Hebru 1:14 - Tedim Bible

¹⁴ Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Tedim Bible Revision 2017

¹⁴ Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Hebru 1:14 Iomraidhean Croise

Piancilna 32:24

Jakob amah guak bek om lai hi; zingsang khuavak dong mi khat in amah lai hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

JOB (Job) 1:6

Nikhat ni-in Topa’ omna-ah vantungmite hong pai uh a, tuate lakah Satan zong hong pai hi.

Late 104:4

Huihte nangma kamtai dingin na bawl a, mei leh meikuangte nangma nasemte na hisak hi.

Late 34:7

Amah a zahtakte’ kim-ah Topa’ vantungmi in giahphual sat a, amaute honkhia hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.

Daniel 7:10

tua sung panin meikuang gunpi a hong luangkhia hi. Ama nasem ding mihing tulza om a, a mai-ah mihing tul zasawm a ding uh hi. Thukhen nading hun kipana laibute a kiphen hi.

Mattiu 1:20

Tua banga a lungngaih lai takin a mang sungah Pasian’ vantungmi khat kilang a, “David’ suan Josef aw, na lawmnu Mari na ten’pih dingin lunghimawh kei in. Ama gaina in Kha Siangtho in a gaisak hi.

Mattiu 13:41

Mihing Tapa in ama vantungmite sawl ding a, a khialte leh a puksakte khempeuh a Gam sung pan nilkhia-in,

Mattiu 18:10

“Note in hih naupangte khatpeuh mah na simmawh loh nadingun na kikeem un.

Mattiu 2:13

Tua mite a pai khit uh ciangin Pasian’ vantungmi khat in Josef’ mang sungah kilang a, “Tho in, naupangno leh a nu sam in la, Izipt gamah taipih in. Ka hong hilh kik matengin tua gamah va om in. Herod kumpipa in naupang that nuamin a zong ding hi,” a ci hi.

Mattiu 24:31

Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Mattiu 4:11

Tua khit ciangin, dawimangpa in Topa kiang pan paikhia a, vantungmite hong pai-in an a vaak uh hi.

Marka 10:17

Lampi-ah a pai lai takin mi khat Zeisu kiangah va tai a, khukdin’in, “Sia pha aw, nuntak tawntungna ka luah nadingin bang ka gamta ding hiam?” ci-in a dong hi.

Luka 1:19

vantungmi in, “Keimah in Pasian kiangah a ding Gabriel ka hi hi. Nangmah hopih a, hih lungdamna thu hong zasak dingin hong sawl hi.

Luka 1:23

Siampi nasepna a bei ciangin Zekhariah innah a ciah hi.

Luka 16:22

Tua nung ciangin mizawngpa si a, vantungmite in Abraham’ ang ah a pua uh hi.

Luka 2:13

Tua khit ciangin vantungmi tawh vantung galkap tampite in thakhatin hong kikhawm uh a,

Luka 2:9

Topa’ vantungmi khat in amaute kiangah ding a, a kiimkot ah Pasian’ vang tang a, amaute in a kihta mahmah uh hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 12:23

Amah in Pasian’ min phat lo ahih ciangin Pasian’ vantungmi khat in thakhatin amah sat a, thante in a ne uh a, a si hi.

Sawltak 12:7

Pasian’ vantungmi khat in ama kiangah ding a, thong inn sungah khuavak a tang hi. Vantungmi in Piter’ pang beeng a, phongin, “Tho mengmeng in,” a cih ciangin sikkhaute a khut tung pan a kitolkhia hi.

Sawltak 13:2

Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Sawltak 16:26

thakhatin zin nakpi liing a, thong innbul zong liing a, kongkhak khempeuh kihong a, mi khempeuh kisutkhia uh hi.

Sawltak 27:23

Bang hang hiam na cih uh leh, hong uk leh kei in a na ka sepsak Pasian’ vantungmi khat in tuzanin ka kiangah ding a,

Sawltak 5:19

Ahih hangin zan lai takin Topa’ vantungmi khat in thonginn kongkhak a hon’ khit ciangin amaute lakhia a,

ROM (Romans) 11:14

ka ci ka sa pawlte lung sungah een’na piang sakin lam khatpeuh mah tawh, kimkhat ka gup zawh khak nadingin, ka za ka phat hi.

ROM (Romans) 13:6

Tua thu hangin phiangsiah na pia uh hi. Bang hang hiam na cih uh leh, amaute in Pasian’ sawltak ahi uh ciangin, tua nasepna a tawntung a sem uh hi.

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

ROM (Romans) 15:27

Ahi hi, lungsim takpi a nei uh ka cih hangin amaute in tuate tungah leiba nei-in a kingaihsun uh hi. Bang hang hiam na cih uh leh, Gentailte in Kha Siangtho piak thuphate Judah mite tawh a ngah khawm uh ahih leh, leitung sum pia-in amau zong Judah mite a vaak ding uh a kilawm hi.

ROM (Romans) 8:17

Tate i hih leh, gamhluahte i hi hi. Khazih tawh kibangin vangliatna ngah nadingin amah tawh gimna thuak khawm leng, amah tawh gamluah khawm ding i hi hi.

1 KORIN MASA 1:21

Bang hang hiam na cih uh leh, Pasian’ vaihawm bangin leitung mite in amau lungpilna hangah Pasian thei lo uh ahih ciangin, Pasian in a umte thuhilhna hai tawh a gup nading lungsim a nei hi.

2 KORIN NIHNA 9:12

Bang hang hiam na cih uh leh, hih nasepna in Pasian’ mite lak-a, mizawngte zawn’na a huh tham loin, Pasian’ hehpihna phat nadingin na tampi tawh a dim hi.

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

Galati 3:7

Tua ahih ciangin upna a nei mite in Abraham’ suante taktak ahi uh na thei un.

Galati 3:9

Tua ahih ciangin thu-upna a nei mite in a um Abraham tawh thupha a ngah khawm uh hi.

Efesa 3:6

Tua thuthuk in: Gentailte in Lungdamna Thu hangin Judah mite tawh a luah khawm mi, pumpi khat’nate suak khawmin Khazih Zeisu tawh kipawl thuciamna a zomkhawm mi a suak uh hi.

Filippi 2:17

Tua tham loin, na piak uh biakna, note upna biakna tungah ka pumpi ka piakhia zongin, ka nuam hi; note khempeuh tawh ka lungdam khawm hi.

Filippi 2:25

Ahih hangin nasepna leh galdona ah keimah hong vaak, hong khoi mi ahi, note sawltak ahi, ka naupa Epafroditas, note kiangah tu-in ka hong sawl ding kilawm ka sa hi.

Titu 3:7

Pasian’ hehpihna thupha hangin diktan’sakna i ngah khit ciangin nuntak tawntungna lametna bangin a luah mite i hih nading ahi hi.

Hebru 10:11

Siampi peuhmah in ni simin na semin, cikmah hunin mawhna a maisak zo lo piaknate pia kikkikin a ding uh hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Hebru 6:17

Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

Hebru 8:6

Tu-in ahih leh, Zeisu in a phazaw thuciamnate tungah kip-a a kikoih a phazaw thuciam kikhapna ahih mah bangin, tua sang a lianzaw biakna nasepna za a ngah hi.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

1 PETER MASA 3:7

Tua mah bangin pasalte aw, na thungetna uh nialna a om loh nadingin, nuntakna thupha hehpihna tawh kizomin a luahkhawm mite bangin, lungpilna leh thukhualna nei-in, na zite uh tawh omkhawmin, a hat lo zaw a panpih bangin kingaihsunin, na zite uh dawmin na hehpih un.

Juda 1:14

Adam pan akipan khang sagihna mi Enok in kamsangpa thu a gen-inah, “Topa in mi khempeuh thukhenin,

Mangmuhna 5:6

Tua khit ciangin tokhom laizang, ganhingte laizang, upate laizangah leitung khempeuh ah a kisawl Pasian’ Kha Siangtho sagih ahi, ki sagih tawh, mittang sagih a nei, a kithatsa tawh kibang Tuuno ding-in a om ka mu hi.