Hebru 10:10 - Tedim Bible

¹⁰ Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Tedim Bible Revision 2017

¹⁰ Pasianʼ deihna bangin Jesu Khris gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Hebru 10:10 Iomraidhean Croise

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Johan 17:19

Amaute zong thutak tawh a kisian’thosak nadingun, keimah ka kisiangthosak hi.”

Johan 19:34

Ahih hangin galkap khat in a pang teipi tawh sun a, si leh tui thakhatin a luangkhia hi.

Johan 6:51

Keimah in vantung pan hong kumsuk nuntakna khomun ka hi hi. Hih khomun a nete in a tawntungin a nungta ding hi. Ahi hi. Ka hong piak khomun in leitung mite’ nuntak nading ka piak ka sa ahi hi,” a ci hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Efesa 5:26

Tua pawlpi in siangtho-in mawhsakna om lo ahih ciangin,

Hebru 10:12

Tua Topa ahih leh, mawhna maisak nadingin biakna khat bek a piak khit-a kipan, Pasian’ ziat lamah a tawntungin tu-in,

Hebru 10:14

Bang hang hiam na cih uh leh, siangthona a ngah mite, khatvei biakna tawh kicin’ tawntungna a ngahsak hi.

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Hebru 10:5

Tua ahih ciangin Khazih in leitungah hong pai ciangin: “Pasian aw, gangawh biakna leh piakna na deih kei hi, keimah ading pumpi khat na bawlkhol zo hi.

Hebru 13:12

Tua mah bangin Zeisu in ama sisan tawh mite a siangthosak nadingin khuapi kongkhak pua lamah sihna a thuak hi.

Hebru 2:11

A siangthosak theipa leh siangthona a ngah mite in innkuan khat pan a piang uh hi. Tua ahih ciangin Zeisu in amaute, “Ute naute aw,” ci-in sap ding a maizumpih kei hi.

Hebru 2:14

Tua hi a, tua tate in a si a sa tawh kizom uh ahih ciangin Khazih in zong sihna a thuak ciangin, Dawimangpa ahi sihna a ukpa a suksiat nading ahi zongin, sihna kihta ahih manunah a nungta lai takun a tawntungin a kikhum bangin a omte a suahtak sak nadingin ahi zongin, tua tate bangin si-le-sa a la hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Hebru 7:27

Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

1 JOHAN MASA 5:6

Tui leh sisan tawh hong pai Topa in Zeisu Khazih ahi hi. Tui bek tawh hi loin, tui tawh ahi zongin, sisan tawh ahi zongin a hong pai hi.