Hebru 10:1 - Tedim Bible

¹ Lam khat panin, Thukham in a nung cianga hong piang ding thuhoihte’ lim taktak hi loin, a liim bek hong lak ahih ciangin kum simin a kipia biaknate tawh a nai mite a kicingsak zo kei hi.

Tedim Bible Revision 2017

¹ Jew Thukham pen mailam hunah a taktak a hong tung ding lim lah kholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suah zo ngei lo hi.

Hebru 10:1 Iomraidhean Croise

Siampi Laibu 9:16

Amah in meihal biakna paipihin ngeina kip omsa bangin pia hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

Kolose 2:17

Tua nate in a nung ciangin a hong piang ding lim hi a, pumpi ahih leh, Khazih ahi hi.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Hebru 7:11

Lam khat panin, Levi’ suan siampi pawlte tawh kizomin mite in Thukham a ngah uh ciangin tua mi pawlte hangin kicin’na a om leh, adang siampi in Aaron’ pawl bangin kisam loin Melkhizedek’ pawl hong pian’ nading thu bang hangin om lai ding ahi hiam?

Hebru 8:5

Moses in buk lam dingin a kisak ciangin, “Mual tungah nang kong lahsa lim bangin na khempeuh na bawl nading na ciamteh in, ci-in thupiakna a ngah bangin, tua siampite in vantung nate a lim leh liim tawh kipawl na a sem uh hi.

Hebru 9:11

Tu-in khut tawh kibawl lo, hih leitung tawh kipawl lo, a lianzaw, a kicing zaw bukah, a nung ciangin a suak ding phattuamnate siampi ahi Khazih in eite ading a tawntung tatkhiatna thupha hong ngahsak khit ciangin, keel’ si, bawng’ si tawh hi lo, amahmah sisan tawh Siangtho Bel Mun sungah khatvei a tum hi.

Hebru 9:23

Tua ahih ciangin vantungah a om nate limte in tuate tawh a siangthosak hi. Ahih hangin vantung nate ahih uh leh, a phazawte tawh a siangthosak hi.

Hebru 9:25

Tua tham loin, siampi ukpa in Siangthona Mun sungah ama aa ahi lo sisan tawh kum simin a tum bang hi loin, Khazih in a pum tawh tam veipi bia kikkik ahi kei hi.