Filippi 4:7 - Tedim Bible

⁷ Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

Tedim Bible Revision 2017

⁷ Mihingte in a theih tel zawh loh Pasianʼ hong piak lungsim nopna in, Khris Jesu tawh na kipawlna uh hangin note hong lungnuamsak ding hi.

Filippi 4:7 Iomraidhean Croise

Nehemiah 8:10

Tua ciangin amah in amaute kiangah, “Tu-in ciah un; an lim tui lim ne-in thadim un la, a nei zo lote zong va kholh un; bang hang hiam cih leh i Topa’ adingin tu ni in biakna ni siangtho ni ahi hi; dah kei un, bang hang hiam cih leh Topa sungah lungdamna in note’ thahatna ahi hi,” a ci hi.

JOB (Job) 22:21

“Job aw, tu-in Pasian tawh kilem in la, amah galbawl nawn kei in; tua hi leh amah in nang thupha hong pia ding hi.

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

Late 29:11

Topa in a mite hatna pia ta hen! Topa in a mite nopna thupha pia ta hen!

Late 85:8

Topa Pasian’ thu gen ding hong zasak dih un, bang hang hiam cih leh amah in ama lamah a lungsim uh tawh a kiheite, ama mi siangthote, a mite tungah kilemna thu gen ding hi.

Paunak 2:11

Na thu ngaihsut theihna leh na thutelna in, nangmah hong hu-in,

Paunak 4:6

Pilna nusia kei in, tua hi leh siatna panin nang hong hu ding hi, pilna deih in, tua hi leh lungmuang takin na om nadingin hong kem ding hi.

Paunak 6:22

Tua thute in na paina peuhah lam hong lak ding a, zan-in na ihmut kalin nang hong cing ding a, sun-in na hah sungin na gamtat nading hong hilh ding hi.

Isaiah 26:12

Topa aw, kote’ tungah daihna hong pia in. Kote’ matut zawhna khempeuh, nangma hong sepsakna hang ahi hi.

Isaiah 26:3

Topa aw, nang hong muang a, nangma tungah a lungsim kip mipa, lungnopna kicing na pia ding hi.

Isaiah 45:7

Keimah in khuavak leh khuamial piangsakin, a pha nate leh a sia nate ka piangsak a, hih nate khempeuh a bawlpa in keimah Topa ka hi hi.

Isaiah 48:18

Ka thupiakna a ngai hi hoh leteh! Nangma nopsakna pen gunpi bang ding a, na thumanna pen tuipi tuihualte tawh kibang ding hi;

Isaiah 48:22

“Tua ahih ciangin mi gilote’ adingin nopna om lo hi,” Topa in ci hi.

Jeremiah 32:16

“Neriah’ tapa Baruk kiangah kileina lai ka piak khit ciangin Topa’ kiangah thu ka ngen a,

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.

Gamlak-vakna 6:26

Topa in note tungah ama maipha hong pia hen la, note nopsakna hong pia ta hen, ci-in thupha pia uh hen.

Luka 1:79

A tung panin ni suakin eite kiangah hong tang ding hi,” ci-in a gen hi.

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

ROM (Romans) 5:1

Tua ahih ciangin i upna tawh dikkisakna i ngah ahih ciangin eite Topa Zeisu Khazih hangin Pasian tawh i kilem hi.

ROM (Romans) 8:6

Bang hang hiam na cih uh leh, ci leh sa lungsim in sihna tawh kituak hi. Kha Siangtho lungsim in nuntakna leh nopna tawh kituak hi.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Efesa 3:19

nomau pilna tawh na theih zawh loh uh Khazih’ itna na theih tel nading uh ahi zongin, note in hih thei-in Pasian’ kicin’na a om khempeuh tawh na kidim nading uh thu ka ngen hi.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Filippi 1:2

I Pa Pasian leh Topa Zeisu Khazih kiang pan hehpihna thupha leh nopna in note tungah om ta hen.

Filippi 4:19

Ka Pasian in ama vangliatna tawh kipawl hauhna a om mah bangin, note kisapna khempeuh Khazih Zeisu sungah hong kicingsak ding hi.

Filippi 4:21

Khazih Zeisu sungah a om misiangthote khempeuh na hopihsak un. Kei tawh a omkhawm ute naute-a kipan misiangthote in note hong hopih uh hi.

Filippi 4:9

Note in nidang lai-in keima kiangah sinin na zaksa, na muhsa, na ngahsa uh nate na zui un, Tua bangin na zuih uh leh, nopna’ Pasian in note tawh hong omkhawm ding hi.

Kolose 3:15

Note lungsim sung uhah Khazih’ nopna na uksak un. Tua bang deihna-in note in pum khat bek sungah hong sapna a ngah na hi uh hi. Hehpihna phatna lungsim na nei un.

2 THESALONIKA NIHNA 3:16

Nopna’ Topa mahmah in note a tawntungin nopna apawl pawl hong pia ta hen. Topa in note khempeuh tawh omkhawm ta hen.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

Mangmuhna 1:4

Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”