Hebru 1:6 - Tedim Bible

⁶ Lam khat panin a Tapa upa leitungah a hong sawl ciangin: “Pasian’ vantungmi khempeuh in bokin Amah a bia uh hi,” ci-in a gen hi.

Tedim Bible Revision 2017

⁶ Tua banah, Pasian in leitungah a Tapa neihsun hong paisak ding ciangin, “Pasianʼ vantungmi khempeuh in amah bia ding uh hi,” na ci hi.

Hebru 1:6 Iomraidhean Croise

Late 97:7

Bangmah man lo milimte a kisak theihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Mattiu 24:14

Mi namkimte tungah teci a pan’ nadingin leitung khempeuhah Lungdamna Thu kihilh ding hi. Tua khit ciangin beina a piang ding hi.”

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

ROM (Romans) 8:29

Pasian’ Tapa in unau tampite lakah a upa bel a suah nadingin Pasian in nidang lai-a a theihkhol mite, a Tapa’ lim tawh kibang a suahsak nadingin, nidang lai-in a ciamteh khol hi.

Thu-hilhkikna 32:43

Minamte aw Topa’ mite tawh lungdam khawm un! bang hang hiam cih leh amah in a nasemte’ phu la a, a langte thukin, ama mite’ gam adingin kilemna bawl hi,” a ci hi.

Kolose 1:15

Tua Tapa in mittang a, kimu thei lo Pasian’ lim hi a, a om khempeuhte mai-ah zong ta Upa ahi hi.

Kolose 1:18

Amah in pawlpi ahi, pumpi’ lutang ahi hi. Na khempeuh ah amahmah a sangbel a suah nadingin a kipahtawi hi a, misite lakpan Ta upa a suak hi.

Hebru 1:5

Bang hang hiam na cih uh leh: “Nang in ka Tapa na hi hi, Tuni-in na Pa ka suak zo hi,” ci-in ahi zongin, “Keimah in ama Pa ka hi ding hi, Amah in zong ka Tapa ahi ding hi,” ci-in ahi zongin a kua vantungmi kiangah khatvei beek thupia ngei ahi hiam?

Hebru 10:5

Tua ahih ciangin Khazih in leitungah hong pai ciangin: “Pasian aw, gangawh biakna leh piakna na deih kei hi, keimah ading pumpi khat na bawlkhol zo hi.

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

1 JOHAN MASA 4:9

Eite in Tapa hangin i nuntak nadingin Pasian in ama Tapa khat bek leitungah hong sawlna ah Pasian’ itna eite sungah a kilang hi.