Hebru 10:25 - Tedim Bible

²⁵ Mi kimkhatte’ ngeina bangin khat leh khat kikhopna thu pelh loin, khat leh khat kihansuah ni. A Ni hong nai zo ahih thu na thei uh ahih ciangin na hahkat zaw un.

Tedim Bible Revision 2017

²⁵ Mi pawl khatte in kikhop a pelh bang hi loin, eite in kikhop khawmnate pelh loin om ni. Topaʼ hong pai ding Ni hong naina thu thei ihih manin khatlekhat kihanthawn semsem zaw ni.

Hebru 10:25 Iomraidhean Croise

Mattiu 10:15

Ke’n aman takpi kong cih-inah, thukhen ni ciangin tua khua in, Sodom leh Gomorrah khuate sangin a thuakzaw ding hi.”

Mattiu 18:20

Bang hang hiam na cih uh leh, nih bang thum bang ka min tawh a kikhop uh ciangin, amau laizangah ka om hi,” ci-in Zeisu in a gen hi.

Johan 12:48

Kei hong nolh a, ka thu a ngai lo mi in thukhen ding mi khat a nei hi. Ka hilhna thu in ni tawp Ni ciangin tua mi tungah thu a khen ding hi.

Sawltak 16:16

Tua nung ciangin thungetna mun lam ka pai lai takun aisanin ama tote ading summeet ngah thei, dawi-lut sila nungak khat in kote hong dawn hi.

Sawltak 2:1

Pentekost pawikham ni a tun’ ciangin amaute khempeuh mun khatah a omkhawm uh hi.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

Sawltak 20:7

Ni sagih sung pan ni masa bel ni-in khomun balnen dingin ka kikhop lai takun, Paul in zingsang cianga pai sawm ahih manin amaute tawh kihopih a, zankim dongin thu a hilh hi.

ROM (Romans) 12:8

Hansuah mi in mi hansuah na sem ta hen. Hehpihna a pia mi in lungkimin pia ta hen. A uk mi in hahkatin uk ta hen. Midang a hehpih mi in hehpihna lungsim tawh pia ta hen.

1 KORIN MASA 11:20

Note na kikhop uh ciangin na nek pen uh Topa’ Nitak-an ahi kei hi.

1 KORIN MASA 14:23

Tua ahih ciangin pawlpi khempeuh kikhawmin, pautuam dang tawh na kihilh lai takun a um lote ahi zongin, a siam lote ahi zongin hong tum leh, “Note mihai na hi uh,” hong ci ding uh hilo ahi hiam?

1 KORIN MASA 14:3

Ahi zongin kamsang mi in kipsakna thu, hansuahna thu, nopsakna thute mite kiangah a hilh hi.

1 KORIN MASA 3:13

mi khempeuh ahihna hong kilang khia ding hi. Bang hong ci kilang ding ahi hiam na cih uh leh, tua Ni-in mei tawh kilangsak ding hi. Mikhempeuh’ nasepna in bang ci nasepna ahi hiam ci-in mei-in a kize-et ding hi.

1 KORIN MASA 5:4

Ka thukhenna in i Topa Zeisu’ min tawh note in keima kha tawh na kikhop uh ciangin, i Topa Zeisu’ vangliatna suangin,

Filippi 4:5

Mi khempeuh mai-ah na lungsim nemna uh na lak un. Topa hong tun’na a nai zo hi.

1 THESALONIKA MASA 4:18

Tua ahih ciangin hih thute tawh note khat leh khat na kihehnem un.

1 THESALONIKA MASA 5:11

Tua ahih ciangin note in na hihsa uh bangin, khat leh khat kihansuah un la, khat leh khat kikipsak un.

Hebru 10:24

Tua tham loin, itna lungsim neih nading ahi zongin, a pha-a gamtat nadingin kihansuah nading ahi zongin, khat leh khat kidomto ni.

Hebru 10:37

“Bang hang hiam na cih uh leh, A hong pai dingpa in khawl loin, Tawlno khat khit ciangin a hong tung ding hi.

Hebru 13:22

Ute naute aw, keimah in a tomin gelhin hong zasak ka hih ciangin hansuahna kam na thuak siam un ci-in keimah in note kong thuum hi.

Hebru 3:13

Mawh kheemna hangin note lakah a lung khauh mi a om khak loh nadingin, “Tu ni,” a kicih lai takin nisimin khat leh khat kihansuah un.

Jeim 5:8

Tua mah bangin note in zong thuakin ngak un. Na lungsim uh na kipsak un. Bang hang hiam na cih uh leh, Topa hong pai ding a nai zo hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

2 PETER NIHNA 3:11

Hih na khempeuh tua bangin mangthang ding ahih ciangin, vantungte in mei hangin kisia-in, vanah a om nate in sa lua-in a tuisuak ding hun Pasian’ Ni hong tung ding ci-in note in lamenin lawpin, gamtatna siangtho gamta-in, Pasian biakna-ah nopsakna tawh na om ding uh kilawm hilo ahi hiam?

2 PETER NIHNA 3:14

Tua ahih ciangin ka itte aw, note in hih nate lamenin na om uh ahih ciangin, ama mai-ah mawhsakna om lo, ninna tawh kinuh loin nuam takin na om nadingun na hahkat un.

2 PETER NIHNA 3:9

Mi kim khat in zekai-a a ciamteh theih uh bangin Pasian in a thuciamna-ah a zekai kei hi. Kuamah kisia loin, mi khempeuhte in kisikkikna a ngah nadingun deihin, amah in note hong thuak hi.

Juda 1:19

Tua mite in Kha Siangtho nei lo uh a, pawlpi kikhenna a bawl thei mi, pumpi deihna bek a zui thei mite ahi uh hi.