Hebru 1:1 - Tedim Bible

^1-2 Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Tedim Bible Revision 2017

¹ A beisa hunah Pasian in kamsangte zangin i pupite tungah a lam tuamtuam tawh a khenkhenin thu na gen ngei zo hi.

Hebru 1:1 Iomraidhean Croise

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Piancilna 6:3

Tua ciangin Topa in, “Ka Kha inmi tawh buai paisuak lo ding hi, bang hang hiam cih leh mihing pumpi in a si thei ci-le-sa hi a, a khan’ in kum za leh kum sawmnih hi ding hi,” ci hi.

Joel 2:28

“Tua khit ciangin mi khempeuh tungah ka Kha ka bua ding a, na tanute uh leh na tapate un kamsang ding uh a, na puteekte un mang manin, na tangvalte un maang mu ding uh hi.

Luka 1:55

Hehpihna thupha a tawntungin a ngaihsut theih nadingin, Ama sila Israel kiangah huhna a pia zo hi,” a ci hi.

Luka 1:72

A siangtho ama kamciamsa thu a ngaihsut nading ahi zongin, i pu i pate tungah hehpihna thupha hong bawl nading ahi zongin,

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Johan 16:13

Ahih hangin thuman thutak Kha Siangtho hong tun’ ciangin, thuman thutak a vekpi-in note hong hilh ding hi. Bang hang hiam na cih uh leh, ama ut bang hong gen ahi kei hi, a zaksa thu khempeuh hong gen ding hi. Anung ciangin hong piang ding thu khempeuh zong hong hilh ding hi.

Johan 7:22

Moses in vunatna thu no hong pia hi. Ahih hangin Moses kiang pan na ngah uh ka ci kei hi; tanglai i pu i pate kiang pan na ngah uh hi. Tua ahih ciangin, Sabbath ni-in vun na at uh hi.

Johan 9:29

Pasian in Moses kiangah thu pia zo cih ka thei uh hi. Ahih hangin hih pa ahih leh, koi pan hong piang hiam ka thei kei uh hi,” ci-in a gensia uh hi.

Sawltak 13:32

‘Ka tapa na hi hi. Tu ni-in na Pa ka suak hi,’ ci-in Late Lai Siangtho Nambat nihna sungah a kigelhkholh mah bangin Pasian in Zeisu nungtakik sak a, i pu i pate kiangah a piak kiciamna ei a tate tungah hong tung sak hi ci-in Lungdamna Thu nomau kiangah kong paipih uh hi.

Sawltak 2:30

Amah in kamsangpa hi a, ama suan sung pan mi khat ama tokhom tungah a tusak ding hi ci-in Pasian in a kiciam hi cih theikhol ahih ciangin Khazih’ thawhkikna thu a gen hi. Bang hang hiam na cih uh leh, tua Zeisu pen sihna gam sungah kinusia lo a, a sa in zong muatna a thuak kei hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Sawltak 3:21

Tanglai panin ama kamsang siangthote’ kam uh tawh a genkholh mah bangin na khempeuh a bawl thak kik hun matengin, vantung in Zeisu a sang ding hi.

Hebru 11:2

Tua upna hangin tanglai mite in teci pan’na a ngah uh hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 2:2

Bang hang hiam na cih uh leh, vantungmite tungah thu hong piakna kipin om a, zuih khialhna leh thungaih lohna apawl apawlte in thuak ding a kilawm thukhenna thuak uh ahih leh, a kipat cil a, Topa in hilhin, kam a za mite in a hong kipsak uh a lian mahmah gupna thudon loin om lehang, mawhna daan tawh bang ci kipelh ding i hi hiam?

Hebru 3:5

Moses in a nung ciangin a kigen ding nate-ah teci pang dingin nasem hi a, innpi sung khempeuh ah a diktat hi.

Hebru 4:8

Bang hang hiam i cih leh, Joshua in tua mite nopsakna pia hi leh, tua nung ciangin a nidang ni thu Pasian in a gen kei ding hi.

Hebru 5:5

Tua mah bangin Khazih in zong siampi ukpa za a ngah nadingin ama pumpi a pahtawi kei hi. “Nang in ka Tapa na hi hi; Tuni-in nang kong piangsak hi,” ci-in a thu a piapa in Khazih a pahtawi hi.

Hebru 9:19

Bang hang hiam na cih uh leh, Thukham khempeuh Moses in mi khempeuh kiangah a hilh khit ciangin tui tawh kihel bawngno’ si, keel’ si, a san tuumul leh pumpeeng ngeekte la-in Lai Siangtho ahi zongin, mi khempeuh tungah ahi zongin a theh a,