Hebru 10:27 - Tedim Bible

²⁷ daantatna thuak ding cih kihtakhuai a piang ding thu leh thu nial mite a siasak ding hehna meikuang bek a om lai hi.

Tedim Bible Revision 2017

²⁷ a kihtakhuai thukhenna le Pasianʼ thu a nial mite a kaang tum ding meikuangpi bek om lai hi.

Hebru 10:27 Iomraidhean Croise

Late 21:9

Na kilat ciangin meiphual kuang bangin amaute na bawl ding hi. Topa in hehna tawh amaute nawmvalh ding a, mei in amaute kangtum ding hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Ezekiel 36:5

Topa Pasian ahi keimah in a kimkot-a om minam dangte, leh a diak diakin Edom mite tungah ka heh luatna tawh thu ka gen hi. Amaute in lungdamin nuihna leh simmawhna tawh keima leitang la-in tang uh hi.

Ezekiel 38:19

Tua ni ciangin ka heh luatna tawh Israel gamah nakpi takin ziin’ liing hen, ka ci ding hi.

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Hosea 10:8

Israelte in milim bia-in mawhna a bawlna munte kisusia ding a, a biakna taute uh tungah ling leh kiak po ding hi. Tua ciangin mite in mual liante kiangah, “Hong vuk cip un,” ci ding uh a, mual neute kiangah, “Hong deng cip un,” ci ding uh hi.

Joel 2:30

“Tua ciangin vantung leh leitungah hilhkholhna lim ahi, sisan kiluan’ sakna, meikatna, leh meikhu lompi hong om ding hi.

Nahum 1:2

Topa Pasian in amah a demte koihkhong lo a, amah a langpangte daantatin, a galte thukkik hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte leh kumpi gamte kaikhawmin, ka hehna ka thuaksak ding, ka lungsim ka khentat khin hi. Ka heh luatna meikuang tawh, leitung khempeuh kangtum ding hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Gamlak-vakna 16:35

Topa kiang panin mei hong paikhia a, paknamtui a pia mi zanih leh sawmngate kangtum hi.

Mattiu 13:42

meiphual sungah a khul ding uh hi. Kahna leh ha gawina a om ding hi.

Mattiu 13:50

Kahna leh ha gawina a om ding hi,” a ci hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 3:10

Tu-in zong sing phungah hei a om hi. A gah hoihte a gah lo kung khempeuh phuk paii-in mei sungah kikhul ding hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Luka 16:24

‘Pa Abraham aw, kei hong hehpih in, Lazaras in a khutme dawn tui ah diah hen la, ka lei hong votsak nadingin ka kiangah hong sawl in. Bang hang hiam na cih leh, hih meikuang sungah gimna nakpi ka thuak hi,’ ci-in a kiko hi.

Luka 19:27

Tua tham loin kei uk ding a ut lo ka galte hong paipih un la, keima mai-ah na that un,’ ci-in thu a pia hi,” a ci hi.

Luka 21:26

Leitungah a tung ding gimna teng mite in a lamen ding uh a, kihta-in a sibup ding uh hi. Bang hang hiam na cih uh leh, vanah a om vangliatnate a kiliing ding uh hi.

Luka 23:30

Tua lai takin mite in, ‘Komau tungah hong kia un. Komau hong vuk un,’ ci-in mualte a sam ding uh hi.

Johan 5:29

A pha-a gamtate in nuntakna ngah dingin hong thokik ding uh a; a sia-a gamtate in thukhenna thuak dingin hong thokik ding uh hi.”

Thu-hilhkikna 32:43

Minamte aw Topa’ mite tawh lungdam khawm un! bang hang hiam cih leh amah in a nasemte’ phu la a, a langte thukin, ama mite’ gam adingin kilemna bawl hi,” a ci hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 12:29

Bang hang hiam na cih leh, i Pasian in a kangtum thei mei ahi hi.

Hebru 9:27

Mite in khatvei bek si-in tua nung ciangin thukhenna a thuak uh hi;

Jeim 5:3

Na kham na ngunte uh zong a keekseu khin hi. Tuate keekseuna in note lang khatah teci hi a, mei bangin note’ sa hong ne ding uh hi. Note in a nunung bel ni hi napi-in sum na khol uh hi.

Mangmuhna 20:15

Nuntakna laibu sungah a min om lo mi peuhmah tua mei li sungah a khiasuk hi.

1 SAMUEL MASA 2:25

Mi khat in mi dang khat tungah a khialh leh ama adingin Pasian in pa-lai sem ding hi; ahih hangin mi khat Topa tungah khial leh ama adingin kua in va thuumsak ding ahi hiam?” a ci hi. Ahih hangin amaute in a pa’ thu ngai lo uh hi; bang hang hiam cih leh tua in amaute a thah nadingin Topa deihna ahi hi.