Hebru 10:28 - Tedim Bible

²⁸ Moses’ Thukham a nial mi in teci nih bang, thum bang a om leh, hehpihna ngah loin a si hi.

Tedim Bible Revision 2017

²⁸ Moses Thukham a zui lote pen mi nih le thum in mawh mah hi, ci-in teci a pan khit nakleh kihehpih het loin sihna kithuaksak hi.

Hebru 10:28 Iomraidhean Croise

2 SAMUEL NIHNA 12:13

David in Nathan kiangah, “Topa tungah ka khial khin hi,” a ci hi. Tua ciangin Nathan in David kiangah, “Topa in zong na khialhna koihkhia zo hi; nang na si kei ding hi.

2 SAMUEL NIHNA 12:9

Ama muhna-ah a sia gamta dingin bang hangin Topa’ thu simmawh na hi hiam? Nangmah in Hit mi Uriah namsau tawh vatin, ama’ zi nangma zi dingin na la a, Ammon mite namsau tawh amah na that khin hi.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Jeremiah 13:14

Pate leh tate-a kipan amaute khat leh khat ka kiphusak ding a, Topa in kong cih-inah, hehpih lo, dawm lo, it loin ka siasak ding hi, a ci hi,’ va ci in.”

Gamlak-vakna 15:36

Mi honte khempeuh in giahphual pua-ah amah paipih uh a, Topa in Moses a thupiak bangin suang tawh amah deng lum uh hi.

Mattiu 18:16

Nangma thu hong man’ nop kei leh, teci nih bang thum bang kampauna tawh thu khempeuh a kip theih nadingin, midang nih bang thum bang samin paipih in.

Johan 8:17

Ahi hi; teci nih a om leh, thu aman hi ci-in note Thukhamna lai sungah kigelh hi.

ROM (Romans) 9:15

“Keimah in ka hehpih nopte ka hehpih ding hi. Ka gup nopte ka gum ding hi,” ci-in Moses kiangah thu a pia hi.

2 KORIN NIHNA 13:1

Hih in note kiangah kong pai ding a thum veina ahi hi. Teci nih bang thum bang kam hangin thu khempeuh a kip ding hi.

Thu-hilhkikna 19:13

Note na nopsak theih nadingun amah hehpih loin, Israelte sung panin mi thatpa na beisak ding uh hi.

Thu-hilhkikna 19:15

“Mi khat in a hih khak mawhna lian ahi a, khialhna khatpeuh peuh a gamtatna ah ahi zongin tua mipa’ langah teci khat guak kicing lo ding hi; teci nih ahih kei leh teci thum bang thugenna tawh mawhsakna kikipsak bek ding hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 2:2

Bang hang hiam na cih uh leh, vantungmite tungah thu hong piakna kipin om a, zuih khialhna leh thungaih lohna apawl apawlte in thuak ding a kilawm thukhenna thuak uh ahih leh, a kipat cil a, Topa in hilhin, kam a za mite in a hong kipsak uh a lian mahmah gupna thudon loin om lehang, mawhna daan tawh bang ci kipelh ding i hi hiam?

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.