Haggai 1:1 - Tedim Bible

¹ Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thu gen pen, Shealtiel’ tapa Zerubbabel, Judah gam ukpa, leh Jehozadak’ tapa Joshua, siampi lianpa tungah gen ding ahi hi.

Tedim Bible Revision 2017

¹ Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtielʼ tapa Zerubbabel, Judah gam ukpa le Jehozadakʼ tapa Joshua, siampi lianpen pa tungah gen ding ahi hi.

Haggai 1:1 Iomraidhean Croise

1 KUMPI MASATE 14:18

Tua ciangin a nasem Ahijah kamsangpa tung tawnin Topa’ thugenna tawh kizui-in Israel khempeuh in amah vui-in ama hangin kap uh hi.

2 KUMPI NIHNATE 14:25

Amah in, Gathhefer pana kamsangpa, Amittai’ tapa, a nasem Jonah tung tawnin Israel Pasian, Topa’ thugen bangin, Hamath lutna panin Arabah Tuipi dong Israel gamgi ngahkik hi.

1 KHANG TANGTHU MASATE 3:17

Babilon ah sal a suak Jekoniah’ tapate in: A tapa Shealtiel,

1 KHANG TANGTHU MASATE 3:19

Pedaiah’ tapate in: Zerubbabel leh Shimei ahi uh hi; Zerubbabel’ tapate in: Meshullam leh Hananiah hi a, Shelomith kici tanu khat zong nei hi;

Ezra 1:8

Persia kumpipa Sairas in hihte pusuahin sumkempa Mithredath’ khut sungah ap hi; tuapa in Judah ukpa Sheshbazzar’ adingin a mal zah simin sazian bawlsak hi.

Ezra 10:18

Siampite beh lak panin Jozadak’ tapa Jeshua leh a sanggamte beh sung panin Ma-aseiah, Eliezer, Jarib, leh Gadaliahte in gamdang numei a ten’pihna kimu hi.

Ezra 2:2

Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in:

Ezra 2:63

Urim leh Thummin aisanna tawh ai a san ding siampi khat a om mateng amaute in biakna an siangpente a nek loh nading uh gam ukpa in gen hi.

Ezra 3:2

Tua ciangin Jozadak’ tapa Jeshua leh a siampi pihte, leh Shealtiel’ tapa Zerubbabel leh a behte hong kipan uh a, Pasian’ mi Moses’ thukham sungah a kigelh bangin meihal biaknate piak nadingin Israel Pasian’ biakna tau bawl uh hi.

Ezra 3:8

Amaute, Jerusalem a, Pasian’ innah hong ciahkik uh a kum nihna, tua kum a kha nihna sungin Shealtiel’ tapa Zerubbabel leh Jozadak’ tapa Jeshua in nasep kipan uh a, ama Israel mipihte, siampite leh Levi mite leh salsuahna panin Jerusalem ah a hong ciahkik mite khempeuh in huh uh hi. Amaute in Levi mite kum sawmnih panin a tungsiah peuhmah Topa’ inn sungah biakna nasepte a vaan dingin seh uh hi.

Ezra 4:2

Zerubbabel leh Jeshua leh innkuan lutangte kiangah va pai uh a, amaute kiangah, “Inn lamna ah ko zong hong kihel sak un; bang hang hiam cih leh note mah bangin ko zong na Pasian uh ka bia uh a, hih lai-ah kote hong koih Assiria kumpipa Esarhaddon’ hun lai-a kipanin note’ Pasian tungah biakna ka pia uh hi,” a ci uh hi.

Ezra 4:24

Tua huna kipanin Jerusalem a, om Pasian’ inn a kisepna khawl hi; Persia kumpi Darias’ uk a kum nihna dong tua bangin khawlcip phot hi.

Ezra 5:1

Tu-in kamsangte Haggai leh Iddo’ suan Zekhariah in Judah gam leh Jerusalem a, om Judah mite hanthawnin, Israel Pasian’ min tawh thu genkhol uh hi.

Ezra 5:3

Tua lai takin Eufrates Gungal gam sung teng a uk sawn Tattenai, Shetharbozenai, leh amau’ lawmte hong pai pahin amaute kiangah, “Note in hih inn lamkikin a nate na bawl nading uh kua in thu hong pia ahi hiam?” a ci uh hi.

Ezra 6:14

Tua hi a, kamsang Haggai leh Iddo’ suan Zekhariah’ thugenkholhna hangin Judah upate in a inn lam uh zom suakin mavang uh hi. Israel Pasian’ sawlna leh Persia kumpi Sairas leh Darias leh Artakzaksis-te’ thupiakna tawh amaute in a inn lam uh a zo uh hi;

Nehemiah 12:1

Shealtiel’ tapa Zerubbabel leh Jeshua tawh hong ciahkik siampite leh Levi mite in: Seraiah, Jeremiah, Ezra,

Nehemiah 12:10

Tua hi a, Jeshua in Joiakim’ pa, Joiakim in Eliashib’ pa, Eliashib in Joiada’ pa,

Nehemiah 5:14

Tua tham loin, Judah gam a uk dingin hong kiseh hun-a kipan, Kumpi Artakzaksis’ kum sawmnihna pan a kum sawmthum-le-nihna dong, kum sawm leh kum nih sung, kei leh ka behte in gam ukte’ ngah ngei ante ka ne kei uh hi.

Nehemiah 8:9

Tua ciangin gam ukpa Nehemiah, leh lai theipa lah hi-in siampi lah ahi Ezra, leh mite a hilh Levi mite in amaute khempeuh kiangah, “Tu ni in Topa note’ Pasian adingin biakna ni siangtho ahi hi; a kap a mau om kei un,” a ci uh hi. Bang hang hiam cih leh thukham kammalte a zak uh ciangin mi khempeuh kap uh hi.

Paikhiatna 4:13

Ahih hangin amah in, “Oh, ka Topa aw, hong thum ing, mi dang khat sawl zaw in,” ci hi.

Haggai 1:12

Tua ciangin Shealtiel’ tapa Zerubbabel, Jehozadak’ tapa Joshua ahi siampi lianpa, leh salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin lau uh hi.

Haggai 1:14

Tua hi a, Topa in Judah gam ukpa Zerubbabel, siampi lianpa Jehozadak’ tapa Joshua leh salsuahna panin a hong ciahkik mi khempeuh’ sungah biakinn lam nopna lungsim a guan hi. Topa, amau’ Pasian’ biakinn lam dingin hong kithawi uh a,

Haggai 1:15

Darias in kumpi a sep a kum nihna kum, a kha gukna a ni sawmnih leh ni li ni-in biakinn lam hong kipan uh hi.

Haggai 1:2

Vanglianpen’ Topa in thu gen a, “Hih mite in, biakinn lamkik ding hun nai lo hi, ci uh hi,” a ci hi.

Haggai 1:3

Tua ciangin kamsang Haggai tungah Topa in hih bangin thu gen a,

Haggai 2:10

Gam uk kumpipa Darias in a uk kum nihna mah, a kha kuana a ni sawmnih leh nili ni-in kamsangpa Haggai tungah Topa in thu gen leuleu a,

Haggai 2:20

Tua kha a ni sawmnih leh nili ni mahin Topa in Haggai tungah a nih veina thu gen kik a,

Haggai 2:21

“Vanpi leh leipi a lokgawp ding ka hihna thu, Judah gam ukpa Zerubbabel kiangah gen in.

Haggai 2:4

Tu-in Zerubbabel aw, thahat in Siampi lianpa, Jehozadak’ tapa Joshua aw, thahat in gam sunga om mi note khempeuh aw, thahat un Topa in ci hi. Note tawh hong omkhawm ka hih manin nasep kipan un.

Zekhariah 1:1

Persia gam uk Kumpipa Darias in a uk a kum nihna kum, a kha giatna sungin, Topa in kamsang Zekhariah tungah thu gen hi. (Zekhariah in Berekhiah’ tapa hi a, ama pu in Iddo ahi hi.)

Zekhariah 3:1

Topa in mang hong musak a, Topa’ vantungmi mai-ah siampi lian Joshua ding-in, a mawhna a zong dingin a kiangah Satan zong a om ka mu hi.

Malakhi 1:8

Ganhing a mittawpite tawh kei nong biak uh ciangin, a hoih mahin kingaihsun na hi uh hiam? A khebai a, a cina ganhingte tawh nong biak uh ciangin, a hoih mah kisa na hi uh hiam? Tua bang ganhing khatpeuh peuh, note hong ukpa kiangah va puak dih un. Note tungah nuamin hong pakta ding ahi hiam?” ci hi.

Luka 3:27

Josek in Joda’ ta hi, Joda in Joanan’ ta hi, Joanan in Resa’ ta hi, Resa in Zerubbabel’ ta hi, Zerubbabel in Shealtiel’ ta hi, Shealtiel in Neri’ ta hi,