Hebru 1:3 - Tedim Bible

³ Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Tedim Bible Revision 2017

³ Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Hebru 1:3 Iomraidhean Croise

1 KHANG TANGTHU MASATE 29:11

Topa aw, liatna, leh vangliatna, leh minthan’na, leh gualzawhna, leh min liatna in nangma’ aa ahi hi; bang hang hiam cih leh vantung leh leitungah a om khempeuh in nangma’ aa ahi hi; Topa aw, kumpigam in nangma’ aa hi a, tuate khempeuh tungah nang a lutangin hong kisangsak hi.

JOB (Job) 37:22

Kham meel khuavak leilu lam pan hong taang a, Pasian’ minthan’na in zahtakna tawh hong kidimsak hi.

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

Late 75:3

Leitung leh a tunga teengte khempeuh a kilin’ ciangin, a khuampite a kipsakpa in keimah ka hi hi.

Thuhilh-sia 8:4

Kumpipa in aana neihna tawh gamta hi; ama gen bangin gamta in; kuamah in amah nial zo lo hi.

Siampi Laibu 15:15

siampipa in tuate, khat khialhna hanga biak nading leh adang khat meihal biak nadingin pia ding hi; a na tui a paikhia mipa adingin siampipa in Topa mai-ah kilemna bawlsak ding hi.

Micah 5:4

Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Mattiu 22:24

tua ni-in Zeisu kiangah va pai uh a, “Topa aw, mi khat in ta nei loin a sih leh, ama zi a nau in luah hen la, a u’ khang a man’ loh nadingin kizom ta hen,’ ci-in Moses in thu a pia hi.

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Johan 1:4

Ama sungah nuntakna a om hi. Tua nuntakna in leitung mite ading khuavak ahi hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Sawltak 7:56

“En un, van kihong a, Mihing’ Tapa in Pasian’ ziat lamah a ding ka mu hi,” a ci hi.

ROM (Romans) 1:16

Khazih’ Lungdamna Thu hangin ka maizum kei hi. Bang hang hiam na cih uh leh, tua thu in a masa-in Judah mite, a nung ciangin Grik mite akipan a um mi khempeuh in gupna a ngah nading Pasian’ vangliatna ahi hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Kolose 3:1

Tua ahih ciangin note in Khazih tawh thokik khawm na hih uh leh, Pasian’ ziat lamah a tu Khazih’ omna mun, tung lamah a om nate na zong un.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Hebru 1:13

Tua tham loin: “Na galte khempeuh na khe nuai-ah Ka koih matengin, Ka ziat lamah na tu in,” ci a, kua vantungmi khatvei beek thupia ngei ahi hiam?

Hebru 10:12

Tua Topa ahih leh, mawhna maisak nadingin biakna khat bek a piak khit-a kipan, Pasian’ ziat lamah a tawntungin tu-in,

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Hebru 7:27

Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

Hebru 9:16

Bang hang hiam na cih uh leh, sih khit ciang a, luah nading lai a kip leh, sih ciamna lai-at mi a sih phot kul ding hi.

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

2 PETER NIHNA 1:16

Kote in i Topa Zeisu Khazih’ vangliatna ahi zongin, a hong paikikna thu ahi zongin, note kiangah kong gen uh ciangin pilna tawh kibawl tangthu zui loin, a thupitna leh a liatna mu-in teci ka hi uh hi.

2 PETER NIHNA 1:17

Bang hang hiam na cih uh leh, “Hihpa in ka lung hong damsak ka it ka Tapa hi,” ci-in Vanglian Bel sung pan tua Topa tungah aw khat hong tun’ ciangin, Pa Pasian kiang pan minthan’na leh liatna a ngah hi.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

1 JOHAN MASA 3:5

Topa in mawhna a pua dingin a hong kilang na thei uh hi. Ama sungah mawhna khialhna a om thei kei hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Mangmuhna 4:11

“Kote’ Topa, kote’ Pasian aw, nang in na khempeuh na piangsak a, Nangma deihna hangin piangin a om uh ahih ciangin, tua minthan’na, pahtawina leh vangliatnate ngah dingin na kilawm hi.” ci-in a phat uh hi.