namsau tawh midang a thah leh, tua in zong namsau tawh thahna a thuak ding hi. Hih thu-ah misiangthote’ thuakna leh upna a om hi.

Mangmuhna 14:12

Hih na-ah Pasian’ thukhamte leh Zeisu upna a zui misiangthote thuakna a om hi.