Filippi 4:8 - Tedim Bible

⁸ A khak bel thu in: ute naute aw, thuman thu tawh kipawl nate, zahtakhuai nate, adik nate, a siangtho nate, deihhuai nate, phathuai nate khempeuh ahi zongin, tatna pha khatpeuh peuh, thu phatna khatpeuh peuh tawh a kipawl nate ahi zongin na lungsim sung uhah na ngaihsun un.

Tedim Bible Revision 2017

⁸ Sanggamte aw, a tawpna ah ka hong gen nop thu in, a hoih le a phat taak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai le a pahtakhuai thute ahi hi.

Filippi 4:8 Iomraidhean Croise

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

2 SAMUEL NIHNA 1:23

“Saul leh Jonathan, ki-it a, it huai uh! A sih a hin’-in amaute kikhen lo uh; muvanlai sangin zaptelzaw uh, humpinelkal sangin thahatzaw uh hi.

2 SAMUEL NIHNA 23:3

Israel Pasian kampau khin a, Israel Suangpi in kei kiangah hong ci khin hi: Mi khat in mite tungah thutang takin ukin Pasian zahtakna tawh a uk ciangin,

Late 82:2

“Note in bang tanvei amaan loin thu khenin, migilote tungah angvanna zang ding na hi uh hiam?

Paunak 11:1

Topa in tawikhaina man lo a zangte mudah a, tawikhaina man a zangte tungah lungkim hi.

Paunak 12:4

Zi hoih in a pasal’ minthan’na leh lungdamna hi a, a pasal a maizumsak zi in a pasal adingin a dam thei lo guhnatna tawh kibang hi.

Paunak 16:11

A maan tawikhaina leh tawitehnate Topa’ aa hi a, tawisuang khempeuh ama bawlsa ahi hi.

Paunak 20:7

Mi khat thumanin a hoihin a nuntak leh, ama suan-le-khakte mi hampha ahi uh hi.

Paunak 31:10

Zi hoih in suangmanpha sangin manpha zawpek a, ahi zongin zi hoih ngah ding haksa mahmah hi.

Paunak 31:29

“Zi hoih tampi a om tei hangin, nang kan-a hoih kuamah om kei,” ci-in phat hi.

Paunak 31:31

A sepna khempeuh hangin amah phat un, mi khempeuh in a zahtak dingin a kilawm ahi hi.

Solomon la 5:16

A kampaute, khum zungzung a, a vekpi-in, deih loh ding, khat zong om lo hi. Ka ngaihno, hih bang teng hi. Jerusalem nungakte aw.

Isaiah 26:7

Midikpa’ lampi tamkim a, nangmah in midikpa’ lampi na neel sak hi.

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Marka 6:20

Bang hang hiam i cih leh, Johan in mi thuman, mi siangthopa ahih Herod in thei ahih ciangin, Johan kihta a, amah a kem hi. Amah in Johan thu a zak ciangin lungmang a, lungdamna tawh ama thu a ngai hi.

Luka 16:15

Zeisu in, “Note in mite mai-ah phatna na lak nuam uh hi. Ahih hangin Pasian in note lungsim uh a thei hi. Bang hang hiam na cih uh leh, mite phatna in Pasian mai-ah kihhuaina ahi hi.”

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Luka 23:50

Tua lai takin Judah gam Arimathea khua mi Josef kici, upa vaihawmte laka khat in upa dangte’ deihna leh gamtatna zui loin, Pasian’ Gam lamenin, a diktat mipha khat ahi hi.

Johan 7:18

Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

Sawltak 10:22

amaute in, “Pasian a kihta, Judah mi khempeuh in a zahtak, midik, galkap mangpa Kornelias in nangmah hong sam a, nangmah kiang pan thu a zak nading, vantungmi siangtho khat in thu a pia hi,” a ci uh hi.

Sawltak 22:12

“Tua lai takin thukham lamsangah mawhsakna a om lo, tua san takah a om Judah mi khempeuh tungah minphatna a ngah,

Sawltak 6:3

Tua ahih ciangin ute naute aw, Kha Siangtho tawh ahi zongin, lungpilna tawh ahi zongin a kidim leh zahtakna a ngah, nomau lakah pasal sagih zong un la, hih na a sem dingin kote in ka koih ding uh hi.

ROM (Romans) 13:13

Pawikhamna, guih theih zu kham luatna ahi zongin, hukna, lanna kihhuaina ahi zongin, kitotna, kidemna ahi zongin tangin, sun laitak mah bangin kilawmin gamta ni.

ROM (Romans) 13:3

Bang hang hiam na cih uh leh, ukna za a neite in, gamtat hoih mite kihtak ding ahi kei uh hi, gamtat hoih lote kihtak ding ahi uh hi. Ukna za a neite na kihtak nop kei leh, ahoihin gamta in. Tua bang na hih leh ukna neite kiangah pahtawina na ngah ding hi.

ROM (Romans) 14:18

Tua bang gamta a, Khazih’ na a sem mi in Pasian lungdam sak a, mite mai-ah minphathuai ahi hi.

ROM (Romans) 2:29

A sung lam Judah mi in Judah mi ahi takpi hi. Vun atna in zong thukham Lai Siangtho thu bang hi lo, Kha Siangtho bangin lungsim tawh a kipawl hi. Tua banga vun at mite in mite kiangah phatna ngah loin, Pasian kiangah phatna a ngah uh hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

2 KORIN NIHNA 13:7

Kote in a kisittel zo mi ka hihna uh a kilat nading deihna hi loin, a kisittel zo lo mi bang ka hi uh zongin, note in ahoih na gamtat theih nadingun, gamtat hoih lo khat beek na gamtat loh nadingun Pasian kiangah thu ka ngen uh hi.

2 KORIN NIHNA 6:8

minthan’na leh simmawhna ahi zongin, phatna leh kosiatna thuakin ahi zongin, mikheemte bang ahi zongin, thuman gen mi hi-in,

2 KORIN NIHNA 8:18

Pasian’ Lungdamna Thu hilhna-ah pawlpi khempeuh lakah phatna a ngah sanggampa zong Titu tawh kong sawl khawm uh hi.

2 KORIN NIHNA 8:21

Bang hang hiam na cih uh leh, Topa mai bek hi lo, mite mai-ah zong a kilawm a kituaka gamtat ding ka hanciam uh hi.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Efesa 5:9

Bang hang hiam na cih uh leh, khuavak’ gah in a hoihna khempeuh, dikna khempeuh, thuman thutak ahi hi.

Efesa 6:14

Tua ahih ciangin thuman thutak kawnggak na gak un la, dikna awmdalna na bulh un la,

Thu-hilhkikna 16:20

Note nungta-in Topa na Pasian un note hong piak leitang na luah theih nadingun thumanna leh thumanna bekbek na zui ding uh hi.

Filippi 3:1

A khak bel thu in: ka it ka ute ka naute aw, Topa sungah na lungdam ta un. Hih bangin ka hong gelhkik hangin ka gim kei hi, note ading bitna ahi hi.

Kolose 4:5

Pua lamah a om mite mai-ah pilna tawh gamta un la, a hun na teel un.

1 TIMOTI MASA 3:11

Tua mah bangin amau’ zite in zong khuaval lo ding uh a, mite’ dai nading thu gensiam mi hi loin thuman thutak a nei mi, na khempeuhah a diktat mi ahi ding uh hi.

1 TIMOTI MASA 3:4

Amah in ama inn pha takpi-in uk zoin a tate, na khempeuhah khuaval loin, a uk thei mi ahi ding hi.

1 TIMOTI MASA 4:12

Khangno lai na hih hanginah kuamah kisimmawhsak kei in. Thugenna, gamtat ngaihsutna, midang itna, upna, siangthona sung pan a um mite ading limpha na suak in.

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

1 TIMOTI MASA 5:2

nupite nute bangin ahi zongin, nungakte na khempeuhah a siangtho tawh ahi zongin thu na hilh in.

Titu 1:8

Zindo a siam thei mi, a hoih lam a deih mi, khuaval zulhtat lo mi, a dik mi, a siangtho mi, a pumpi a kikeem zo mi ahi ding hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Titu 2:2

A teek pasalte in a pumpi deihna khaam nading, a khuaval zulhtat loh nading, a lungkip nading, upna lamah a kip nading, itna a neih nading, a thuak zawh nading na hilh in.

Titu 2:7

Na khempeuh ah gamtatna pha lim, nangmah mah in na pumpi-in na lak in. Thu na hilh ciangin kheemna thu om loin, khuaval zulhtat loin, mawhsakna om lo thu siangtho na hilh in.

Titu 3:14

I mite in zong a gah nei lo mi hi loin, kisapnate a ngah nadingun, gamtatna ahoih a hih tawntung nadingun sin uh hen.

Hebru 11:2

Tua upna hangin tanglai mite in teci pan’na a ngah uh hi.

Hebru 13:18

Kote ading thu hong ngetsak un. Bang hang na cih uh leh, kote in komau pumpi theihna lungsim a pha nei-in, na khempeuh ah a hoihin gamtat nadingin a deih mi ka hi uh hi ci-in ka lungkim uh hi.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

1 PETER MASA 4:8

Hihna khempeuh tham loin, note in khat leh khat nakpi-in na ki-it un. Bang hang hiam na cih uh leh, ki-itna in mawhna tampi a seel hi.

2 PETER NIHNA 3:1

Ka itte aw, hih nih veina lai kong gelh hi.

1 JOHAN MASA 3:18

Ka ta neute aw, eite in kampau bek tawh ahi zongin, leii bek tawh ahi zongin ki-it loin, sepna bawlna tawh a mantak ki-it ni.

1 JOHAN MASA 3:3

Hih bang a lamen mi khempeuh in Topa a sian’tho bangin amau pumpi uh zong a kisiangthosak uh hi.

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

Ruth 3:11

Tu-in ka tanu aw, lau kei in, na nget khempeuh nang adingin kong hih sak ding hi; bang hang hiam cih leh ka khuapih mite khempeuh in numei gina na hih lam thei uh hi.