Hebru 10:23 - Tedim Bible

²³ Lametna thu tawh kipawl i man’nate sawisak loin lenkip ni. Bang hang hiam na cih uh leh, thuciamna a koihpa in thuman mi ahi hi.

Tedim Bible Revision 2017

²³ Pasian in piak dingin a hong ciam thu muang ngam ihih manin i lametna thu kip takin len ni.

Hebru 10:23 Iomraidhean Croise

Late 26:1

Topa aw, a hoih-in gamta-in, lungka loin Topa muang ka hih manin, ka thutan’na hong lak in.

Kah la 3:23

zingsang nisuak bangin thak tawntunga, ni a hong suah pelmawh mah bang ahi hi.

1 KORIN MASA 1:9

I Topa ahi ama Tapa Zeisu Khazih tawh kipawlna sungah hong sam Pasian in ciam pelh mi ahi kei hi.

1 KORIN MASA 10:13

Mi in a thuak theih loh ze-etna khat beek na thuak kei uh hi. Pasian in thumanna lungsim tawh kidim ahih ciangin na thuak zawh loh uh ze-etna hong tun’ nadingin thu a pia kei ding hi. Note in na thuak ding uh ze-etna a hong tun’sak ciangin na thuak zawh nadingun suahtak nading lampi zong hong bawlsak ding hi.

2 KORIN NIHNA 9:13

Note in Khazih’ Lungdamna Thu deihna-ah a kilanga na zuih uh ahi zongin, tua misiangthote-a kipan mi khempeuh hehpihna lungsim tawh hawmin na piakna uh ahi zongin, amau in a ngaihsut uh ciangin tua kivakna lim teci paulamin Pasian’ hehpihna a phat thei uh hi.

1 THESALONIKA MASA 5:24

Note a hong sampa in thuman tawh dim ahih ciangin, tua bangin a hong bawl ding hi.

2 THESALONIKA NIHNA 3:3

Ahih hangin Topa in midik hi a, note hong kipsakin thu hoih lote tawh hong kipelhsak ding hi.

Hebru 11:11

Sarah in a teek khit ciangin ta gai theihna thu vangliatna, upna tawh a ngah hi. Bang hang hiam na cih uh leh, thu a ciampa in thumanpa ahi ci-in a um hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Jeim 1:6

Ahih hangin um khial loin upna tawh ngen ta hen. Bang hang hiam na cih uh leh, upkhialhna a nei mi in huih nunga kilok thei tui kilok tawh kibang hi.

Mangmuhna 3:11

A manlangin ka hong pai ding hi. Na kumpilukhu kuamah in a lakkhiat loh nadingin, na neihsa na a kip takin len in.