Filemon 1:7 - Tedim Bible

⁷ Sanggam aw, nangma hangin misiangthote in lungsim thaksuahna a ngah uh ahih ciangin nangma itna ngaihsunin lungdam mahmahin ka nuam zo hi.

Tedim Bible Revision 2017

⁷ Sanggam aw, nangma hangin Pasianʼ mite in lungnopna ngah uh ahih manin tua bang itna na neihna hangin ka lungdamin ka tha a nuam mahmah hi.

Filemon 1:7 Iomraidhean Croise

1 KORIN MASA 16:18

ka lungsim leh note lungsim uh hong tawldam sak zo uh hi. Tua bang mite na ciamteh un.

2 KORIN NIHNA 7:13

Tua ahih ciangin kote in hehnepna ka ngah zo uh hi. Tua hehnepna-ah zong note khempeuh in Titu’ lungsim na noptuamsak zo uh a, ama lungdamna hangin kote ka lungdam semsem uh hi.

2 KORIN NIHNA 7:4

Note kiangah lau loin ka hong ci hi; note hangin ka kisathei mahmah hi. Hehnepna tawh ka dim hi. Ka thuakna uh gimna khempeuh ah a kigen thei loin ka lungdamzaw hi.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

1 THESALONIKA MASA 2:19

I Topa Zeisu hong kum ciangin a mai-ah kote lametna, lungdamna leh kisaktheihna lukhu in bang ahi hiam? Note hilo na hi uh hiam?

1 THESALONIKA MASA 3:9

I Pasian mai-ah note thu hangah kote lungdamna khempeuh ngaihsunin, note hangin Pasian’ hehpihna bang ci thukkik zawh ding ka hi uh hiam?

2 TIMOTI NIHNA 1:16

Topa in Onesiforas’ innkuanpihte tungah hehpihna tungsak ta hen. Bang hang hiam cih leh, amah in kei tam veipi hong thakhauh sak hi. Keima sikkhau hangin zong zum loin,

Filemon 1:20

Ahi hi, ka sanggam aw, nangmah hangin Topa sungah keima lungsim tawldam ta hen; Khazih sungah ka lungsim hong thakhauh sak in.

2 JOHAN NIHNA 1:4

Eite in Pa kiang pan thupiakna i ngah bangin, na tate kimkhat in thuman thutak lam zui-in a om uh ka muh ciangin ka lung a dam mahmah hi.