Hebru 10:22 - Tedim Bible

²² eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Tedim Bible Revision 2017

²² Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

Hebru 10:22 Iomraidhean Croise

1 KUMPI MASATE 15:3

Ama mai-a a pa’ khialhna khempeuh amah in zui hi; a pu sawn David a thuman bangin Topa a Pasian tungah a lungsim thuman bup lo hi.

1 KHANG TANGTHU MASATE 12:33

Zebulun sung panin David huh dingin lungsim a kikhat, hun khempeuh ah gal a kap thei galdo nadingin galhiam khempeuh a nei mihing tul sawmnga ahi hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

1 KHANG TANGTHU MASATE 29:17

Nangmah in lungsim entelin thumanna ah na lungkimna ka thei hi, ka Pasian aw; lungsim thumanna tawh hih nate khempeuh citna tawh kong pia khin a, tu-in nang tungah citna leh lungdamna tawh a hong pia, hih lai-ah a om na mite ka mu zo hi.

Late 111:1

Topa phat un, lungsim thutangte a omna, mihon kikhopna sungah ka lungsim khempeuh tawh Topa tungah lungdamna ka ko ding hi.

Late 119:10

Ka lungsim khempeuh tawh nang kong zong hi; na thupiaknate panin kei hong pialsak kei in!

Late 119:145

Ka lungsim khempeuh tawh kong kiko hi; hong dawng in, Topa! Na ngeina kipte ka zui ding hi.

Late 119:2

Ama thuhilhnate zui a, amau lungsim khempeuh tawh amah zongin, khialhna zong bawl lo a, ama lampi a zuite in thupha ngah ahi hi!

Late 119:34

Nangma thute kemin ka lungsim khempeuh tawh ka zuih theih nadingin thu theihtelna kei hong pia in.

Late 119:58

Ka lungsim khempeuh tawh na maipha kong ngen hi; na thuciamna bangin kei hong hehpih in.

Late 119:69

Mi kiphasakte in kei’ langah zuauthu vive gengen uh a, ahih hangin ka lungsim khempeuh tawh na thuhilhte ka zui hi;

Late 119:7

Nangma biakna ngeina kipte ka sin khit ciangin lungsim thutang tawh nangmah kong phat ding hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in!

Late 32:11

Thumante aw, Topa sungah lungdamin kipak un, lungsim man mi khempeuh aw, lungdamin awng un!

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Late 73:28

Ahih hangin kei adingin Pasian kianga om ding hoih hi; na nasepnate khempeuh ka gen theih nadingin Topa ka Pasian kong bel hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Late 9:1

Ka lungsim khempeuh tawh Topa tungah lungdamna kong pia ding hi; na bawlna a lamdangte khempeuh ka gen ding hi.

Late 94:15

bang hang hiam cih leh thutang pen thumante tungah hong tungkik ding a, lungsim thutang khempeuh in amah zui ding uh hi.

Paikhiatna 29:4

Aaron leh a tapate kikhopna buk kongkhak-ah na paipih ding a, amaute tui tawh na sil ding hi.

Paunak 23:26

Ka ta aw, na lungtang kei hong pia in la, ka gamtatnate na mit-in en gige in.

Isaiah 29:13

Tua ciangin Topa in: “Amaute’ lungsim kei tawh kigamla napi-in hih mite in a kam uh tawh kei kiangah hong nai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi;

Isaiah 52:15

tua ahih ciangin amah in minam tampite dipkua sak ding a, ama hangin kumpite in a kam uh cih ding uh hi; bang hang hiam cih leh amaute tunga a kigen ngei lo nate mu ding uh a, amaute in a zak ngei loh uh nate theitel ding uh hi,” ci hi.

Jeremiah 24:7

Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

Jeremiah 3:10

Hih bang teng hi napi a sanggamnu, numei gina lo Judah, a lungsim khempeuh tawh hong kilehkik loin, a kilehkik hong kineih bek hi, Topa in kong ci hi,” hong ci hi.

Jeremiah 30:21

A kumpi ding uh amaute khat mah hi ding a, amaute a uk ding amau’ sung mah pan a piang ding hi. Keimah in amah ka kai ding a, amah kei kiangah hong pai ding hi. Tua hi kei leh, ama’ thu-a kei kiang hong zuan ngam ding kua om ahi hiam? Topa in kong ci hi.

Ezekiel 16:9

Kei zong tui la-in na tunga si baang teng kong sawpkhiatsak a, oliv thau tawh kong zut zol hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Siampi Laibu 14:7

amah in phak natna panin a kisiangsak dingpa tungah sagih vei theh ding hi; tua ciangin amah siang hi, ci-in gen ding a, a hing vasa pen gam lakah khah ding hi.

Siampi Laibu 16:4

Amah in a siangtho saihadial puantungsilh silhin, a pum tungah saihadial pheituam teengin, saihadial kawnggak tawh kigakin, saihadial dialpi khim ding hi; hihte in a siangtho puante ahi uh hi. Amah in tui sungah a pumpi sil ding a, tua ciangin tua puante silh ding hi.

Siampi Laibu 8:6

Moses in Aaron leh a tapate paipihin tui tawh amaute a sil hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Gamlak-vakna 8:7

Amaute sian’sak nadingin hih bangin na hih ding hi: sian’suahna tui amaute tungah theh in la, a pumpi khempeuh mulkiatna tawh amau mah kiat sak in la, a puante uh sawpin amau mah na kisiang tawm sak ding hi.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Luka 1:1

A lian mahmah Theofilas aw, a cil panin mittang in a muh teci leh Pasian thuhilh na a sem mite in hong gen uh mah bangin,

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Johan 8:9

Tua thu a zak uh ciangin, a teekpen pan a khangnopen dongin khat nungah khat a paikhia uh hi. Zeisu guak om a, numei zong a lai zangah a om hi.

Sawltak 22:16

Tu-in zong bang ngak na hi hiam? Tho in, kibaptaiz in la, Pasian kiangah thugenin, na mawhna na kisawpsiang ding hi,’ hong ci hi.

Sawltak 8:21

Nang in hih thu tawh na kikum na kituak kei hi. Bang hang hiam na cih leh, nangma lungsim in Pasian mai-ah a man kei hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Efesa 3:12

Tua Topa Zeisu sungah upna hangin eite lungkimin, lau lohna lungsim nei-in, Pasian kiangah tum theihna i ngah hi.

Efesa 5:26

Tua pawlpi in siangtho-in mawhsakna om lo ahih ciangin,

Efesa 6:5

Silate aw, Khazih thu na ngaih uh mah bangin launa tawh, kihta-in, liingin, lungka loin, ci-le-sa bangin na tote uh thu na mang un.

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

Titu 3:5

eite gamtatna pha hang hi loin ama hehpihna bangin nihvei suahna tawh kipawl sawp siangna tawh ahi zongin, Kha Siangtho’ hong bawlphat thakna tawh hong gum hi.

Hebru 10:1

Lam khat panin, Thukham in a nung cianga hong piang ding thuhoihte’ lim taktak hi loin, a liim bek hong lak ahih ciangin kum simin a kipia biaknate tawh a nai mite a kicingsak zo kei hi.

Hebru 10:19

Tua ahih ciangin ute naute aw, Zeisu’ pumpi ahi dalna puan tawh, tua Topa in eite ading a hon’ nuntakna lampi thakah eite in Mun Siangtho Bel sungah Zeisu’ sisan suangin i tum nading launa om lo a,

Hebru 11:28

Ta upate a sisakpa in Israel mite’ ta upate a sukgawp loh nadingin upna tawh Paisan Pawi ahi zongin, sisan tawh kithehna ahi zongin a bawl uh hi.

Hebru 4:16

Tua ahih ciangin eite in hehpihna leh a kilawm hunah hong huhna thupha ngah nadingin, lau lohna lungsim tawh hehpihna’ tokhom kiangah nai ni.

Hebru 6:11

Note khempeuh in thadahna nei loin, upna leh thuakna hangin thuciamna a luah ding mite bangin na gamtat zawh nadingun, a tawp dongin upkhialhna nei loin, lametna tawh na dim nadingun, na hahkat nadingun ka deih uh hi.

Hebru 7:19

Ahih hangin tua sang a phazaw lametna thu hong piangsak hi. Tua lametna tawh eite in Pasian i nai thei hi.

Hebru 9:10

neek ding dawn ding, silsiang nading apawl pawlte tawh, pumpi tawh kipawl ngeinate ahi uh a, a kibawl thak hun a tun’ dongin a kip bek uh hi.

Hebru 9:19

Bang hang hiam na cih uh leh, Thukham khempeuh Moses in mi khempeuh kiangah a hilh khit ciangin tui tawh kihel bawngno’ si, keel’ si, a san tuumul leh pumpeeng ngeekte la-in Lai Siangtho ahi zongin, mi khempeuh tungah ahi zongin a theh a,

Jeim 1:6

Ahih hangin um khial loin upna tawh ngen ta hen. Bang hang hiam na cih uh leh, upkhialhna a nei mi in huih nunga kilok thei tui kilok tawh kibang hi.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

1 PETER MASA 1:2

Pa Pasian’ theih kholh bangin a teelkhiat mite ahi, Pontas gam, Galati gam, Kappadokia gam, Asia gam, Bithunia gam leitung mun khempeuh ah kikhen thangin lal-a om mite kiangah ka hong zasak hi. Hehpihna thupha leh nopna in note tungah hong khang semsem ta hen.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.