Hebru 10:11 - Tedim Bible

¹¹ Siampi peuhmah in ni simin na semin, cikmah hunin mawhna a maisak zo lo piaknate pia kikkikin a ding uh hi.

Tedim Bible Revision 2017

¹¹ Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi.

Hebru 10:11 Iomraidhean Croise

Paikhiatna 29:36

kilem nadingin mawhna hanga biakna-in ni simin bawngtal khat na pia ding hi. Siangthosak dingin sathau na nilh ciang leh kilemna na bawl ciangin biakna tau adingin khialhna hanga biakna khat zong na pia ding hi.

Isaiah 1:11

Topa in hih bangin ci hi: “Note’ biak piakna a tampite pen kei’ tungah bang hi leltak ahi hiam? Tuutalte leh ganhing thaute’ sathau tawh meihal biaknate ka kham ta hi; bawng talte, tuunote, keltalte’ sisan-ah kei ka lungkim kei hi.

Ezekiel 45:4

Hih a kisehkhia mun sung teng pen biakna leitang siangtho hi ding a, Topa’ biakinn sungah na a sem siampite ading hi ding hi. Hih mun sung teng pen siampite’ inn lam nading mun leh biakinn lam nading mun siangtho hi ding hi.

Daniel 11:31

A galkapte pawl khat in biakinnpi leh biakinnpi huang a niinsak ding uh hi. Amaute in nisim biak piaknate khawlsak ding uh a, Lipkhaphuai na a suang ding uh hi.

Daniel 12:11

Amaute in nisim biak piakna a khawlsak leh a Lipkhaphuai na a hong pian’ ciang ni tulkhat leh zanih leh sawmkua a sawt ding hi.

Daniel 8:11

Amah in vantung galkap kumpipa nangawn do-in ama tunga kipia nisim biakna piaknate nangawn khawlsakin, biakinnpi biaknate a beisak hi.

Daniel 9:21

Tua ka nget lai takin, ka mangmuh masak sunga ka muh mipa Gabriel, ka omna munah a hong leengsuk hi. Tua hun in nitak lam biakna piakna hun laitak ahi hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

Micah 6:6

Vantung Pasian ahi Topa mai-ah bang va keng ding ka hi hiam? Amah biakna-in hal dingin kum khat a pha bawngno thaute paipih ding ka hi hiam?

Gamlak-vakna 28:24

Tua mah bangin mei tawh kihal an tawh biakna ahi, Topa tungah a gim namtui, ni sagih sung ni simin na pia ding uh hi; tua pen a kitatsat lo-a meihal biakna leh leenggahzu tawh a biaknate banah kipia ding hi.

Gamlak-vakna 28:3

Amaute tung a, hih in Topa tungah na piak ding uh mei tawh kihal biakna ahi hi; a sit bang lo kum khat a pha tuuno nih, tatsat loin biak piakna-in ni simin na pia ding uh hi.

Gamlak-vakna 29:6

a khasim meihal biakna leh an tawh a biakna, leh a kitatsat lo-a meihal biakna leh an tawh a biakna, leh tuate ading ngeina a om bangin a gim namtui, Topa tungah mei tawh kihal biakna ahi leenggahzu tawh a biaknate banah hi ding hi.

Hebru 10:1

Lam khat panin, Thukham in a nung cianga hong piang ding thuhoihte’ lim taktak hi loin, a liim bek hong lak ahih ciangin kum simin a kipia biaknate tawh a nai mite a kicingsak zo kei hi.

Hebru 10:4

Bang hang hiam na cih uh leh, bawngtal’ si leh keel’ si in mawhna paaikhia zo lo uh hi.

Hebru 5:1

Mi lakah a kiteelkhia siampi ukpa in mawhna taang ding biaknate leh piaknate mite ading a pia dingin Pasian tawh kipawl nate-ah a kikoih hi.

Hebru 7:27

Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

Hebru 8:2

Amah in mite lam hi lo, Pasian lam ahi buk taktak, a siangthona munah biakna na a sem mi ahi hi.

Hebru 8:4

Thukham bangin biakna pia ding mite a om uh ahih ciangin tua Topa leitungah a om leh, siampi ahi kei ding hi.